یعقوبِ نامه 1:19 - کتاب مقدس به زبان مازندرانی - گویش شرقی

¹⁹ مِ عزیزِ بِرارون، اینِ بَدونین: هر کی وِنه بِشنُسِنِ دِله تِند، بااوتِنِ دِله یِواش و عَصِبانی بَیِّنِ دِله یواش بوئه!

گیله ماز

¹⁹ می عَزیزِ اَداشان، اینه بِدانید: هر‌ کی بایسّی بِشنَوِسَّن دِلِه تُن، باگوتَن دِلِه یَواش و عَصبانیَّتِ دِلِه یَواش هَبو!

کتاب مقدس به زبان مازندرانی - گویش غربی

¹⁹ می عَزیزِ بِرارِن، هَینِه دِنّین: هر‌ کی وِنِه بِشنُسَنی دِلِه تِن، بُتَنی دِلِه یَواش و عَصبانی بَووئَنی دِلِه یَواش ووئِه!

یعقوبِ نامه 1:19 Iomraidhean Croise

اِنجیلِ مَتّی 5:22

ولی مِن شِما ره گامبه: هَر کی شه بِرارِ وِسه خَشم بَیرِه، مجازات بونه و هر کی شه بِرارِ توهین هاکانه، وه ره مَحکَمه کَشِنِنه و اَگه وه ره باره بی عَقل، جَهَنِمِ تَشِ مِستَحَق بونه.

مَرقُس 12:37

اگه شه، داوودِ پادشاه، وه ره خِداوند خونده، پَس چی طی مَسیحِ موعود تونده داوودِ ریکا بوئه؟» اون جَمیِّتی که اونجه دَییه، خِشالیِ هِمراه عیسیِ گَب ها ره گوش دانه.

مَرقُس 2:2

جَمیِّتِ زیادی جَمع بَینه، جوری که حَتّی درِ روب رو هم جا دَنی بییه، و عیسی دَییه خِدائه کِلامِ وِشونِ وِسه تَعلیم دائه.

لوقا 15:1

ولی خراجگیرون و گِناهکارون همه عیسیِ دور جَم‌ بونِسِنه تا وه گَبِ بشنُئِن.

لوقا 19:48

ولی شه کارِ وِسه هیچ راهی نَتونِسِنه پی دا هاکانِن، چوون تِمومِ مَردِم وه گَب بَزوئِنِ عاشق بینه.

اعمال رَسولان 1:15

یِتا از اون روزا، پِطرُس، بِرارونِ میون که حدود صد و بیست نَفِر بینه، اِیست هاکارده

اعمال رَسولان 10:33

پَس دَرجا تِ دِمبال بَفرِسیمه و تِ هم لِطف هاکاردی و بییَموئی. اِسا اِما همه خِدائه پَلی حاضِریمی تا هر چی خِداوند تِ ره دستور هِدا، بِشنُئیم.»

اعمال رَسولان 13:48

وَختی غیرِ یَهودیون اینِ بِشنُسِنه، خِشال بَینه و خِداوندِ کِلامِ حِرمت بییِشتِنه؛ و اونایی که اَبدی زندگی وِسه انتخاب بَییه بینه، ایمون بیاردِنه.

اعمال رَسولان 17:11

این یَهودیون اون یَهودیونِ جِم که تِسالونیکیِ دِله دَینه نَجیب‌تر بینه، وِشون اِشتیاقِ هِمراه پِیغومِ قبول هاکاردِنه و هر روز مِقَدَّسِ نوِشته ها ره خوندِسِنه تا بَوینِن پولُس و سیلاسِ گَب خِدائه کِلامِ واری هَسه یا نا.

اعمال رَسولان 2:42

وِشون شه ره وَقف تَعلیم بَییتِن، رَسولونِ جِم و دییه ایموندارونِ هِمراه، مشارکت و نون تیکه هاکاردِن و دِعا، هاکاردِنه.

اِفِسُسیان 4:26

«عصبانی بَووین، ولی گِناه نَکِنین» و نییِلین شِمه روز تِموم بَووه و شِما هَمتی غیظِ دِله دَووین،

اِفِسُسیان 4:31

هر جور تَلی، خَشم، غیظ، داد و بیداد، تِهمَت و هر جور بَدخواهی ره شه جِم دور هاکانین.

کولُسیان 3:15

مَسیحِ صِلح و سِلامتی شِمه دلهائه دِله حاکم بوئه، چوون که راس راسی یِتا تَنِ دِله دَعوِت بَینی. و شکرگزار بوئین.

کولُسیان 3:8

ولی اِسا وِنه تِمومِ اینا ره کِنار بییِلین، یعنی غیظ، غَضِب، بدخواهی، تِهمَت و بَدبَدِگَبا که شِمه دِهونِ جِم بیرون اِنه.

اوّل تِسالونیکیان 2:13

اِما هم هَمِش خِدا ره اینِ خاطِری شِکر کامبی، که اون مووقه که خِدائه کِلامِ قبول هاکاردینی، اون کِلام که اَمه جِم بِشنُسینی، اونِ نا آدِمیِ کِلامِ واری، بلکه خِدائه کِلامِ واری قبول هاکاردینی، هَمون طی که حَییقَتاً هم هَسه؛ که شِما ایموندارونِ میون کار کانده.

یعقوبِ نامه 1:16

مِ عزیزِ بِرارون، گول نَخُرین!

یعقوبِ نامه 1:2

مِ بِرارون، هر وَخت جورواجورِ آزمودهائه دِله دَکِتینی، اونا ره کلاً خِشالی بَدونین!

یعقوبِ نامه 1:26

اگه کِسی گمون هاکانه که دیندارِ و شه زِوونِ دَمِ نَیره ولی شه دِلِ گول بَزِنه، وه دین ارزشی نِدارنه.

یعقوبِ نامه 2:1

مِ بِرارون، شِما ها که اَمه خِداوند عیسی مَسیح، اون خِداوندِ جِلالِ ایمون دارنِنی، آدِمونِ میون فرق نییِلین.

یعقوبِ نامه 2:5

عزیزِ بِرارون، گوش هادین! مگه خِدا این دِنیائه فقیرونِ انتخاب نَکارده تا ایمونِ دِله دولتمند بوئِن و پادشاهی‌ای ره اِرث بَوِرِن که وه شه دوسدارونِ وَعده هِدا؟

یعقوبِ نامه 3:10

یِتا دِهونِ جِم، هم بَرکَت بیرون اِنه، هم لعنِت! مِ بِرارون، خوار نییه این طی بوئه.

یعقوبِ نامه 4:11

ای برارون، هَمدییهِ بَدِ نارین. اونی که یِتا بِرارِ علیه بَد باره و یا شه بِرارِ داوِری هاکانه، شَریعتِ علیه بَد گانه و شَریعتِ داوِری کانده. ولی اگه تِ شَریعتِ داوِری کاندی، تِ شَریعَت داور بَئی نا اونی که وه ره به جا یارنه!

یعقوبِ نامه 5:12

مِ بِرارون، ولی همهِ جِم مهمتَر، قَسِم نَخُرین؛ نا آسِمون و نا زِمین و نا هیچی دییه ره. ولی بییِلین شِمه ’اَره‘ هَمون اَره بوئه و شِمه ’نا‘ هَمون نا، نَکِنه مَحکوم بَووین.

یعقوبِ نامه 5:19

مِ بِرارون، اگه شِمه میون کِسی حَییقَتِ جِم منحرف بَووه، و یه نَفِر دییه وه ره بَردِگاردِنه،

اوّل یوحنا 2:21

مِن شِمه وِسه نِویسِمبه، نا اینِ وِسه که حَییقَتِ نَدوندِنی، بلکه اینِ وِسه که اونِ دوندِنی و اینِ وِسه که هیچ دِراغی حَییقَتِ دِله دَنییه.