اِنجیلِ یوحنا 1:33 - کتاب مقدس به زبان مازندرانی - گویش شرقی

³³ مِن شه هم وه ره نِشناسیمه، ولی هَمون که مِ ره بَفرِسیه تا اوهِ هِمراه تَعمید هادِم، مِ ره بااوته: ”هر وَخت بَدیئی خِدائه روح یه نَفِرِ سَر جِر بییَمو و بَمونِسه، این همونیِ که روح‌القدسِ هِمراه تَعمید دِنه.“

گیله ماز

³³ مَن خودَم هَم اونه نِشناسِنِه بام، وَلی همون که مَرِه روانه هَکوردِه تا اُویه هَمرَه تَعمید هَدَم، مَرِه باگوتِه: ”هَر وَخت بِدیِیَی خُدایِ روح یِنَفَرِ سَر جیر بوما و بُمانسِّه این هَمونیِه که روح القُدُسِ هَمرَه تَعمید دَنِه.“

کتاب مقدس به زبان مازندرانی - گویش غربی

³³ شِه مِنَم وِرِه نِشناسیوِمِه، ولی هَمون گه مِنِه بَرِسانیِه تا اُوئی هَمرا تَعمید هادِم، مِنِه بُتِه: ”هر وَخت بَئی خِدایی روح یَنَفَری سَر جِر بیمو و بَمونِسِه هَین هَمونیِه گه روح القُدُسی هَمرا تَعمید دِنِه.“

اِنجیلِ یوحنا 1:33 Iomraidhean Croise

اِنجیلِ مَتّی 3:11

مِن شِما ره اوهِ هِمراه تَعمید دِمبه، ولی اونی که بَعدِ از مِن اِنه، مه جِم قویتر هَسه و مِن حَتَّی لایِقِ این کار نیمِه كه وه کوشِ، وه لینگِ وَر جِفت هاکانِم. وه شِما ره روح القدس و تَشِ هِمراه تَعمید دِنه.

لوقا 3:16

یحیی تِمومِ وِشونِ این طی جِواب دائه و گاته: «مِن شِما ره اوهِ هِمراه تَعمید دِمبه، ولی کِسی مِ جِم قوی تِر اِنه که حَتَّی مِن لایق نیمِه وه کوشِ بَنِّ واز هاکانِم. وه شِما ره روح‌القُدس و تَشِ هِمراه غسل تَعمید دِنه.

اِنجیلِ یوحنا 1:31

مِن شه هم وه ره نِشناسیمه، ولی اینِ وِسه بییَمومه و اوهِ هِمراه تَعمید هِدامه که وه، اِسرائیلِ قومِ ظاهر بَووه.»

اِنجیلِ یوحنا 14:26

ولی اون پِشتیبون، یعنی روح‌القُدُس، که پییِر وه ره مِ اسمِ هِمراه رِسِندِنه، وه همه چی ره شِما ره یاد دِنه و هر چیِ که مِن شِما ره بااوتِمه ره شِمه یاد یارنه.

اِنجیلِ یوحنا 3:34

چوون اونی که خِدا وه ره بَفرِسیه، خِدائه کِلامِ گانه، چوون خِدا شه روحِ بی حَدّ و اِندازه دِنه.

اِنجیلِ یوحنا 3:5

عیسی جِواب هِدا: «حَییقَتاً، تِ ره گامبه تا یه نَفِر اوه و روحِ جِم دِنیا نَییه، نَتونده خِدائه پادشاهیِ دِله بُوره.

اِنجیلِ یوحنا 7:39

عیسی اینِ گَبِ روحِ القُدسِ خَوِری بَزو، که اونایی که وه ره ایمون بیارِن اونِ پی دا کاندِنه چوون روح القُدس هَمتی هِدا نَییه بییه، اینِ وِسه که عیسی هَمتی جِلال نَییته بییه.

اعمال رَسولان 1:5

یحیی اوهِ هِمراه غسلِ تَعمید دائه، ولی شِما چَن روز دییه روح‌القُدسِ هِمراه غسلِ تَعمید گِرنِنی.»

اعمال رَسولان 2:4

بعد همه روح‌القُدُسِ جِم پِر بَینه و هَمون طی که روح، وِشونِ گَب بَزوئِنِ قِوَّتِ دائه، دییه زِوون هائه هِمراه گَب بَزوئِنِ شِروع هاکاردِنه.

اوّلین نامِه قُرنتیانی سِه 12:13

چوون اِما هَمه، چه یَهود و چه یونانی، چه نوکِر و چه آزاد، یِتا روحِ دِله غِسلِ تَعمید بَییتیمی تا یه تَن بوئیم؛ و اِما هَمه یِتا روحِ جِم بَنوشانی بَیمی.