یعقوبِ نامه 4:11 - کتاب مقدس به زبان مازندرانی - گویش شرقی

¹¹ ای برارون، هَمدییهِ بَدِ نارین. اونی که یِتا بِرارِ علیه بَد باره و یا شه بِرارِ داوِری هاکانه، شَریعتِ علیه بَد گانه و شَریعتِ داوِری کانده. ولی اگه تِ شَریعتِ داوِری کاندی، تِ شَریعَت داور بَئی نا اونی که وه ره به جا یارنه!

گیله ماز

¹¹ اِی اَداشان، هَمدِیگَرِ بَدِ نَگُویید. هر کَس خودِشَه اَداشِ جی بَد باگو، وَ یا خودشه اَداشه داوری هَکونه، شریعَتِ جی بَد باگوته و شریعَتِ داوری هَکوردِه. وَلی اگه تو شریعَتِ داوَری کانی، تو شریعتِ داوَر هَبَیی نه اونیکه اونه بِجا هارنه!

کتاب مقدس به زبان مازندرانی - گویش غربی

¹¹ اِی بِرارِن، هَمدِیَری بَدِ نُئین. اونیگه یَتِه بِراری علِیه بَد بُئِه، و یا شی بِرارِ داوری هاکِنِه، شریعَتی علِیه بَد گِنِه و شریعَتِ داوری کِنِّه. ولی اگه تو شریعَتِ داوَری کِنّی، تو شریعتی داوَر بَوِئی نا اونیگه وِرِه بِجا اُرنِه!

یعقوبِ نامه 4:11 Iomraidhean Croise

لوقا 6:37

«داوِری نَکنین تا شِما ره داوِری نَووه. مَحکوم نَکِنین تا مَحکوم نَووین. بِبَخشین تا بَخشیده بَووین.

رومی ایشون 2:1

پَس تِ ای آدِمی که یه نَفِر دییه ره قِضاوت کاندی، هر کی که بوئی هیچ عذرِ بهونه ای نِدارنی. چوون وَختی که یه نَفِر دییه ره قِضاوِت کاندی، شه ره مَحکوم هاکاردی؛ چوون تِ، اِی که قِضاوِت کاندی، شه هَمون کارِ کاندی.

رومی ایشون 2:13

چوون اونایی که شَریعَتِ اِشنُنِنه خِدائه نَظِر صالح نینه، بلکه اونایی صالح بِشمارِسه بونِنه که شَریعَتِ به جا یارنِنه.

رومی ایشون 7:7

پَس چی باریم؟ مگه شَریعَت گِناهِ؟ اَصلاً! با این حال اگه شَریعَت دَنی بییه، نَدونِسیمی گِناه چیه. چوون اگه شَریعَت نااوته بییه «طِمَع نَکِن»، نَدونِسیمی طِمع هاکاردِن چیه.

اوّلین نامِه قُرنتیانی سِه 4:5

پَس هیچیِ خَوِری قبل از وه مووقه قِضاوِت نَکِنین، تا اینکه خِداوند بِیّه. وه اونچی ره که اَلان تاریکیِ دِله جا هِدا هسه ره روشناییِ دِله دیار کانده و دِل هائه نیّتها ره بَر مِلا کانده. بعد هر کی شه تَعریف و تَمجیدِ خِدائه جِم گِرنه.

دوّمین نامه قرنتیانِ وَسین 12:20

چوون اونِ تَرسِ دارمه که شِمه پَلی بِیِّم و شِما ره اون طی که اِنتِظار دارمه، نَوینِم، و شِما هم مِ ره اون طی که اِنتِظار دارنِنی، نَوینین- شاید شِمه میون دَعوا مرافه، حسودی، غیظ، دِشمنی، تِهمَت، غیبت، غیرت، غرور و هر کی هر کی بَوینِم.

اِفِسُسیان 4:31

هر جور تَلی، خَشم، غیظ، داد و بیداد، تِهمَت و هر جور بَدخواهی ره شه جِم دور هاکانین.

اول تیموتائوس 3:11

همین‌ طی، وِشونِ زَن ها هم وِنه باوقار بوئِن، تِهمت نَزِنِن، بلکه هوشیار بوئِن و همه چیِ دِله وِفادار بوئِن.

دوم تیموتائوس 3:3

بی‌عاطفه، کینه ای، تِهمت زَن، بی‌بندِبار، وحشی، خواریِ دِشمِن،

تیتوس 2:3

پیر زَن ها هم وِنه شه حِرمتِ دارِن، تِهمت نَزِنِن، زیاد شِرابِ بَخُردِنِ اسیر نَبوئِن، وِشون وِنه هر چی که خوارِ ره تَعلیم هادِن،

یعقوبِ نامه 1:16

مِ عزیزِ بِرارون، گول نَخُرین!

یعقوبِ نامه 1:19

مِ عزیزِ بِرارون، اینِ بَدونین: هر کی وِنه بِشنُسِنِ دِله تِند، بااوتِنِ دِله یِواش و عَصِبانی بَیِّنِ دِله یواش بوئه!

یعقوبِ نامه 1:25

ولی اونی که کاملِ شَریعتِ که آزادیِ شَریعَت هَسه ره اِشِنه و اونِ دِله استقامت کانده و اِشنُنه و یاد نَکانده بلکه اونِ به‌جا یارنه، وه شه کارِ دِله بَرکَت گِرنه.

یعقوبِ نامه 2:8

اگه راس راسی شاهانه شَریعتِ طبقِ اون مِقدَّسِ نوِشته به جا بیارین که گانه: «شه هَمساده ره شه واری دوس دار،» خوار، کار کاندینی.

یعقوبِ نامه 5:10

بِرارون، پِیغَمبِرونی جِم که خِداوندِ اسمِ هِمراه گَب زوونه، مِصیبت و صبرِ دَرسِ یاد بَیرین.

یعقوبِ نامه 5:7

پَس اِی بِرارون، تا خِداوندِ بییَموئِن صبر هاکانین. هارِشین چی طی کشاورز اِنتِظار کَشِنه تا زِمین، شه با ارزشِ محصولِ بار بیاره؛ چی طی صَبر کانده تا پاییز و بهارِ وارش زِمینِ سَر بِواره.

یعقوبِ نامه 5:9

بِرارون، هَمدییه علیه غرغر نَکِنین، تا شِما ره هَم داوِری نَووه، هارِشین ’داوِر‘ دَرِ پیش اِیست هاکارده.

اول پِطرُس 2:1

پَس هر جور بَدی، و هرجور حیله و دِرویی و حَسودی، و هر جور تِهمَتِ شه جِم دور هاکانین