نامِه مَسیحینی عبرانی نِژادی سِه 6:17 - کتاب مقدس به زبان مازندرانی - گویش شرقی

¹⁷ پَس اون مووقه که خِدا خواسه ویشتر سِراغ هاده که وارثونِ وِسه وه وَعده عَوِض نَبونه، اونِ قَسِمِ هِمراه ضمانت هاکارده،

گیله ماز

¹⁷ پس اون موقِه که خُدا خَسِّه بیشتر نِشان هَدِه که وارِثانِ وَسین اونه وعده ها عوض نَبونه، اونه، قَسمِ هَمرَه ضِمانت هَکُردِه،

کتاب مقدس به زبان مازندرانی - گویش غربی

¹⁷ پس هون موقِه گه خِدا خوایسِه ویشتَر هَم هادِه گه وارِثِنی سِه وی وعده عوض نَوونِه، هونِه، قَسمی هَمرا ضمانت هاکِردِه،

نامِه مَسیحینی عبرانی نِژادی سِه 6:17 Iomraidhean Croise

اِنجیلِ یوحنا 10:10

دِزد نِنه به جِز اینِ وِسه که بَدِزّه و بَکوشه و نابود هاکانه؛ مِن بییَمومه تا وِشون، زندگی دارِن و اونِ فراوونیِ هِمراه دارِن.

رومی ایشون 11:29

چوون خِدا اَصلاً شه هَدیه ها و دَعوِتِ پَس نَینه.

رومی ایشون 8:17

و اگه خِدائه وَچونِمی، پَس وارثون هم هَسیمی، یعنی خِدائه وارثون و مَسیحِ هِمراه اِرثِ دِله شریکیمی. به شرطی که اِما هم وه هِمراه عِذاب بَکِشیم، تا اِما هم وه هِمراه جِلال بَیریم.

غَلاطیان 3:29

و اگه شِما مَسیحِ وِسه هَسِنی، پَس ابراهیمِ نسلِنی و طبقِ وَعده، وارثون هم هَسینی.

اِفِسُسیان 1:11

اِما وه دِله وارثون بَیمی، چوون طِبق وه خواسه که همه چی ره طِبق شه اِراده اِنجام دِنه، قبلتر اِنتخاب بَییه بیمی.

نامِه مَسیحینی عبرانی نِژادی سِه 11:7

ایمونِ هِمراه بییه که نوح اون مووقه که اون چیائه خَوِری که هَمتی هیچ کَس نَدی بییه، خِدائه طَرِفِ جِم هِشدار بَییته، خِداترسیِ هِمراه، شه خانِوادهِ نِجاتِ وِسه یِتا کَشتی بِساته. و این طی دِنیا ره مَحکوم هاکارده و اون صالحیِ وارث بَییه که ایمونِ راهِ جِم به دَس اِنه.

نامِه مَسیحینی عبرانی نِژادی سِه 11:9

ایمونِ هِمراه بییه که وه بورده تا وعدهِ سرزمینِ دِله زندگی هاکانه، و یِتا غریبه واری اِسحاق و یَعقوبِ هِمراه که وه هِمراه این وعدهِ دِله هم اِرث بینه، خیمه هائه دِله زندگی هاکارده.

نامِه مَسیحینی عبرانی نِژادی سِه 6:12

تا تمبِل نَبوئین، بلکه شِمه سَرمخش اونایی بوئِن که ایمون و صبرِ هِمراه وعده‌هائه وارث بونِنه.

نامِه مَسیحینی عبرانی نِژادی سِه 6:16

چوون مَردِم اون کَسِ سَر قَسِم خوارنِنه که وِشونِ جِم گَتتِر، و تِمومِ وِشونِ جرِ بحثهائه دِله قَسِمی دَنییه که سرآخر وِشونِ گَب ها ره ثابت هاکانه.

نامِه مَسیحینی عبرانی نِژادی سِه 6:18

تا دِ چیِ طریق که عوض نَبونه و محالِ که خِدا اونائه خَوِری دِراغ بَزِنه، اِما که پِناه بیاردِنِ وِسه فِرار هاکاردیمی، خَله دِلگرمی داشتیمی تا اون امیدی که اَمه جلو بییِشتِنه ره، قایم داریم.

یعقوبِ نامه 1:17

هر خوارِ هَدیه و هر کاملِ هَدیه، آسِمونِ جِم هَسه، نورهائه پییِرِ طَرِفِ جِم اِنه که وه دِله هیچ تغییری دَنییه و نا هیچ سایه ای که تغییرِ جِم به وجود بییَمو بوئه.

یعقوبِ نامه 2:5

عزیزِ بِرارون، گوش هادین! مگه خِدا این دِنیائه فقیرونِ انتخاب نَکارده تا ایمونِ دِله دولتمند بوئِن و پادشاهی‌ای ره اِرث بَوِرِن که وه شه دوسدارونِ وَعده هِدا؟

اول پِطرُس 1:3

مِوارک بوئه خِدا و اَمه خِداوند عیسی مَسیحِ پییِر که شه گَتِ رَحمتِ هِمراه، عیسی مَسیحِ زنده بَیِّنِ طریق، مِرده هائه جِم، اِما ره زنده امیدِ وِسه یِتا تازه تولّد هِدا

اول پِطرُس 3:7

همین‌ طی، شِما هم ای مَردا، شه زَن هائه هِمراه جوری زندگی هاکانین که وِشونِ بِفَهمین و بِشناسین اینِ وِسه که شِمه جِم ظریفتر هَسِنه، وِشونِ احترامِ دارین چوون شِمه واری زندگیِ فیضِ وارِثِنه، تا نَکِنه شِمه دِعاها بی جِواب بَمونه.