اِنجیلِ یوحنا 1:19 - کتاب مقدس به زبان مازندرانی - گویش شرقی

¹⁹ اینِ یحییِ تَعمید دَهِنده شِهادت، اون مووقه که یَهودیون، مَعبدِ کاهِنون و مَعبدِ خادِمونِ، اورشَلیمِ شَهرِ جِم وه پَلی بَفرِسینه تا وه جِم بَپِرسِن که «تِ کی هسی؟»

گیله ماز

¹⁹ این یَحییِ تعمید دَهندِه شَهادَتِ اون موقه که یَهودیِان، مَعبَدِ کاهِنان و مَعبَدِ خادِمان رِه، اورشَلیمِ شَهرِ جی اونه وَرجه روانه هَکوردَن تا اونه جی بَپُرسَن که «تو کی هیسی؟»

کتاب مقدس به زبان مازندرانی - گویش غربی

¹⁹ هَینِه یَحیای تعمید دهنده ای شَهادَت هون موقِه گه یَهودیِن، مَعبَدی کاهنِن و مَعبَدی خادِمِنِ، اورشَلیمی شَهری جا وی وَر بَرِسانینِه تا ویجا بَپُرسَن گه «تو کی هَسّی؟»

اِنجیلِ یوحنا 1:19 Iomraidhean Croise

اِنجیلِ یوحنا 1:7

وه یِتا شاهدِ واری بییَمو، تا اون نورِ وِسه شِهادت هاده، تا همه، وه طَریقِ جِم ایمون بیارِن.

اِنجیلِ یوحنا 10:24

پَس یَهودیون وه دور جَمع بَینه و بااوتِنه: «تا کِی خوانی اِما ره شَکِ دِله داری؟ اگه مَسیحِ موعود هَسی، اِما ره عَلِنی بار.»

اِنجیلِ یوحنا 10:31

اون وَخت اَت کَش دییه یَهودیون سَنگ بَییتِنه تا وه ره سَنگسار هاکانِن.

اِنجیلِ یوحنا 11:19

خَله از یَهودیون مَریِم و مارتائه پَلی بییَمو بینه تا وِشونِ وه بِرارِ مَرگِ وِسه تَسِلی هادِن.

اِنجیلِ یوحنا 2:18

پَس یَهودیون عیسی ره بااوتِنه: «چه نشونه و معجزه ای اِما ره سِراغ دِنی تا بَدونیم این طی کارائه اِجازه ره دارنی؟»

اِنجیلِ یوحنا 2:20

پَس یَهودیون بااوتِنه: «چهل و شیش سال طول بَکِشیه تا این مَعبدِ بَسازِن، و اِسا تِ سه روزِ سَر اونِ سازِنی؟»

اِنجیلِ یوحنا 5:10

پَس یَهودیون اون مَردی که شِفا بَییته بییه ره بااوتِنه: «اَمروز شنبه هَسه و تِ شَرعاً اِجازه نِدارنی که شه لا ره بَیری و یِتا جائه جِم، دییه جا بَوِری.»

اِنجیلِ یوحنا 5:15

اون مَردی بُورده و یَهودیونِ بااوته: «اونی که مِ ره شِفا هِدا، عیسی ئه.»

اِنجیلِ یوحنا 5:16

اینِ وِسه بییه که یَهودیون عیسی ره اَذیِّت کاردِنه، چوون مِقدَّسِ شنبه دِله این طی کارا ره کارده.

اِنجیلِ یوحنا 5:18

اینِ وِسه، یَهودیون قَبلِ جِم ویشتر خواسِنه وه ره بَکوشِن، چوون نا فِقَط مِقدَّسِ شنبهِ قانونِ اِشکِسه، بلکه حَتَّی خِدا ره شه پییِر گاته و شه ره خِدائه هِمراه بِرابر دونِسه.

اِنجیلِ یوحنا 6:41

اون وَخت یَهودیون وه خَوِری غرغر هاکاردِنه، چوون که بااوته بییه: «مِن اون نونی هَسِمه که آسِمونِ جِم بییَمو.»

اِنجیلِ یوحنا 6:52

پَس یَهودیونِ میون بحث دَکِته و گاتِنه «چی طی این مَردی تونده شه تَنِ اِما ره هاده تا بَخُریم؟»

اِنجیلِ یوحنا 7:1

بعد از اون، یه چَن وَخت، عیسی جَلیلِ مَنطقهِ دِله گِردِسه، چوون نِخواسه یهودیه مَنطقهِ دِله دَووه، چوون یَهودیون خواسِنه وه ره بَکوشِن.

اِنجیلِ یوحنا 7:11

یَهودیون، عیدِ مووقه وه دِمبال گِردِسِنه، گاتِنه: «اون مَردی کِجه دَره؟»

اِنجیلِ یوحنا 7:15

یَهودیون بِهت هاکاردِنه، بااوتِنه: «این مَردی که اَصلاً دینِ دَرسِ نَخوندِسه، چی طی تونده این طی علمی داره؟»

اِنجیلِ یوحنا 8:22

پَس یَهودیون بااوتِنه: «مَگه خوانه شه ره بَکوشه که گانه ”اونجه که مِن شومبه، شِما نَتوندِنی بِئین“؟»

اِنجیلِ یوحنا 8:48

یَهودیون وه جِواب بااوتِنه: «مگه دِرِس نااوتیمی که سامری هسی و دِو دارنی؟»

اِنجیلِ یوحنا 8:52

یَهودیون وه ره بااوتِنه: «اَلان دییه باوِر هاکاردیمی که دِوو دارنی! اِبراهیم و پیغمبِرون بَمِردِنه، و اِسا تِ گانی، ”اگه کِسی مِ کِلامِ عَمِل هاکانه، هیچ وَخت مَرگِ نَوینده!“

اِنجیلِ یوحنا 8:57

یَهودیون وه ره بااوتِنه: «همتی پِنجاه سال نِدارنی و ابراهیمِ بَدیئی؟»

اعمال رَسولان 13:25

وَختی یحیی شه خِدمِتِ تموم کارده، بااوته: ”مِ ره کی دوندِنی؟ مِن وه نیمِه؛ بلکه وه بعد از مِن اِنه و مِن حَتّی لایق نیمِه وه کوشِ بَندِ واز هاکانِم.“

اعمال رَسولان 19:4

پولُس بااوته: «یحیی اونایی که تووبه کاردِنه ره تَعمید دائه. وه قومِ گاته، اونی که بَعدِ از وه اِنه ره ایمون بیارین، یَعنی عیسی ره.»

اوّل یوحنا 1:5

اینِ پِیغومی که وه جِم بِشنُسیمی و شِما ره اِعلام کامبی که: خِدا نورِ و هیچ تاریکی ای اَصلاً وه دِله دَنیه.