یعقوبِ نامه 1:11 - کتاب مقدس به زبان مازندرانی - گویش شرقی

¹¹ هَمون‌طی که خِرشید شه گرمائه هِمراه در اِنه و واشِ خِشک کانده و وه گُل کَلِنه و وه قَشِنگی از بین شونه، پولدارِ آدِم هَم شه کسبِ کارِ دِله، از بین شونه.

گیله ماز

¹¹ هَمونجور که آفتو خودشه گرمایِ هَمرَه دَر هَنهِ و واشِ خُشک کانه و اونه گُل کَلنِه و اونه قَشنگی از بین شونِه، پولدارِ آدَم هَم خودشه کسب و کارِ دِلِه از بیِن شونِه.

کتاب مقدس به زبان مازندرانی - گویش غربی

¹¹ هَمونجور گه خِرشید شی گرمایی هَمرا دَر اِنِه و واشِ خِشک کِنِّه و وی گُل کَلِنِه و وی قَشنگی از بِین شونِه، پولدارِ آدَم هَم شی کسب و کاری دِلِه از بِین شونِه.

یعقوبِ نامه 1:11 Iomraidhean Croise

اِنجیلِ مَتّی 13:6

ولی وَختی خِرشید دَربییَمو، همه، بَسوته و خِشک بَییه، چوون بِنه نَوِسه بییه .

اِنجیلِ مَتّی 20:12

'اینا که سَر آخِر بییَمونِه و یه ساعت کار هاکاردِنه، وِشونِ اَمه هِمراه که تِمومِ روز اِفتابِ بِن جان بَکِندیمیِ اِندا دَسمِزد هِدایی؟

اِنجیلِ مَتّی 6:30

پَس اَگه خِدا صَحرائه واشِ كه اَمروز دَره و فِردا تَندیر دِله دَشِندی بونه، این طی قَشِنگ کانده، شِما ره، اِی سِس ایمونا، خَله بِهتَر نَپوشِندِنه؟

مَرقُس 4:6

ولی وَختی خِرشید دَر بییَمو، بَسوتِنه و چوون بِنه نَوِسه بینه خِشک بَینه.

اوّلین نامِه قُرنتیانی سِه 7:31

و اونایی که این دِنیائه جِم مَنفِعت وَرنِنه، جوری رِفتار هاکانِن که اِنگاری مَنفِعتی نَوِرنِنه، چوون این دِنیائه اَلانی وَضع دَره گُذِرنه.

اول پِطرُس 1:4

و اِرثی که از بین نَشونه و فاسد نَوونه و بَپیسه نَوونه که اونِ آسمونِ دِله شِمه وِسه دارنِنه؛

اول پِطرُس 5:4

و اون وَختی که چَپونونِ رئیس ظِهور هاکانه، اون جِلالِ تاج که از بین نشونه ره به دَس یارنِنی.