یعقوبِ نامه 5:9 - کتاب مقدس به زبان مازندرانی - گویش شرقی

⁹ بِرارون، هَمدییه علیه غرغر نَکِنین، تا شِما ره هَم داوِری نَووه، هارِشین ’داوِر‘ دَرِ پیش اِیست هاکارده.

گیله ماز

⁹ اَداشان، هَمدِیگرِ جی گِلِه نَکنید، تا شِمِرِه هَم داوَری نَبو، بِیشین ’داوَر‘ دَرِ وَر هیسَه.

کتاب مقدس به زبان مازندرانی - گویش غربی

⁹ بِرارِن، هَمدِیَری علِیه غِرغِر نَکِنین، تا شِمِنِه هَم داوَری نَوو، هارشین ’داوَر‘ دَری پِش اِسّا.

یعقوبِ نامه 5:9 Iomraidhean Croise

اِنجیلِ مَتّی 24:33

هَمین طی هم وَختی تِمومِ این چیا ره بَوینین، دوندِنی که اِنسانِ ریکائه بییَموئِن نَزیکه، بلکه دَرِ وَر دَره.

مَرقُس 13:29

همین طیَم، هَر وَخت بَوینین این چیا اِتّفاق کَفِنه، بَدونین انسانِ ریکائه بییَموئِن نزیکِ، بلکه درِ وَر دَره.

مَرقُس 6:19

پَس هیرودیا یحیی جِم کینه داشته و خواسه وه ره بَکوشه، ولی نَتونِسه.

اوّلین نامِه قُرنتیانی سِه 10:11

این کار، نمونهِ واری وِشونِ وِسه اِتّفاق دَکِته و بَنوِشته بَییه تا اَمه وِسه دَرسِ عبرتی بوئه که اون دورهِ دِله زندگی کامبی که آخِرِ زِمونِ.

اوّلین نامِه قُرنتیانی سِه 4:5

پَس هیچیِ خَوِری قبل از وه مووقه قِضاوِت نَکِنین، تا اینکه خِداوند بِیّه. وه اونچی ره که اَلان تاریکیِ دِله جا هِدا هسه ره روشناییِ دِله دیار کانده و دِل هائه نیّتها ره بَر مِلا کانده. بعد هر کی شه تَعریف و تَمجیدِ خِدائه جِم گِرنه.

دوّمین نامه قرنتیانِ وَسین 9:7

هر کی وِنه هَمون اِندا که شه دلِ دِله نِیِّت هاکارده، هاده، نا بی میلی و زورِ هِمراه، چوون خِدا اونی که خِشالیِ هِمراه هَدیه دِنه ره دوس دارنه.

غَلاطیان 5:14

چوون تِمومِ شَریعَت، یِتا حِکمِ دِله خِلاصه بونه که «شه هَمساده ره شه واری دوس دار.»

غَلاطیان 5:26

بیخودی مَغرور نَبوئیم تا هَمدییه غیظِ بالا بیاریم و هَمدییه ره حَسودی نَکِنیم.

یعقوبِ نامه 4:11

ای برارون، هَمدییهِ بَدِ نارین. اونی که یِتا بِرارِ علیه بَد باره و یا شه بِرارِ داوِری هاکانه، شَریعتِ علیه بَد گانه و شَریعتِ داوِری کانده. ولی اگه تِ شَریعتِ داوِری کاندی، تِ شَریعَت داور بَئی نا اونی که وه ره به جا یارنه!

یعقوبِ نامه 4:12

فِقَط یه نَفِر دَره که شَریعتِ هِدا و داورِ، که وه هَمونیِ که تونده نِجات هاده و هِلاک هاکانه. پَس تِ کی هسی که دره شه هَمساده ره داوِری کاندی!

یعقوبِ نامه 5:10

بِرارون، پِیغَمبِرونی جِم که خِداوندِ اسمِ هِمراه گَب زوونه، مِصیبت و صبرِ دَرسِ یاد بَیرین.

یعقوبِ نامه 5:7

پَس اِی بِرارون، تا خِداوندِ بییَموئِن صبر هاکانین. هارِشین چی طی کشاورز اِنتِظار کَشِنه تا زِمین، شه با ارزشِ محصولِ بار بیاره؛ چی طی صَبر کانده تا پاییز و بهارِ وارش زِمینِ سَر بِواره.

اول پِطرُس 4:5

ولی وه ره که آماده ئه تا زنده ها و مِرده ها ره داوِری هاکانه، حِساب پَس دِنِنه.

اول پِطرُس 4:9

بدون این که غرغر هاکانین، هَمدییه ره مهمون هاکانین.

یوحنایِ مکاشفه 3:20

هارِش درِ پِشت اِیست هاکارده و دَره دَر زَمبه. اَگه کِسی مِ صِدا ره بِشنُئه و دَرِ مِ وِسه واز هاکانه، دِله اِمبه و وه هِمراه شوم خارمه و وه هم مِ هِمراه.