نامِه مَسیحینی عبرانی نِژادی سِه 3:12 - کتاب مقدس به زبان مازندرانی - گویش شرقی

¹² بِرارون، شِمه حواس دَووه، نَکِنه که شِمه جِم کِسی شَرور و بی‌ایمونِ دِل داره که شِما ره زنده خِدائه جِم دور هاکانه.

گیله ماز

¹² اَداشان، شیمی حَواس دَبو، نَکُنِه که شِیمی جی کَسی، شَرور و بی ایمانِ دِل بِدارِه که شِمِره زندهِ خُدایِ جی دور هَکونه.

کتاب مقدس به زبان مازندرانی - گویش غربی

¹² بِرارِن، شِمِه حَواس دَوو، نَکِنِه گه شِمِه جا کَسی، شَرور و بی ایمونِ دِل دارِه گه شِمارِ زینِّه خِدایی جا دور هاکِنِه.

نامِه مَسیحینی عبرانی نِژادی سِه 3:12 Iomraidhean Croise

اِنجیلِ مَتّی 16:16

شمعونِ پِطرس جِواب هِدا: «تِ مَسیحِ موعودی، زنده خِدائه ریکائی.»

اِنجیلِ مَتّی 24:4

عیسی جِواب هِدا: «مِواظِب بوئین کِسی شِما ره از راه به دَر نَکِنه.

مَرقُس 13:23

پَس شِمه حواس دَووه، چوون قبلتر تِمومِ اینا ره شِما ره بااوتِمه.

مَرقُس 13:33

پَس بیدار بوئین و شِمه حواس دَووه، چوون نَدوندِنی اون مووقه کِی رِسِنه.

مَرقُس 13:9

«ولی شِما شه مواظب بوئین، چوون شِما ره مَحکمهِ تحویل دِنِنه و عبادتگاه هائه دِله زَندنه و مِ خاطِری فرموندارون و پادشاهونِ پَلی اِیست کاندینی تا وِشونِ روب رو شِهادِت هادین.

لوقا 21:8

عیسی بااوته: «مِواظب بوئین کِسی شِما ره گُمراه نَکِنه؛ چوون خَیلیا مِ اسم هِمراه اِنِنه و ادعا کاندِنه ”مِن مسیحِمه“ و گانِنه ”دِنیا آخِر بَرِسیه“. وِشونِ دِمبال نَشوئین.

رومی ایشون 11:21

چوون اگه خِدا طبیعی چله ها ره رَحم نَکارده، تِ ره هم رَحم نَکانده.

اوّلین نامِه قُرنتیانی سِه 10:12

پَس اونی که گمون کانده پابرجائه، هوشیار بوئه که نَکِفه!

کولُسیان 2:8

هوشیار بوئین تا هیچ کس شِما ره فلسفه و بیخودی گول بَزوئِنِ هِمراه گرفتار نَکِنه، که نا مَسیحِ سَر، بلکه آدِمائه رَسم و رسومات و این دِنیائه اصولِ سَر پابرجائه.

اوّل تِسالونیکیان 1:9

چوون وِشون شه از این که چی طی شِما گرمِیِ هِمراه اَمه پیشواز بییَمونی، گَب زَندِنه و این که چی طی بِتهائه جِم دَس بَکِشینی و خِدائه سمت بَردَگِردِسینی تا زنده و حییقی خِدا ره خِدمِت هاکانین

نامِه مَسیحینی عبرانی نِژادی سِه 10:31

زنده خِدائه دَس دَکِتِن، چَنده تَرس دارنه.

نامِه مَسیحینی عبرانی نِژادی سِه 10:38

ولی مِ صالح آدِم ایمونِ هِمراه زندگی کانده. و اگه مِ جِم شه دیمِ بَردِگاردِنه، مِ جان اون آدِمِ جِم راضی نَبونه.»

نامِه مَسیحینی عبرانی نِژادی سِه 12:15

مواظب بوئین هیچ کس خِدائه فیضِ بَییتِنِ دِله شکست نَخُره تا هیچ تَلِ ریشه ای، رشد نَکِنه و دردسرِ باعث نَووه و خَیلیا ره نَجس نَکِنه

نامِه مَسیحینی عبرانی نِژادی سِه 12:22

ولی شِما صَهیونِ کوهِ دِله زِنده خِدائه شَهر، یعنی آسِمونی اورشَلیمِ دِله بییَمونی. شِما هِزارون هزار فِرشتهِ جَمعِ دِله که خِشالی کاندِنه بییَمونی،

نامِه مَسیحینی عبرانی نِژادی سِه 12:25

شِمه حِواس دَووه، اون کسِ صِدائه جِم که گَب زَنده، شه دیمِ بَرنِگاردِنین. اونایی که، اون کسِ گَب هائه بِشنُسَنِ جِم که زِمینِ سَر گَب زوئه شه دیمِ بَردِگاردِنینه، نَتونِسِنه مجازات بَیّنِ جِم دَر بورِن. پَس اَگه اِما اون کسِ جِم که آسمونِ جِم گَب زَنده شه دیمِ بَردِگاردِنیم، چی طی مجازاتِ جِم دَر بوریم؟!

نامِه مَسیحینی عبرانی نِژادی سِه 3:1

پَس ای مِقَدَّسِ بِرارون، اِی شِما که آسِمونی دَعوِتِ دِله شریکِنی، شِمه چِش عیسی ره بوئه، که وهِ رَسول و کاهِن اَعظِم، که وه ره ایمون دارمی و وه ره اِعتراف کامبی.

نامِه مَسیحینی عبرانی نِژادی سِه 3:10

اینِ وِسه، اون نَسلِ سَر، غیظ هاکاردِمه و بااوتِمه: ”وِشون هَمِش شه دلِ دِله گُمراهِنه، و مِ راهها ره نِشناسِنِنه؛“

نامِه مَسیحینی عبرانی نِژادی سِه 3:19

پَس ویمبی که وِشونِ بی‌ایمونیِ خاطِری بییه که نَتونِسِنه دِله بِیِّن.

نامِه مَسیحینی عبرانی نِژادی سِه 9:14

چَنده ویشتر، مَسیحِ خون که اَبدی روحِ طریق، شه ره بی‌عیب، خِدا ره پیشکش هاکارده اَمه وجدانِ، بیخودی کارائه جِم پاک کانده تا زنده خِدا ره خِدمِت هاکانیم!