یعقوبِ نامه 1:5 - کتاب مقدس به زبان مازندرانی - گویش شرقی

⁵ اگه کِسی شِمه میون حِکمِت نِدارنه، اونِ خِدائه جِم بِخوائه، هَمون خِدایی که بدون سَراکو و دَس دِلوازیِ هِمراه همه ره بَخشِنه، و وه ره دنه.

گیله ماز

⁵ اَگه کَسی شیمی جی حِکمَت نِداره، اونِه خُدایِ جی بِخواد، همون خُدایِ جی که بدون سَرامکو و دَس و دِلبازی یه هَمرَه، هَمِرِه بَخشِنِه، وَ اون رِه هَم دَنه.

کتاب مقدس به زبان مازندرانی - گویش غربی

⁵ اگه کَسی شِمِه میِن حِکمت نارنِه، اونِه خِدایی جا بَخواد، هَمون خِدایی گه بدون سَراکو و دَس و دِلبازی ای هَمرا هَمِرِه بَخشِنِه، و وِرِه دِنِه.

یعقوبِ نامه 1:5 Iomraidhean Croise

اِنجیلِ مَتّی 11:20

بعد عیسی اون شَهرائه خَوِری گَب بَزو كه ویشتَرین معجزه ها ره اونجه اِنجام هِدا بییه و اون شَهرائه مَردِمِ اینِ خاطِری که تووبِه نَکارد بینه، توبیخ هاکارده:

مَرقُس 16:14

وَختی که اون یازده شاگرد سِفرهِ سَر نیشته بینه، عیسی وِشونِ ظاهر بَییه، عیسی وِشونِ، بی‌ایمونی و سَنگ دِلیِ وِسه سَراکو هاکارده، چوون وِشونِ گَبِ، که وه ره بَعد از زنده بَیِّن بَدی بینه ره باوِر نَکاردِنه.

اِنجیلِ یوحنا 14:13

هر چی، مِ اسمِ هِمراه دَرخواس هاکانین، مِن اونِ اِنجام دِمبه، تا پییِر، ریکائه دِله جِلال بَیره.

اِنجیلِ یوحنا 15:7

اگه مِ دِله بَمونین و مِ کِلام شِمه دِله بَمونه، هر چی خوانِنی، درخواس هاکنین که برآورده بونه.

اِنجیلِ یوحنا 4:10

عیسی وه جِواب بااوته: «اگه خِدائه هَدیه ره فَهمِسی و دونِسی کیِ که تِ ره گانه؛ اَت کم مِ ره اوه هاده، تِ شه وه جِم خواسی و وه تِ ره اوه ای دائه که تِ ره زندگی هاده.»

دوّمین نامه قرنتیانِ وَسین 2:16

یه نَفِرِ وِسه مَرگِ بو ره دِمبی که مَرگِ خَتم بونه؛ یه نَفِرِ دییه وِسه زندگیِ بو ره دِمبی، که زندگی ره خَتم بونه. کیِ که این طی چیائه لیاقتِ داره؟

یعقوبِ نامه 1:17

هر خوارِ هَدیه و هر کاملِ هَدیه، آسِمونِ جِم هَسه، نورهائه پییِرِ طَرِفِ جِم اِنه که وه دِله هیچ تغییری دَنییه و نا هیچ سایه ای که تغییرِ جِم به وجود بییَمو بوئه.

یعقوبِ نامه 3:17

ولی اون حِکمتی که آسِمونِ جِم هَسه، اَوِّل پاکِ، بعد صِلح‌ آمیز و آرووم و نصیحت‌ِ اِشنُنه، و خوارِ ثَمِرات و رحمتِ جِم پِرِ، و فَرق بییِشتِن و ریائه جِم دورِ!

یعقوبِ نامه 5:16

اینِ وِسه هَمدییه پَلی شه گِناهونِ اِعتراف هاکانین و هَمدییه وِسه دِعا هاکانین تا شِفا بَیرین. صالحِ آدِمِ دعا، خَله قِوَّتِ هِمراه عَمِل کانده.

اوّل یوحنا 3:22

و هر چی وه جِم بِخوائیم، گِرمی، چوون وه اَحکامِ عَمِل کامبی و اونچی که وه ره خِشال کانده ره کامبی.