نامِه مَسیحینی عبرانی نِژادی سِه 6:18 - کتاب مقدس به زبان مازندرانی - گویش شرقی

¹⁸ تا دِ چیِ طریق که عوض نَبونه و محالِ که خِدا اونائه خَوِری دِراغ بَزِنه، اِما که پِناه بیاردِنِ وِسه فِرار هاکاردیمی، خَله دِلگرمی داشتیمی تا اون امیدی که اَمه جلو بییِشتِنه ره، قایم داریم.

گیله ماز

¹⁸ تا دو چی یه طریق که عوض نَبونه، و مَحالِ که خُدا اوشانِ خَبَری دُرو بَزنِه، اَما که پناه بیاردنِ وَسین فَرار هَکردیم، خِیلی دلگرمی داشتیم تا اون اُمیدی که اَمیِ پِیش بَنَن رِه، قایِم بِداریم.

کتاب مقدس به زبان مازندرانی - گویش غربی

¹⁸ تا دِ چی ای طریق گه عوض نَوونِه، و مَحالِ گه خِدا اونِنی خَوَری دِرو بَزنِه، اَما گه پناه بیاردنی سِه فِرار هاکِردمی، خِیلی دلگرمی داشتمی تا هون اِمیدی گه اَمِه پِش بِشتِنِه رِه، قائِم داریم.

نامِه مَسیحینی عبرانی نِژادی سِه 6:18 Iomraidhean Croise

اِنجیلِ مَتّی 24:35

آسِمون و زِمین اَز بین شونه، ولی مِ گَب هیچ وَخت اَز بین نَشونه.

اِنجیلِ مَتّی 3:7

وَختی یحیی بَدیئه خَله از عُلِمائه فِرقه فَریسی و عُلِمائه فِرقه صَدوقی تَعمید بَئیتِنِ وِسه بییَمونه، وِشونِ بااوته: «اِی مَرها، کی شِما ره گوشزَد هاکارده تا اون غَضِبی که دَره اِنهِ جِم دَر بُورین؟

لوقا 2:25

اون وختا، اورشَلیمِ دِله یِتا مَردی که وه اسم شَمعون بییه زندگی کارده که صالح و خِدا تَرس بییه و اِنتظار کَشیه تا مَسیحِ موعود ظِهور هاکانه، شَمعون روح القدسِ داشته.

رومی ایشون 15:5

بوئه که خِدایی که پایداری و دلگرمی دِنه، شِما ره عطا هاکانه تا اون طی که مَسیحْ عیسیِ خواسهِ هِمراه جوره، هَمدییهِ هِمراه مدارا هاکانین،

رومی ایشون 3:25

خِدا، عیسی مَسیحِ، گِناهونِ کَفّاره‌ِ واری مَعرِفی هاکارده. اون کَفّاره ای که وه خونِ هِمراه و ایمونِ راهِ جِم به دَس اِنه. این خِدائه عِدالَتِ سِراغ هِدائِنِ وِسه بییه، چوون وه شه صبرِ اِلهیِ هِمراه، اون گِناهونی که قبلاً اِتفاق دَکِته بییه ره نَدید بَییته.

رومی ایشون 3:4

اَصلاً! حَتّی اگه تِمومِ آدِمون دِراغ زَن بوئِن، خِدا راسگوئه! هَمون طی که داوودِ پادشاهِ مزمورِ دِله بَنوِشته بَییه: «اینِ وِسه وَختی گَب زَندی، راس گانی، و اون مووقه که قِضاوِت کاندی، تِ قِضاوِت دِرِسِ»

رومی ایشون 5:5

و امید اَمه شرمندگیِ باعث نَوونه، چوون خِدائه مِحبَّت، روح القدوسِ طریقِ جِم که اِما ره هِدا بَییه، اَمه دلهائه دِله دَشِندی بَییه.

فیلیپیان 2:1

پَس اگه مَسیح دِله دلگرمی دارنِنی، اگه وه مِحَبَّت شِمه تسلّیِ باعث بونه، اگه خِدائه روحْ دِله رفاقت دارنِنی، و اگه مِهروونی و دِلسوزی دارنِنی

کولُسیان 1:23

اگه راس راسی شِما ایمونِ دِله، محکم و پابرجا بوئین و اون انجیلِ امیدِ جِم تِکون نَخُرین، هَمون انجیل که آسمونِ بِنِ تِمومِ خلقتِ وِسه اِعلام بَییه، و مِن، پولُس، اونِ نوکِر بَیمه.

کولُسیان 1:27

خِدا این طی بَخواسه که وِشونِ بِشناسونه که این راز، غیرِ یَهودیونِ میون چه گَتِ جلالیه، این راز اینِ که مَسیح شِمه میون، جِلالِ امیدِ.

کولُسیان 1:5

که اینا اون امیدی جِم سرچشمه گِرنه که شِمه وِسه آسِمونِ دِله داشتِنه. اون امید که قبلتر اونِ خَوِری، حَییقَتِ کِلامِ یعنی انجیلِ بِشنُسینی،

اوّل تِسالونیکیان 1:10

تا آسِمونِ جِم خِدائه ریکائه بییَموئِنِ اِنتظارِ بَکِشین، که خِدا مِرده هائه جِم وه ره زنده هاکارده، یعنی عیسی، که اِما ره اون غَضِبِ جِم که بعداً اِنه آزاد کانده.

اول تیموتائوس 1:1

پولُسِ طَرِف جِم که اَمه نِجات‌دهنده خِدائه حِکمِ هِمراه و اَمه امید مَسیحْ عیسی، مَسیحْ عیسیِ رَسولِ؛

اول تیموتائوس 6:12

ایمونِ خوارِ جنگِ دِله جَنگ هاکان. اون اَبدی زندگی که اونِ وِسه دَعوِت بَئی و اونِ خَله از شاهِدونِ پَلی، اِعترافِ هاکاردی ره، بَچِسب.

دوم تیموتائوس 2:13

اگه بی‌وفا بَوویم، وه وِفادار موندِنه، چوون نَتونده شه ره اِنکار هاکانه.

تیتوس 1:2

و اون حییقَت طبقِ امید، اَبدی زندگیِ وِسه هَسه که خِدایی که هیچ وَخت دِراغ نَزِندِنه، قبل از اینکه دِنیا خَلق بَووه، اونِ وَعده ره اِما ره هِدا

نامِه مَسیحینی عبرانی نِژادی سِه 11:7

ایمونِ هِمراه بییه که نوح اون مووقه که اون چیائه خَوِری که هَمتی هیچ کَس نَدی بییه، خِدائه طَرِفِ جِم هِشدار بَییته، خِداترسیِ هِمراه، شه خانِوادهِ نِجاتِ وِسه یِتا کَشتی بِساته. و این طی دِنیا ره مَحکوم هاکارده و اون صالحیِ وارث بَییه که ایمونِ راهِ جِم به دَس اِنه.

نامِه مَسیحینی عبرانی نِژادی سِه 3:11

پَس شه غیظِ دِله قَسِم بَخُردِمه وِشون مِ آسایشِ دِله نِنِّنه.»

نامِه مَسیحینی عبرانی نِژادی سِه 3:6

ولی مَسیح، یِتا ریکائه واری خِدائه سِره سَر وِفادارِ، و اِما وه سِره هَسیمی، اگه راس راسی شه اِطمینان و افتخارِ شه امیدِ دِله قایم داریم.

نامِه مَسیحینی عبرانی نِژادی سِه 6:17

پَس اون مووقه که خِدا خواسه ویشتر سِراغ هاده که وارثونِ وِسه وه وَعده عَوِض نَبونه، اونِ قَسِمِ هِمراه ضمانت هاکارده،

نامِه مَسیحینی عبرانی نِژادی سِه 7:19

چوون شَریعَت هیچی ره کامل نَکارده. ولی از اون طَرف، یِتا بهترِ امیدِ اِما ره بِشناسِندیه که اونِ طریق، خِدا ره نزیک بومبی.

نامِه مَسیحینی عبرانی نِژادی سِه 7:21

ولی این یِتا کاهِن بَییه، قَسِمی هِمراه، که وه طریق وه ره بااوته: «خِداوند قَسِم بَخُرده و وه نَظِر عَوِض نَوونه: ”تِ تا اَبد کاهِن هسی“.»

اوّل یوحنا 1:10

اگه باریم گِناه نَکاردیمی، اِما وه ره دِراغ زَن کامبی و وه کِلام اَمه دِله دَنییه.

اوّل یوحنا 5:10

هر کی خِدائه ریکا ره ایمون دارنه، این گواهی ره شه دِله دارنه. اونی که خِدا ره ایمون نیاره، وه ره دِراغ زَن بِشمارِسه، چوون اون گِواهی ای که خِدا، شه ریکائه خَوِری هِدا ره قبول نَکارده.