اِنجیلِ یوحنا 1:27 - کتاب مقدس به زبان مازندرانی - گویش شرقی

²⁷ وه هَمونیِ که بعد از مِن اِنه و مِن حَتَّی لایق نیمه وه کوشِ بَندِ واز هاکانِم.»

گیله ماز

²⁷ اون هَمونیِه که بعدِ مَن هَنه و مَن حَتّی لایِق نیِیَم اونه چَمیشِ بَندِ واز هَکُنَم.»

کتاب مقدس به زبان مازندرانی - گویش غربی

²⁷ وی هَمونیِه گه بعد از مِن اِنِه و مِن حَتّی لایِق نیمِه وی کوشی بَنِّ وا هاکِنَم.»

اِنجیلِ یوحنا 1:27 Iomraidhean Croise

اِنجیلِ مَتّی 3:11

مِن شِما ره اوهِ هِمراه تَعمید دِمبه، ولی اونی که بَعدِ از مِن اِنه، مه جِم قویتر هَسه و مِن حَتَّی لایِقِ این کار نیمِه كه وه کوشِ، وه لینگِ وَر جِفت هاکانِم. وه شِما ره روح القدس و تَشِ هِمراه تَعمید دِنه.

مَرقُس 1:7

وه موعظه کارده و گاته: «بَعد از مِن، یه نَفِر اِنه که مِ جِم قوی تَرِ و مِن حَتّی لیاقت نِدارمه دِلّا بَووِم و وه کوشِ بَندِ واز هاکانِم.

لوقا 3:16

یحیی تِمومِ وِشونِ این طی جِواب دائه و گاته: «مِن شِما ره اوهِ هِمراه تَعمید دِمبه، ولی کِسی مِ جِم قوی تِر اِنه که حَتَّی مِن لایق نیمِه وه کوشِ بَنِّ واز هاکانِم. وه شِما ره روح‌القُدس و تَشِ هِمراه غسل تَعمید دِنه.

اِنجیلِ یوحنا 1:15

یحیی وه وِسه شِهادت دائه و جار زوئه و گاته: «این هَمون تائه که وه خَوری بااوتِمه: اون که بَعد از مِن اِنه مِ جِم سَر تِرِ، چوون مِ جِم قبلتِر دَییه“.»

اِنجیلِ یوحنا 1:30

اینِ هَمونیِ که وه خَوِری بااوتِمه ”بعد از مِن یِتا مَردی اِنه که مِ جِم سَرتِرِ، چوون مِ جِم قبلتر دَییه.“

اِنجیلِ یوحنا 10:41

خَیلیا وه پَلی بییَمونه. وِشون گاتِنه: «یحیی هیچ نشونه و معجِزه ای نَکارده، ولی هر چی این مَردیِ خَوِری بااوته، راس بییه.»

اعمال رَسولان 13:25

وَختی یحیی شه خِدمِتِ تموم کارده، بااوته: ”مِ ره کی دوندِنی؟ مِن وه نیمِه؛ بلکه وه بعد از مِن اِنه و مِن حَتّی لایق نیمِه وه کوشِ بَندِ واز هاکانِم.“

اعمال رَسولان 19:4

پولُس بااوته: «یحیی اونایی که تووبه کاردِنه ره تَعمید دائه. وه قومِ گاته، اونی که بَعدِ از وه اِنه ره ایمون بیارین، یَعنی عیسی ره.»