یعقوبِ نامه 1:26 - کتاب مقدس به زبان مازندرانی - گویش شرقی

²⁶ اگه کِسی گمون هاکانه که دیندارِ و شه زِوونِ دَمِ نَیره ولی شه دِلِ گول بَزِنه، وه دین ارزشی نِدارنه.

گیله ماز

²⁶ اگه کسی گُمان هَکونه که دیندارِ، وَ خودشه زبانِ جُلوهِ نِگیرِه، خودشه گول زَنِه، اونه دین اَرزِشی نِداره.

کتاب مقدس به زبان مازندرانی - گویش غربی

²⁶ اگه کسی گِمون هاکِنِه گه دیندارِ، و شی زِوونی دَمِ نَیرِه، ولی شی دِلِ گول بَزِنِه، وی دین اِرزِشی نارنِه.

یعقوبِ نامه 1:26 Iomraidhean Croise

اِنجیلِ مَتّی 15:9

وِشون بی خودی مِ ره پَرَسِش کاندِنه وِشونِ تَعلیم فِقَط آدِمیِ حِکمِ.

مَرقُس 7:7

وِشون بی خودی مِ ره پَرَسش کاندنه، و وِشونِ تَعلیم فِقَط اِنسانِ حِکمِ.“

لوقا 8:18

پَس دقّت هاکانین چی طی اِشنُنِنی، چوون اونی که دارنه ره ویشتر هِدا بونه و اونی جِم که نِدارنه، هَمون هم که گَمون کانده دارنه هم، بَییته بونه.»

اوّلین نامِه قُرنتیانی سِه 15:15

اما حَتّی خِدائه وِسه دِراغی شاهدون حِساب بومبی، چوون خِدائه خَوِری شِهادت هِدامی که مَسیح ره مِرده هائه جِم زنده هاکارده، که اگه مِرده ها زنده نَوونِنه، پَس خِدا وه ره زنده نَکارده.

اوّلین نامِه قُرنتیانی سِه 15:2

و اونِ طَریق نِجات گِرنِنی، البته اگه کِلامی که شِما ره موعظه هاکاردِمه ره، قایم دارین. اگه این طی نَووه، بیخودی ایمون بیاردینی.

اوّلین نامِه قُرنتیانی سِه 3:18

شه ره گول نَزِنین. اگه شِمه جِم کِسی فکر هاکانه، این زِمونه دِله حَکیمِ آدِمِ، اینِ وِسه که حکیم بَووه، وِنه نادون بَووه.

غَلاطیان 2:6

ولی اونایی که به نَظِر با نفوذ اِنِنه- هر کی بوئه مِ وِسه فرقی نَکانده، چوون که خِدا بیخودی هیچ کسِ جِم طَرِفداری نَکانده- وِشون هیچی مِ ره اضافه نَکاردِنه

غَلاطیان 2:9

وَختی که یَعقوب و کیفا و یوحنا که به نظر اییَمو کلیسائه سِتون بینه، اون فیضی که مِ نَصیب بَییه بییه ره بَدینه، مِن و بَرنابائه هِمراه دَس رفاقت هِدانه تا اِما غیریَهودیونِ پَلی بوریم و وِشون یَهودیون پَلی بورِن.

غَلاطیان 3:4

مگه تِمومِ اون عِذاب ها ره، بیخودی تِحَمُّل هاکاردینی؟ مگه اینکه راس راسی بیخودی زَحمِت بَکِشی بوئین!

غَلاطیان 6:3

چوون اگه یه نَفِر شه ره یه چی حِساب هاکانه که نییه، شه ره گول زَنده.

اِفِسُسیان 4:29

شِمه دِهون بَدِ گَبِ وِسه واز نَووه، بلکه تِمومِ شِمه گَب ها بقیهِ بَنائه وِسه کار هاکانه و اِحتیاجی ره برآورده هاکانه، و اوناییِ که اِشنُنِنه ره فِیض بَرِسونه.

اِفِسُسیان 5:4

بَدِ گَب و بیخودِ گَب و رَکیکِ گَب شِمه میون دَنی بوئه که شِمه لایق نییه؛ وِنه اونِ عَوِض، شِکر هاکانین.

کولُسیان 4:6

شِمه گَب ها هَمِش فیضِ جِم پِر و سنجیده بوئه، تا بَدونین هر کیِ چی طی جِواب هادین.

یعقوبِ نامه 1:19

مِ عزیزِ بِرارون، اینِ بَدونین: هر کی وِنه بِشنُسِنِ دِله تِند، بااوتِنِ دِله یِواش و عَصِبانی بَیِّنِ دِله یواش بوئه!

یعقوبِ نامه 1:22

ولی خِدائه کِلامِ به جا بیارین، نا فِقَط اونِ بِشنُئین؛ شه ره گول نَزِنین!

یعقوبِ نامه 2:20

ای نادون، خوانی بَدونی چه ایمون، بی اعمال بی‌ثَمِرِ؟

اول پِطرُس 3:10

چوون، «هر‌ کی بِخوائه زندگی ره دوس داره و خوارِ روزها ره بَوینه، وِنه شه زِوونِ دَمِ، بَدیِ جِم داره و شه تِکِ گول بَزوئِنِ جِم دَوِنده.