یعقوبِ نامه 5:15 - کتاب مقدس به زبان مازندرانی - گویش شرقی

¹⁵ ایمونِ هِمراه دِعا هاکاردِن، مَریضِ نِجات دِنه و خِداوند وه ره بِلِند کانده، و اگه گِناهی هاکارده بوئه، بخشیده بونه.

گیله ماز

¹⁵ ایمان هَمرَه دُعا هَکُردَن، مَریضِ نِجات دَنه و خداوند اونه وَرِساندِنِه، وَ اَگه گُناهی هَکِردهِ بو، بَخشیدِه بونه.

کتاب مقدس به زبان مازندرانی - گویش غربی

¹⁵ ایمونی هَمرا دِعا هاکِردَن، مَریضِ نِجات دِنِه و خِداوَند وِرِه اِرِسانِّه، و اگه گِناهی هاکِرد وو، بَخشیدِه وونِه.

یعقوبِ نامه 5:15 Iomraidhean Croise

اِنجیلِ مَتّی 17:20

عیسی بااوته: «چوون شِمه ایمون کَمِه! حَییقَتِن شِما ره گامبه، اَگه یِتا خَردِلِ تیمِ اِندا ایمون دارین، توندِنی این كوه ره بارین که از اینجه به اونجه جابِجا بَووه و جابِجا بونه و هیچ کاری شِمه وِسه مَحال نییه. [

اِنجیلِ یوحنا 5:14

اَت کم بعد، عیسی وه ره مَعبدِ دِله پی دا هاکارده و وه ره بااوته: «هارِش دییه خوار بَئی! دییه گِناه نَکِن تا یه چی بَدتِر تِ سَر نَییه.»

اِنجیلِ یوحنا 6:39

و مِ بَفرِسیهِ خواسه اینِ که از اون کَسایی که وه مِ ره هِدا، هیچ‌ کِدومِ از دَس نَدِم، بلکه وِشونِ قیامتِ روزِ دِله زنده هاکانِم.

اوّلین نامِه قُرنتیانی سِه 1:21

چوون از اونجه که طبقِ خِدائه حِکمت، دِنیا نَتونِسه حِکمتِ راه جِم خِدا ره بِشناسه، خِدا این طی صِلاح بَدیئه که این نادونیِ راهِ جِم که اِما موعظه کامبی، اونایی که ایمون یارنِنه ره، نِجات هاده.

دوّمین نامه قرنتیانِ وَسین 4:14

چوون دومبی وه که عیسیِ خِداوندِ، مِرده هائه جِم زنده هاکارده، اِما ره هم عیسیِ هِمراه زنده هاکارده و شِمه هِمراه وه حِضور یارنه.

یعقوبِ نامه 1:6

ولی ایمونِ هِمراه دَرخواس هاکانه و بدون اینکه شک هاکانه، چوون کِسی که شک کانده، دریائه موجِ واریِ که وا وه ره وَرنه و هر سَمت کَشِنه.

یعقوبِ نامه 5:13

شِمه میون کِسی عِذاب کَشِنه؟ بییِل دعا هاکانه. شِمه میون کِسی خِشالِ؟ بییِل حمد و ثناءِ سرودِ بَخونه.

یعقوبِ نامه 5:16

اینِ وِسه هَمدییه پَلی شه گِناهونِ اِعتراف هاکانین و هَمدییه وِسه دِعا هاکانین تا شِفا بَیرین. صالحِ آدِمِ دعا، خَله قِوَّتِ هِمراه عَمِل کانده.

یعقوبِ نامه 5:20

بَدونه که هر کی یِتا گِناهکارِ گمراهیِ جِم بَردِگاردِنه، وه جانِ مَرگِ جِم نِجات دِنه و خَله گِناهونِ پوشِندِنه.