نامِه مَسیحینی عبرانی نِژادی سِه 7:11 - کتاب مقدس به زبان مازندرانی - گویش شرقی

¹¹ اِسا اگه کامل بَیِّن، لاویِ کاهنونِ رَدهِ طریق اِنجام بونِسه، دییه چه احتیاجی بییه یِتا دییه کاهِن مِلْکیصِدِق رَدهِ جِم بِیّه، عوض این که هارونِ رَده جِم بوئه؟ چوون لاویِ کهانتِ دورهِ دِله، شَریعَت، یَهودِ قومِ هِدا بَییه

گیله ماز

¹¹ اَسِه اَگِه کامِل هَبوسَّن لاوی یه کاهنین رَدِه یه طریق انجام بونِه با، دِ چه احتیاجی با ایتا دیگه کاهِن، مِلْکیصِدِقِ رَدِه یه جی بیه عوضِ اینکه هارونِ رَدِه یه جی هَبو؟ چون لاوی یه کِهانتِ دوره یه دِلهِ، شریعت، یَهودِ قومِ هَدَه هَبا.

کتاب مقدس به زبان مازندرانی - گویش غربی

¹¹ اِسا، اگه کامِل بَووئن لاوی ای کاهنِنی رَدِه ای طریق اَنجام وونِسِه، دِ چی احتیاجی وِه یَت دییَر کاهِن، مِلْکیصِدِقی رَدِه ای جا بیِه عوضِ هَینگه هارونی رَدِه ای جا ووئه؟ چون لاوی ای کِهانتی دوره ای دِلِه، شریعت، یَهودی قومِ هادا بَوِه.

نامِه مَسیحینی عبرانی نِژادی سِه 7:11 Iomraidhean Croise

غَلاطیان 2:21

مِن خِدائه فِیضِ باطل نَکامبه، چوون اگه صالحی، شَریعتِ راه جِم به‌دَس اییَمو، پَس مَسیح بیخودی بَمِرده.

غَلاطیان 4:3

اَمه خَوِری هم همین‌طیِ: تا مووقه ای که وچه بیمی، این دِنیائه قانونائه نوکِر بیمی.

غَلاطیان 4:9

ولی اَلان خِدا ره اِشناسِنِنی، یا بِهتَرِ بارِم، خِدا شِما ره اِشناسِنه، چی طیِ که اَت کَش دییه، این دِنیائه سِست و بی ارزشِ قانونائه سَمت بَرگِردِنِنی؟ خوانِنی اَت کَش دییه اونا ره نوکِری هاکانین؟

نامِه مَسیحینی عبرانی نِژادی سِه 5:10

و خِدائه طَرِفِ جِم تَعیین بَییه که کاهِن اَعظِم بوئه، مِلْکیصِدِقِ رَدهِ دِله.

نامِه مَسیحینی عبرانی نِژادی سِه 5:6

هَمون طی که وه یِتا دییه جا هم گانه: «تِ تا اَبد کاهِن هَسی، مِلْکیصِدِقِ رَدهِ دِله.»

نامِه مَسیحینی عبرانی نِژادی سِه 6:20

اون جایی که عیسی اَمه جِم قبلتر و اَمه وِسه دِله بورده؛ و تا اَبد کاهِن اَعظِم بَییه، مِلْکیصِدِقِ رَدهِ دِله.

نامِه مَسیحینی عبرانی نِژادی سِه 7:10

چوون اون مووقه که مِلْکیصِدِق ابراهیمِ بَدی بییه، لاوی هَمتی دِنیا نییَمو بییه

نامِه مَسیحینی عبرانی نِژادی سِه 7:12

چوون اگه کهانتِ خِدمِت عَوِض بَووه، ناچاراً شَریعَتِ قانون هم عَوِض بونه.

نامِه مَسیحینی عبرانی نِژادی سِه 7:13

چوون کِسی که این چیا وه خَوِری بااوته بَییه، یِتا دییه طایفه جِم هَسه که اون طایفهِ جِم هیچ وَخت هیچ کس قِروونگاهِ دِله خِدمِتِ نَکارده؛

نامِه مَسیحینی عبرانی نِژادی سِه 7:15

این اونجه ویشتر دیار بونه، که وَختی یِتا دییه کاهِن مِلْکیصِدِقِ واری بِیّه،

نامِه مَسیحینی عبرانی نِژادی سِه 7:21

ولی این یِتا کاهِن بَییه، قَسِمی هِمراه، که وه طریق وه ره بااوته: «خِداوند قَسِم بَخُرده و وه نَظِر عَوِض نَوونه: ”تِ تا اَبد کاهِن هسی“.»

نامِه مَسیحینی عبرانی نِژادی سِه 8:7

چوون اگه اون اَوِّلین عَهد بی عیب بییه، دییه لازم نَییه که دِوّمین عَهدِ دِمبال دَوویم.

نامِه مَسیحینی عبرانی نِژادی سِه 9:6

بعد از اون که این چیا این طی آماده بونِسه، کاهِنون هَمِش اَوِّلین قسمتِ دِله شینه تا شه وظایفِ اِنجام هادِن.