نامِه مَسیحینی عبرانی نِژادی سِه 4:16 - کتاب مقدس به زبان مازندرانی - گویش شرقی

¹⁶ پَس اطمینانِ هِمراه فیضِ تَختِ نزیک بَوویم تا اِما ره رَحم بَووه و فیضِ به دَس بیاریم که اِحتیاجِ مووقه اِما ره کُمِک هاکانه.

گیله ماز

¹⁶ پَس اِطمینانِ هَمرَه فیضِ تختِ نَزدیک هَبیم تا اَمَرِه رَحم هَبو و فیضِ بِدس بیاریم که احتیاجِ موقِه اَمَرِه کُمک هَکونِه.

کتاب مقدس به زبان مازندرانی - گویش غربی

¹⁶ پَس اِطمینانی هَمرا فیضی تختِ نَزیک بَووئیم تا اَمارِه رَحم بَوو و فیضِ بِدس بیاریم گه احتیاجی موقِه اَمارِه کِمک هاکنِه.

نامِه مَسیحینی عبرانی نِژادی سِه 4:16 Iomraidhean Croise

اِفِسُسیان 2:18

چوون وه طریق، اِما دِتا، یِتا روحِ دِله، آسِمونی پییِرِ دَسرسی دارمی.

اِفِسُسیان 3:12

اِما مَسیحِ دِله و اون ایمونِ طریق که وه ره دارمی، تومبی جِرأت و اطمینانِ هِمراه خِدا ره نَزدیک بَوویم.

نامِه مَسیحینی عبرانی نِژادی سِه 13:6

پَس اِما تومبی اطمینانِ هِمراه باریم: «خِداوند مِ یاوِرِ، نَتِرسِمبه. آدِمی تونده مِ هِمراه چی هاکانه؟»

نامِه مَسیحینی عبرانی نِژادی سِه 3:6

ولی مَسیح، یِتا ریکائه واری خِدائه سِره سَر وِفادارِ، و اِما وه سِره هَسیمی، اگه راس راسی شه اِطمینان و افتخارِ شه امیدِ دِله قایم داریم.

نامِه مَسیحینی عبرانی نِژادی سِه 7:19

چوون شَریعَت هیچی ره کامل نَکارده. ولی از اون طَرف، یِتا بهترِ امیدِ اِما ره بِشناسِندیه که اونِ طریق، خِدا ره نزیک بومبی.

نامِه مَسیحینی عبرانی نِژادی سِه 7:25

پَس عیسی تونده اونایی که وه طریق خِدا ره نزدیک بونِنه ره کاملاً نِجات هاده، چوون وه هَمِش زنده ئه تا وِشونِ وِسه شِفاعت هاکانه.

نامِه مَسیحینی عبرانی نِژادی سِه 9:5

صَندِقِ سَر که اونِ رحمتِ تخت گاتِنه، ’جِلالِ‘ کَروبیونِ فرشته، سایه دِم بِدا بینه. اَلان نَتومبی این چیائه جِم ریز به ریز گَب بَزِنیم.

اول پِطرُس 2:10

قبلتر قومی نَبینی، ولی اَلان خِدائه قومِنی؛ یه مووقه خِدائه رحمِتِ جِم محروم بینی، ولی اَلان خِدائه رَحمِتِ بَییتینی.