نامِه مَسیحینی عبرانی نِژادی سِه 2:8 - کتاب مقدس به زبان مازندرانی - گویش شرقی

⁸ و همه چی ره وه لینگِ بِن وه مطیع هاکاردی.» اِسا که خِدا همه چی ره وه مطیع هاکارده، هیچیِ به جا نییِشته که وه مطیع نَووه. اِسا، هَمتی، همه چی ره اونِ مطیع نَویمبی.

گیله ماز

⁸ و همه چیرِه اونه لِنگِ جیر اونه مُطیع هَکُردی.» اَسِه که خُدا هَمه چیرِه اونه مُطیع هَکُردِه، هیچ چیزی بِجا نُذاشته که اونه مُطیع نَبو. اَسِه، هَلَه همه چیزهِ اونه مُطیع نَینیم.

کتاب مقدس به زبان مازندرانی - گویش غربی

⁸ و هَمه چیرِه وی لینگی بِن وی مِطیع هاکِردی.» اِسا گه خِدا هَمه چیرِه وی مِطیع هاکِردِه، هیچیِه بِجا نِشتِه گه وی مِطیع نَوو. اِسا، حَلا هَمه چیرِه وی مِطیع نَویمّی.

نامِه مَسیحینی عبرانی نِژادی سِه 2:8 Iomraidhean Croise

اِنجیلِ مَتّی 28:18

اون وَخت عیسی جلو بییَمو و وِشونِ بااوته: «تِمومِ قِوَّت آسِمونِ دِله و زِمین سَر مِ ره هِدا بَییه.

اِنجیلِ یوحنا 13:3

عیسی که دونِسه پییِر همه چی ره وه دَس بِسپارِسه و خِدائه طَرِفِ جِم بییَمو و خِدائه پَلی شونه،

اِنجیلِ یوحنا 3:35

پییِر، ریکا ره مِحَبَّت کانده و همه چی ره وه ‌دَس بِسپارِسه.

اوّلین نامِه قُرنتیانی سِه 15:27

چوون خِدا «همه چی ره وه مطیع و وه لینگائه بِن بییِشته.» ولی وَختی گانه ’همه چی‘ وه مطیع و وه لینگائه بِن دَره، معلومِ که شه خِدا، اون که همه چی ره مطیع و مَسیحِ لینگائه بِن بییِشته ره شامل نَوونه.

نامِه مَسیحینی عبرانی نِژادی سِه 1:13

خِدا تا اَلان کِدوم یِتا از فرشته ها ره بااوته: «مِ ‌راس دَس هِنیش تا مووقه ای که تِ دِشمِنونِ تِ لینگِ بن دِم هادِم»

نامِه مَسیحینی عبرانی نِژادی سِه 1:2

ولی این آخِرین روزائه دِله، وه شه ریکائه طریق اَمه هِمراه گَب بَزو، اون ریکا که وه ره یِتا وارثِ واری، همه چیِ دِله تَعیین هاکارده و وه طریق جهانِ خَلق هاکارده.

نامِه مَسیحینی عبرانی نِژادی سِه 2:5

چوون خِدا اون دِنیایی که اِنه و اِما اونِ جِم گَب زَمبی ره، فرشته هائه مطیع نَکارده

اول پِطرُس 3:22

هَمون عیسی مَسیح که آسِمون بورده و اِسا خِدائه راسِ دَس وَر دَره و فرشته ها و قِدرتها و قِوَّت ها وه مطیع بَینه.

یوحنایِ مکاشفه 1:18

مِن که زِندِمه. بَمِردِمه و هارِش همیشهِ وِسه زندِمه و مَرگ و مِرده هائه دِنیائه کِلیت ها مِ دَس دَره.

یوحنایِ مکاشفه 1:5

و عیسی مسیحِ طَرِفِ جِم، اون وِفادارِ شاهد، اَوِّلین کِسی که مِرده هائه جِم زنده بَیّه و پادشاهونِ حاکم، زمینِ سَر. وه که اِما ره دوس دارنه و شه خونِ هِمراه، اِما ره اَمه گِناهونِ جِم آزاد هاکارده،