نامِه مَسیحینی عبرانی نِژادی سِه 8:11 - کتاب مقدس به زبان مازندرانی - گویش شرقی

¹¹ و هیچ کس شه هَمساده ره تَعلیم نَدِنه و هیچ کس شه بِرارِ نارنه، ”خِداوندِ بِشناس،“ چوون از گَت تا کِچیک، همه مِ ره اِشناسِنِنه؛

گیله ماز

¹¹ و هیچکَس خودشه همسادِه رِه تعلیم نَدَنه و هیچکَس خودشه اَداشِ نَگونِه، ”خُداوَندِ بِشناس!“ چون اَز گت تا کوچِک، همه مَرِه اِشناسِنَن؛

کتاب مقدس به زبان مازندرانی - گویش غربی

¹¹ و هیچکَس شی همسادِه رِه تعلیم نَدِنِه و هیچکَس شی بِرارِ نُنِه، ”خِداوَندِ بِشناس!“ چون از گت تا کِچیک، هَمه مِنِه اِشناسِنِنِه؛

نامِه مَسیحینی عبرانی نِژادی سِه 8:11 Iomraidhean Croise

اِنجیلِ یوحنا 6:45

پیغمبِرونِ بَنوِشته هائه دِله بییَمو که همه خِدائه جِم تَعلیم گِرنِنه.“ پَس هر کی خِدائه جِم بِشنُسه بوئه و وه جِم تَعلیم بَییته بوئه، مِ پَلی اِنه.

اعمال رَسولان 8:10

از گَت تا کِچیک همه، وه گَبِ گوش دانه و گاتِنه: «این مَردی هَمون خِدایِ قِدرَتِ، که وه ره گَتِ قِدرت گانِنه.»

اوّل یوحنا 2:27

ولی شِمه خَوِری وِنه بارِم اون مَسح که وه جِم بَییتِنی، شِمه دِله موندِنه و نیازی نِدارنِنی کِسی شِما ره تَعلیم هاده، بلکه وه مَسح، همه چیِ خَوِری شِما ره تَعلیم دِنه. اون مَسح، حَییقَتِ، نا دِراغ. پَس هَمون‌طی که شِما ره تَعلیم هِدا، وه دِله بَمونین.

اوّل یوحنا 5:20

همین طی هم دومبی که خِدائه ریکا بَییَمو و اِما ره فَهم هِدا تا وه که حَییقَتِ ره بِشناسیم، و اِما وه دِله که حَییقَتِ دَرِمبی، یعنی وه ریکا، عیسی مَسیحِ دِله. وه خِدائه حَییقی و اَبدی زندگیِ.