یعقوبِ نامه 4:2 - کتاب مقدس به زبان مازندرانی - گویش شرقی

² یه چیِ آرزو ره کاندینی و وَختی اونِ به دَس نیارنِنی، آدِم کُشِنِنی. طِمَع کاندینی، و وَختی نَتوندِنی اونِ به دَس بیارین، جَنگ و دَعوا راه دینگونِنی، شِما نِدارنِنی، اینِ وِسه که دَرخواس نَکاندینی!

گیله ماز

² یِچّی یه آرزو رِه کانید، وَ وختی اونِهِ بِدَس نیارِنین آدَم کُشِنِین. طَمَع کانید، وَ وختی نَتَّنین اونِهِ بِدَس بیارین جنگ و دَعوا راه تُووادِنین، شُما نِدارید، اینِه وَسین که دَرخواس نُکانید!

کتاب مقدس به زبان مازندرانی - گویش غربی

² یَچی ای آرزو رِه کِنِنی، و وختی اونِه بِدَس نیارِنی آدَم کِشِنِنی. طمَع کِنِنی، و وختی نَتِنِّنی اونِه بِدَس بیارین جنگ و دَعوا راه اِنگِنِنی، شِما نارِنی، هَینِسه گه دَرخواس نَکِنِنی!

یعقوبِ نامه 4:2 Iomraidhean Croise

اِنجیلِ یوحنا 16:24

تا اَلان مِ اسمِ هِمراه هیچی نِخواسینی؛ بِخوائین تا پی دا هاکانین که شِمه خِشالی کامل بَووه.

اِنجیلِ یوحنا 4:10

عیسی وه جِواب بااوته: «اگه خِدائه هَدیه ره فَهمِسی و دونِسی کیِ که تِ ره گانه؛ اَت کم مِ ره اوه هاده، تِ شه وه جِم خواسی و وه تِ ره اوه ای دائه که تِ ره زندگی هاده.»

یعقوبِ نامه 1:5

اگه کِسی شِمه میون حِکمِت نِدارنه، اونِ خِدائه جِم بِخوائه، هَمون خِدایی که بدون سَراکو و دَس دِلوازیِ هِمراه همه ره بَخشِنه، و وه ره دنه.

یعقوبِ نامه 5:6

شِما اون صالح ره مَحکوم هاکاردینی و بَکوشتینی. وه شِمه روب رو مقاومت نَکانده.

اوّل یوحنا 3:15

هر کی که شه بِرارِ جِم بیزار بوئه، قاتلِ و شِما دوندِنی که هیچ قاتلی دِله، اَبدی زندگی نَموندِنه.