یعقوبِ نامه 4:3 - کتاب مقدس به زبان مازندرانی - گویش شرقی

³ اون مووقه ای هم که دَرخواس کاندینی، نَیرِنِنی، چوون بَدِ نیِّت هِمراه درخواس کاندینی تا شه هوس هائه وِسه صَرف هاکانین.

گیله ماز

³ اون موقِه ایی هم که دَرخواس کانید، نَگیرنین، چون بَدِ نیّتِ هَمرَه دَرخواس کانید تا شیمی هَوَا و هَوَس وَسین صَرف هَکُنید.

کتاب مقدس به زبان مازندرانی - گویش غربی

³ هون موقِه ای هَم گه دَرخواس کِنِنی، نَئیرِنی، چون بَدِ نیّتی هَمرا دَرخواس کِنِنی تا شی هَوَسایی سِه صَرف هاکِنین.

یعقوبِ نامه 4:3 Iomraidhean Croise

اِنجیلِ مَتّی 20:22

عیسی بااوته: «شِما نَدوندِنی چی خوانِنی، شِما توندِنی جامی ره که مِن بِزودی نوشِمبه ره بَنوشین؟» وِشون جِواب هِدانه: «اَرِه، تومبی»

مَرقُس 10:38

عیسی وِشونِ بااوته: «شِما نَدوندِنی چی خوانِنی. شِما توندِنی اون پیالهِ جِم که مِن نوشِمبه، بَنوشین و غسلِ تَعمیدیِ که مِن گِرمه ره بَیرین؟»

لوقا 11:10

چوون هر کی بِخوائه، به‌دس یارنه؛ و هر کی بَگِرده، پی دا کانده؛ و هر کی دَر بَزِنه، در وه وِسه واز بونه.

لوقا 15:13

هَمتی خَله زِمون نَگذِشته بییه که، کِچیکِ ریکا هر چی که داشته ره جَمع هاکارده و یِتا دوردَسِ دیار بُورده و شه دارایی ره اونجه عیاشیِ هِمراه به ‌باد هِدا.

لوقا 15:30

ولی اِسا که تِ این ریکا بَردَگِردِسه، ریکائی که تِ دارایی ره خِرابِ زن هائه هِمراه به باد هِدا، وه وِسه اون دَوِسه گوگزا ره سَر بَوری ای!“

یعقوبِ نامه 4:1

چی باعث بونه شِمه میون دَعوا دَکِفه و چی باعث بونه شِمه میون جَنگ و جِدال دَکِفه؟ مگه شِمه هِوا و هَوِسِ وِسه نییه که شِمه وجودِ دِله دره جَنگِنِنه؟

اوّل یوحنا 3:22

و هر چی وه جِم بِخوائیم، گِرمی، چوون وه اَحکامِ عَمِل کامبی و اونچی که وه ره خِشال کانده ره کامبی.

اوّل یوحنا 5:14

این هَمون اطمینانیِ که وه پَلی دارمی، اگه اِما طِبق وه اِراده یه چی بِخوائیم، وه اِما ره اِشنُنه.