نامِه مَسیحینی عبرانی نِژادی سِه 9:25 - کتاب مقدس به زبان مازندرانی - گویش شرقی

²⁵ و این طی نییه که وه شه ره هَمِش قِروونی هاکانه، یِتا کاهِنِ اعظمِ واری که هر سال قُدس‌الاقداسِ دِله شونه، اونِم اون خونی هِمراه که شه وه خون نییه.

گیله ماز

²⁵ و اینجور نیِه که اون هَمَش خودِشِه قُربانی هَکونه، ایتا کاهنِ اعظم مِثان که هر سال قُدس‌الاقداسِ دِلهِ شونِه، اونَم اون خونِ هَمرَه که خودِش خون نیِه.

کتاب مقدس به زبان مازندرانی - گویش غربی

²⁵ و هینجور نیِه گه وی شِرِه هَمِش قِروونی هاکِنِه، یَتِه کاهنِ اعظمی تَرا گه هر سال قُدس‌الاقداسی دِلِه شونِه، اونَم هون خونی هَمرا گه شِه وی خون نیِه.

نامِه مَسیحینی عبرانی نِژادی سِه 9:25 Iomraidhean Croise

نامِه مَسیحینی عبرانی نِژادی سِه 10:10

اِما عیسیِ مَسیحِ تَنِ قِروونی هاکاردِنِ طَریقِ جِم، اَت کَش همیشه وِسه، وه وِسه وَقف بَیمی.

نامِه مَسیحینی عبرانی نِژادی سِه 10:19

پَس ای بِرارون، از اونجه که خاطِر جمع هَسیمی که عیسیِ خونِ طریق تومبی قدس الاقداسِ دِله بوریم،

نامِه مَسیحینی عبرانی نِژادی سِه 9:12

وه اَت کَش همیشه وِسه قُدس‌الاَقداسِ دِله بییَمو نا بِزها و گوگزاهائه خونِ هِمراه، بلکه شه خونِ هِمراه و این طی اَبدی آزادی ره آماده هاکارده.

نامِه مَسیحینی عبرانی نِژادی سِه 9:14

چَنده ویشتر، مَسیحِ خون که اَبدی روحِ طریق، شه ره بی‌عیب، خِدا ره پیشکش هاکارده اَمه وجدانِ، بیخودی کارائه جِم پاک کانده تا زنده خِدا ره خِدمِت هاکانیم!

نامِه مَسیحینی عبرانی نِژادی سِه 9:2

چوون خیمه ای برپا بَییه که اَوِّلین قسمت، لَمپا، میز، و مِقدَّسِ نون دَییه؛ اینجه ره «قُدس» گاتِنه.

نامِه مَسیحینی عبرانی نِژادی سِه 9:26

چوون این طی، مَسیح وِنه، از وَختی که دِنیا خَلق بَییه، یه سَرِ عِذاب کَشی بییه. ولی این طی نَییه، وه اَلان اَت کَش همیشه وِسه، آخِرین زِمون هائه دِله بییَمو تا شه قِروونی هاکاردِنِ هِمراه، گِناه ره از بین بَوره.

نامِه مَسیحینی عبرانی نِژادی سِه 9:7

ولی فِقَط کاهِن اَعظِم دِوّمین قِسمتِ دِله شونه و اون هم فِقَط سالی اَت کَش، و شه هِمراه قِروونیِ خونِ وَرنه تا شه وِسه و اون گِناهونی وِسه که قوم نادونیِ خاطِری هاکارده بینه، پیشکَش هاکانه.