اِنجیلِ یوحنا 1:40 - کتاب مقدس به زبان مازندرانی - گویش شرقی

⁴⁰ یِتا از اون دِتا که یحییِ گَبِ بِشنُسِنِ جِم، عیسیِ دِمبال راه دَکِته، آندریاس، شَمعونِ پِطرُسِ بِرار بییه.

گیله ماز

⁴⁰ ایتا اَزون دُتا که یَحییِ گَبِ بِشنَوِسَّنِ خاطِری عیسی یه دُمّال رادَکِته با، آندریاس، شَمعونِ پِطرُسِ اَداش با.

کتاب مقدس به زبان مازندرانی - گویش غربی

⁴⁰ یَتِه اَزون دِتا گه یَحیی ای گَبی بِشنُسَنی جا عیسایی دِمال راه دَکِتِه، آندریاس، شَمعونِ پِطرُسی بِرار وِه.

اِنجیلِ یوحنا 1:40 Iomraidhean Croise

اِنجیلِ مَتّی 10:2

اینِ اون دِوازده رَسولِ اِسم: اَوِّل شَمعون که وه ره پِطرس هم گاتِنه و وه بِرار آندریاس، یَعقوب، زِبِدیِ ریکا و وه بِرار یوحنا،

لوقا 5:1

یِتا روز که عیسی جِنیسارِتِ دریائه پَلی اِیست هاکارده بییه، مَردِم هر طَرِفِ جِم وه ره هجوم یاردِنه تا خِدائه کِلامِ بِشنُئِن،

اِنجیلِ یوحنا 1:39

عیسی وِشونِ بااوته: «بِئین و بَوینین.» پَس اون دِتا شاگرد بُوردِنه و بَدینه وه کجه موندِنه و اون روزِ وه هِمراه سَر هاکاردِنه، چوون که حدوداً ساعت چهارِ بَعد اَز ظِهر بییه.

اِنجیلِ یوحنا 2:2

عیسی و وه شاگِردون هم آروسی دَعوِت بَییه بینه.

اِنجیلِ یوحنا 4:33

شاگِردون هَمدییه ره بااوتِنه: «مَگه کِسی وه وِسه غِذا بیارده؟»

اِنجیلِ یوحنا 6:8

یِتا از وه شاگِردون که وه اسم آندریاس و شَمعونِ پِطرُسِ بِرار بییه، بااوته:

اعمال رَسولان 1:13

وَختی اورشَلیم بَرِسینه، یِتا بالاخانه‌ که وِشونِ منزلگاه بییه، بُوردِنه. اونایی که اونجه دَینه اینا بینه: پِطرُس و یوحنا، یَعقوب و آندریاس، فیلیپُس و توما، بَرتولْما و مَتّی، یَعقوب حَلْفایِ ریکا و وَطن پرستِ شَمعون و یَعقوبِ ریکا، یَهودا.