نامِه مَسیحینی عبرانی نِژادی سِه 7:6 - کتاب مقدس به زبان مازندرانی - گویش شرقی

⁶ ولی این مِلْکیصِدِق که وِشونِ نَسلِ جِم نییه، ابراهیمِ جِم ده‌ یک بَییته و ابراهیمِ که وعده‌هائه صاحِب بییه ره بَرکَت هِدا.

گیله ماز

⁶ وَلی این مِلْکیصِدِق که اوشانه نسلِ جی نَبا، ابراهیمِ جی دَه یِک بِیته، و ابراهیم که وعده های صاحاب با رِه، بَرکَت هَدَه.

کتاب مقدس به زبان مازندرانی - گویش غربی

⁶ ولی هَین مِلْکیصِدِق گه وِشونی نَسلی جا نیِه، ابراهیمی جا دَه یِک بَیتِه، و ابراهیم گه وعده هایی صاحِب وِه رِه، بَرکَت هادا.

نامِه مَسیحینی عبرانی نِژادی سِه 7:6 Iomraidhean Croise

اعمال رَسولان 3:25

و شِما پیغمبِرونِ وَچونِنی. اون عَهدِ وچونِنی که خِدا شِمه پییِرونِ هِمراه دَوِسه. خِدا ابراهیمِ بااوته: ” تِ نَسلِ جِم تِمومِ زِمینِ طایفه ها بَرکَت گِرنِنه.“

رومی ایشون 4:13

چوون شَریعتِ راهِ جِم نَییه که اِبراهیم و وه نَسلِ، وَعده هِدا بَییه که این دِنیائه وارث بونِنه، بلکه اون صالحیِ راهِ جِم بییه که ایمونِ سَر، پابرجائه.

رومی ایشون 9:4

وِشون اسرائیلینه و فرزند خووندگی، جِلال، عهدها و شَریعَت وِشونِ هِدا بَییه، پَرَسِش و وعده‌ها، تِمومِ اینا وِشونِ شِنه؛

غَلاطیان 3:16

اِسا، اِبراهیم و وه نَسلِ وَعده ها هِدا بَییه. نارنه «و نسلها ره،» جوری که انگاری خَیلیائه خَوِری بوئه، بلکه گانه «تِ نَسلِ» که منظور مَسیحِ.

نامِه مَسیحینی عبرانی نِژادی سِه 11:13

وِشون همه ایمونِ دِله بَمِردِنه، بدون اینکه وعده‌ها ره بَیرِن، ولی اونا ره از دور بَدینه و سِلام بااوتِنه. و قبول هاکاردِنه که زِمینِ سَر غَریبِنه.

نامِه مَسیحینی عبرانی نِژادی سِه 11:17

ایمونِ هِمراه بییه که اِبراهیم اون مووقه که آزمود بَییه، اِسحاقِ پیشکَش هاکارده؛ و وه که وعده‌ها ره بَییته بییه قبول هاکارده که شه یِتا ریکا ره قِروونی هاکانه،

نامِه مَسیحینی عبرانی نِژادی سِه 7:1

چوون که این مِلْکیصِدِق، سالیمِ شَهرِ پادشاه و خِدائه مِتعالِ کاهِن بییه. وه اِبراهیم که پادِشاهونِ شکست هِدا بییه ره بَدیئه و وه ره بَرکَت هِدا.

نامِه مَسیحینی عبرانی نِژادی سِه 7:7

و بی شک، اونی که بَرکَت دِنه اونی که بَرکَت گِرنهِ جِم گَتتِرِ.