یعقوبِ نامه 2:12 - کتاب مقدس به زبان مازندرانی - گویش شرقی

¹² پَس اون آدِمونِ واری گَب بَزِنین و عَمِل هاکانین که دوندِنه طبقِ شَریعتِ آزادی، وِشونِ داوِری بونه،

گیله ماز

¹² پَس اون آدَمان مِثان گَب بَزِنین و عَمل هَکُنید که دانَن طِبق شریعتِ آزادی، بر اوشان داوَری بونَه،

کتاب مقدس به زبان مازندرانی - گویش غربی

¹² پَس هِتی هون آدَمِنی تَرا گَب بَزِنین و عَمل هاکِنین گه دِنِنِه طِبقِ شریعتِ آزادی، وِشونِه داوَری وونِه،

یعقوبِ نامه 2:12 Iomraidhean Croise

لوقا 4:18

«خِداوندِ روح مِ سَر دَره، چوون مِ ره مَسح هاکارده تا فقیرونِ خَوِرِ خِش هادِم مِ ره بَفرِسیه تا اسیرونِ آزادی و کورون بینایی ره اِعلام هاکانِم، و زجر بَکِشیِ ها ره آزاد هاکانِم،

اِنجیلِ یوحنا 8:32

و حَییقَتِ اِشناسِنِنی، و حَییقَت شِما ره آزاد کانده.»

غَلاطیان 6:2

هَمدییهِ بارها ره دوش بَکِشین که این طی مَسیحِ شَریعتِ به‌جا یارنِنی.

فیلیپیان 4:8

سرآخِر، ای بِرارون، هر اونچی که راسِ، هر اونچی حِرمت دارنه، هر اونچی که دِرِسِ، هر اونچی که پاکِ، هر اونچی که دوس داشتِنیِ و هر اونچی که قابلِ پرسشِ، اگه عالیه، اگه پَرَسِش هاکاردِنِ ارزشِ دارنه، اینائه خَوِری فکر هاکانین.

کولُسیان 3:17

و هر کاری که کاندینی، چه بااوتِنِ دِله و چه رفتارِ دِله، همه ره خِداوندْ عیسیِ اسمِ هِمراه هاکانین، و وه طریق خِدائه پییِرِ شکر‌ هاکانین.

یعقوبِ نامه 1:25

ولی اونی که کاملِ شَریعتِ که آزادیِ شَریعَت هَسه ره اِشِنه و اونِ دِله استقامت کانده و اِشنُنه و یاد نَکانده بلکه اونِ به‌جا یارنه، وه شه کارِ دِله بَرکَت گِرنه.

یعقوبِ نامه 2:8

اگه راس راسی شاهانه شَریعتِ طبقِ اون مِقدَّسِ نوِشته به جا بیارین که گانه: «شه هَمساده ره شه واری دوس دار،» خوار، کار کاندینی.