یعقوبِ نامه 1:14 - کتاب مقدس به زبان مازندرانی - گویش شرقی

¹⁴ ولی وَختی یه نَفِر وسوسه بونه، وه شه هِوا و هوسِ که وه ره گول زَنده و تَله دِله دِم دِنه.

گیله ماز

¹⁴ وَلی وَختی یِنفر وَسوَسِه بونه، خودشه هَوا و هَوَسِ که اونه گول زَنه و تَلِه یه دِلِه تُووادِنِه.

کتاب مقدس به زبان مازندرانی - گویش غربی

¹⁴ ولی وختی یَنَفَر وَسوَسِه وونِه، شِه وی هَوا و هَوَسِ گه وِرِه گول زَنِّه و تَلِه دیم دِنِه.

یعقوبِ نامه 1:14 Iomraidhean Croise

اِنجیلِ مَتّی 15:18

ولی اونچی كه دِهونِ جِم بیرون اِنه دِلِ جِم سَرچِشمه گِرنه، و این اون چیِ كه آدِمی ره نَجِس کانده؛

اِنجیلِ مَتّی 15:20

اینا آدِمی ره نَجِس کاندِنه، ولی نَشسه دَسِ هِمراه غِذا بَخُردِن هیچ کی ره نَجِس نَکانده.»

اِنجیلِ مَتّی 4:1

بعد روح القُدُس، عیسی ره صَحرائه دِله بَوِردِه تا اِبلیس وه ره وَسوَسه هاکانه

اِنجیلِ مَتّی 5:28

ولی مِن شِما ره گامبه اَگه کِسی یِتا زِنا ره شَهوِتِ سَر هارِشه شه دِلِ دِله وه هِمراه زِنا هاکارده.

رومی ایشون 7:11

چوون گِناه شَریعتِ حِکمِ طَریقِ جِم، یِتا فِرصت پی دا هاکارده، مِ ره گول بَزو و اونِ طریق، مِ ره بَکوشته.

رومی ایشون 7:13

پَس مگه اونچی خوار بییه، مِ وِسه مَرگِ باعث بَییه؟ اَصلاً! بلکه گِناه اونچیِ طَریق که خوار بییه، مِ دِله مَرگِ به وجود بیارده تا این طی دیار بَووه که گِناه، گِناهِ و شَریعتِ حِکمِ طَریقِ جِم، دیار بَووه که گِناهِ پلیدی چَنده بی حدّ و حِسابِ.

اِفِسُسیان 4:22

تا شه قَدیمِ زندگیِ روش، یعنی اون قدیمِ آدِم، که گول زَنَکِ خواسه هائه طَریقِ جِم فاسد بییه ره شه تَنِ جِم بیرون بیارین.

نامِه مَسیحینی عبرانی نِژادی سِه 3:13

بلکه هر روز، تا مووقه ای که اونِ «اَمروز» گانِنه هَمدییه ره نصیحت هاکانین تا شِمه جِم کِسی گِناهِ گول بَخُردِنِ خاطِری، سَنگ دِل نَووه.

یعقوبِ نامه 1:13

هیچ کس وَختی وَسوسه بونه، ناره: «خِدائه که مِ ره وسوسه کانده،» چوون خِدا هیچ بَدیِ هِمراه وَسوسه نَبونه، و هیچ کسِ هم وَسوسه نَکانده.

یعقوبِ نامه 1:15

بعد وَختی هِوا و هَوس حامله بووه، گِناه ره زائِنه و گِناه وَختی کاملاً بالغ بَییه، مَرگ بار یارنه.