یعقوبِ نامه 2:21 - کتاب مقدس به زبان مازندرانی - گویش شرقی

²¹ مَگه اَمه جَد اِبراهیم شه اَعمالِ هِمراه صالح بِشمارِسه نَییه، اون مووقه که شه ریکا اِسحاقِ قِروونگاهِ سَر پیشکَش هاکارده؟

گیله ماز

²¹ مَگِه اَمیِ جَد ابراهیم خودشه اَعمالِ هَمرَه صالِح بِشمارِسِّه نَبا، اون موقِه ایی که خودشه ریکا اِسحاقِ قُربانگاه سَر پیشکَش هَکُردِه؟

کتاب مقدس به زبان مازندرانی - گویش غربی

²¹ مَگِه اَمِه جَد ابراهیم شی اَعمالی هَمرا صالِح بِشمارِس نَوِه، هون موقِه ای گه شی ریکا اِسحاقِ قِروونگاهی سَر پیشکَش هاکِردِه؟

یعقوبِ نامه 2:21 Iomraidhean Croise

اِنجیلِ مَتّی 12:37

چوون که طِبقِ شه گَب یا تبرئه بونِنی و یا مَحکوم.»

اِنجیلِ مَتّی 3:9

این فِکرِ دِله دَنی بووئین كه یِتا پییِر ابراهیمِ واری دارنِنی. بَدونین كه خِدا تونده این سَنگائه جِم ابراهیمِ وِسه وَچِه خَلق هاکانه.

لوقا 1:73

هَمون قَسِمی ره که اَمه جد ابراهیمِ وِسه بَخُرده

لوقا 16:24

پَس بِلِندِ صِدائه هِمراه بااوته: ”مِ پییِر اِبراهیم، مِ ره رَحم هاکان و ایلعازَرِ بَفرِس تا شه اَنگوسِ تِکِ اوه دِله بَزِنه و مِ زِوونِ خانِک هاکانه، چوون این تَشِ دِله عِذاب کَشِمبه.“

لوقا 16:30

پولدارِ مَردی بااوته: ”نا، مِ پییر اِبراهیم، ولی اگه یه نَفِر مِرده هائه جِم وِشونِ پَلی بُوره، تووبه کاندِنه.“

اِنجیلِ یوحنا 8:39

وِشون جِواب هِدانه: «اَمه پییر ابراهیمِ پِیغَمبِرِ.» عیسی بااوته: «اگه ابراهیمِ وَچون بینی، کارایی که اِبراهیم کارده ره کاردینی.

اِنجیلِ یوحنا 8:53

مگه تِ اَمه پییِر ابراهیمِ جِم سَرتِری؟ وه بَمِرده، و پِیغمبِرون هم بَمِردِنه. شه ره کی دوندی؟»

اعمال رَسولان 7:2

استیفان بااوته: «ای بِرارون و ای پییرون، مِ ره گوش هادین! پِرجلالِ خِدا، وَختی اَمه پییر ابراهیمِ پِیغَمبِر بین‌النهرینِ مَنطقهِ دِله دَییه و هَمتی حَران نَشی بییه، وه ره ظاهر بَییه

رومی ایشون 3:20

چوون هیچ آدِمی دَنییه که شَریعتِ اَعمالِ به جا بیاردنِ هِمراه، خِدائه نَظِر صالح بَووه، بلکه شَریعَت، گِناهِ اِما ره سِراغ دِنه.

رومی ایشون 4:1

پَس اونچیِ خَوِری که اِبراهیم به دَس بیارده چی بونه بااوتِن، وه که جسماً، اَمه جَد بِشمارِسه بونه؟

رومی ایشون 4:12

و اِبراهیم ختنه‌بَییه هائه پییِر هم هَسه یعنی کِسایی پییِر که نا فِقَط خَتنه بَینه بلکه ایمونِ راهِ طَریقِ جِم قدم اییِلنِنه، هَمون راهی که اَمه پییِر اِبراهیم هم قبل از اون که خَتنه بَووه، قَدِم اییِشته.

رومی ایشون 4:16

اینِ وِسه، وَعده ایمونِ طَریقِ جِم اِنه، تا فیضِ سَر استوار بوئه و ابراهیمِ پِیغمبِرِ تِموم نَسلِ وِسه یِتا ضمانت، یعنی نا فِقَط اونایی وِسه که شَریعَتِ جِم اِطاعت کاندِنه، بلکه اونایی وِسه هم هَسه که ابراهیمِ ایمونِ جِم اِطاعت کاندِنه، که اِما هَمهِ پییِرِ.

نامِه مَسیحینی عبرانی نِژادی سِه 11:17

ایمونِ هِمراه بییه که اِبراهیم اون مووقه که آزمود بَییه، اِسحاقِ پیشکَش هاکارده؛ و وه که وعده‌ها ره بَییته بییه قبول هاکارده که شه یِتا ریکا ره قِروونی هاکانه،

یعقوبِ نامه 2:18

ولی یه نَفِر ممکنه باره: «تِ ایمون دارنی و مِنِم اَعمال دارمه!» تِ شه ایمونِ اَعمالِ جِم سیوا مِ ره سِراغ هاده و مِنِم شه ایمونِ شه اَعمالِ هِمراه تِ ره سِراغ دِمبه.

یعقوبِ نامه 2:24

ویندِنی اَعمالِ هِمرائه که آدِمی صالح بِشمارِسه بونه، نا فِقَط ایمونِ هِمراه.