یعقوبِ نامه 2:13 - کتاب مقدس به زبان مازندرانی - گویش شرقی

¹³ چوون داوِری، نسبت به اونی که رحم نَکارده بوئه، بی‌رَحم بونه. ولی رَحم، داوِری ره پیروز بونه!

گیله ماز

¹³ چون داوَری نِسبت به اونیکه رَحم نَکُرده بو، بی‌رَحم بونه. رَحم داوَری رِه پیروز بونه!

کتاب مقدس به زبان مازندرانی - گویش غربی

¹³ چون داوَری نِسبت به اونیگه رَحم نَکِرد وو بی‌رَحم وونِه. رَحم داوَری رِه پیروز وونِه!

یعقوبِ نامه 2:13 Iomraidhean Croise

اِنجیلِ مَتّی 5:7

«خِش به حال رَحیمون، چوون وِشون رَحم ویندِنه.

اِنجیلِ مَتّی 6:15

ولی اَگه شِما مَردِمِ خِطا ره نِبَخشین، شِمه آسِمونی پییِر هَم شِمه خِطا ره نِبَخشِنه.

لوقا 16:25

ولی اِبراهیم بااوته: ”وَچه، شه یاد بیار که شه زندگیِ دِله، خوارِ چیا ره بَییتی، و ایلعازَر هم بَدِ چیا ره. ولی اَلان وه اینجه آسایشِ دِله دَره و تِ عِذابِ دِله دَری.

لوقا 6:37

«داوِری نَکنین تا شِما ره داوِری نَووه. مَحکوم نَکِنین تا مَحکوم نَووین. بِبَخشین تا بَخشیده بَووین.

یعقوبِ نامه 3:17

ولی اون حِکمتی که آسِمونِ جِم هَسه، اَوِّل پاکِ، بعد صِلح‌ آمیز و آرووم و نصیحت‌ِ اِشنُنه، و خوارِ ثَمِرات و رحمتِ جِم پِرِ، و فَرق بییِشتِن و ریائه جِم دورِ!

یعقوبِ نامه 5:4

اِسا اون کارگرونِ دَسمِز که شِمه زِمین سَر دِرو هاکاردِنه، و شِما حیلهِ هِمراه وِشونِ دَسمِزِ نِدانی، شِمه علیه داد زَنده. اَره، دروگرونِ داد، خِداوندِ لشکرهائه گوش بَرِسیه.