نامِه مَسیحینی عبرانی نِژادی سِه 2:17 - کتاب مقدس به زبان مازندرانی - گویش شرقی

¹⁷ پَس لازم بییه که وه هر لحاظِ جِم شه بِرارونِ واری بَووه تا این طی خِدائه خِدمتِ دِله یِتا وِفادار و بخشنده کاهِن اَعظِم بوئه تا مَردِمِ گِناهونِ بَخشیده بَیِّنِ وِسه کَفّاره هاده.

گیله ماز

¹⁷ پس لازم با که اون هر لحاظِ جی خودشه اَداشانِ مِثانِ هَبو تا اینجوری خُدایِ خدمت دِلهِ ایتا بخشنده و وفادارِ کاهنِ اعظم هَبو تا مَردُم گُناهانِ بَخشیدِه هَبوسَّنِ وَسین کَفّارِه هَدِه.

کتاب مقدس به زبان مازندرانی - گویش غربی

¹⁷ پس لازم وِه گه وی هر لحاظی جا شی بِرارِنی تَرا بَوو تا هینجوری خِدایی خِدمتی دِلِه یَتِه بخشنده و وفادارِ کاهنِ اعظم ووئه تا مَردِنی گِناهنی بَخشیدِه بَووئنی سِه کَفّارِه هادِه.

نامِه مَسیحینی عبرانی نِژادی سِه 2:17 Iomraidhean Croise

رومی ایشون 15:17

پَس مِن مَسیحْ عیسیِ دِله، این خدمِتی که خِدائه وِسه دَره کامبه ره دلیلی دارمه که اِفتخار هاکانِم.

رومی ایشون 5:10

چوون اگه اون مووقه که خِدائه هِمراه دِشمِن بیمی، و وه ریکائه بَمِردِنِ طریق، خِدائه هِمراه آشتی هِدا بَیمی، چَنده ویشتر اِسا که وه هِمراه آشتیِ دِله دَرِمبی، وه زندگیِ طریق نِجات گِرمی.

اِفِسُسیان 2:16

و هر دِتا ره یِتا تَنِ دِله، خِدائه هِمراه آشتی هاده، و شه صلیبِ طَریقِ جِم که وه سَر، دِشمِنی ره بَکوشته.

کولُسیان 1:21

شِما هم یه وَختی خِدائه هِمراه غریبه بینی، و شه فکرائه دِله وه دِشمِن بینی، و این شِمه شریرونه کارائه دِله دیار بونِسه.

نامِه مَسیحینی عبرانی نِژادی سِه 10:21

و از اونجه که یِتا کاهِنِ اَعظِم خِدائه سِرهِ سَر دارمی،

نامِه مَسیحینی عبرانی نِژادی سِه 2:11

چوون وه که تَقدیس کانده و اونایی که تَقدیس بونِنه، همه یِتا سرچشمه دارنِنه. چوون عیسی عار نِدارنه که وِشونِ بِرار صدا هاکانه.

نامِه مَسیحینی عبرانی نِژادی سِه 2:14

پَس از اونجه که وچون جسم و خونِ دِله شریکِنه، وه شه هم این چیائه دِله شَریک بَییه تا مَرگِ راهِ دِله، اونی که مَرگِ قِدرَتِ دارنه، یعنی اِبلیسِ نابود هاکانه،

نامِه مَسیحینی عبرانی نِژادی سِه 2:16

چوون راس راسی وه فرشته ها ره کُمِک نَکانده، بلکه وه، ابراهیمِ نَسلِ کُمِک کانده.

نامِه مَسیحینی عبرانی نِژادی سِه 3:1

پَس ای مِقَدَّسِ بِرارون، اِی شِما که آسِمونی دَعوِتِ دِله شریکِنی، شِمه چِش عیسی ره بوئه، که وهِ رَسول و کاهِن اَعظِم، که وه ره ایمون دارمی و وه ره اِعتراف کامبی.

نامِه مَسیحینی عبرانی نِژادی سِه 3:2

که نسبت به کِسی که وه ره تعیین هاکارده وِفادار بییه، هَمون‌ طی که موسی هم خِدائه تِمومِ سِرهِ دِله وِفادار بییه.

نامِه مَسیحینی عبرانی نِژادی سِه 3:5

اِسا موسی یِتا خادِم واری، خِدائه تِمومِ سِره دِله وِفادار بییه تا اون چیائه سَر که وِنه دِمبالتر بااوته بَووه، گِواهی هاده.

نامِه مَسیحینی عبرانی نِژادی سِه 4:14

از اونجه که اِما یِتا گَتِ کاهِن اَعظِم دارمی که آسمونونِ بالا بورده، یعنی عیسی خِدائه ریکا، بِئین شه ایمونِ اعترافِ قایم داریم.

نامِه مَسیحینی عبرانی نِژادی سِه 4:15

چوون اَمه کاهِن اَعظِم جوری نییه که نَتونِسه بوئه اَمه ضعفائه هِمراه هَمدردی هاکانه، بلکه کِسی که اَمه واری هر طَرِفِ جِم آزمود بَییه، بدون اینکه گِناه هاکانه.

نامِه مَسیحینی عبرانی نِژادی سِه 5:1

چوون هر کاهِن اَعظِم، که مَردِمِ میونِ جِم انتخاب بونه، تعیین بونه تا اون کارایی که خِدا ره ربط دارنه، مَردِمِ نماینده بوئه تا گِناهونِ خاطِری هَدیه ها و قِروونی ها، خِدا ره پیشکَش هاکانه.

نامِه مَسیحینی عبرانی نِژادی سِه 5:10

و خِدائه طَرِفِ جِم تَعیین بَییه که کاهِن اَعظِم بوئه، مِلْکیصِدِقِ رَدهِ دِله.

نامِه مَسیحینی عبرانی نِژادی سِه 5:2

وه تونده نادونون و گمراهونِ هِمراه نرمیِ هِمراه رِفتار هاکانه، چوون وه شه ضَعف دارنه.

نامِه مَسیحینی عبرانی نِژادی سِه 5:5

مَسیح هم شه ره بالا نَوِرده تا کاهِنِ اَعظِم بَووه، بلکه اونِ طریق تعیین بَییه که وه ره بااوته: «تِ مِ ریکا هَسی؛ اَمروز، مِن تِ ره مولود هاکاردِمه.»

نامِه مَسیحینی عبرانی نِژادی سِه 6:20

اون جایی که عیسی اَمه جِم قبلتر و اَمه وِسه دِله بورده؛ و تا اَبد کاهِن اَعظِم بَییه، مِلْکیصِدِقِ رَدهِ دِله.

نامِه مَسیحینی عبرانی نِژادی سِه 7:26

چوون راس راسی این به جا بییه که اِما این طی کاهِنِ اَعظِم داریم، که مِقدّس، بی گِناه، بی‌عیب، گناهکارونِ جِم سیوا، و جِلال بَییته، آسمونونِ جِم بالاترِ.

نامِه مَسیحینی عبرانی نِژادی سِه 7:28

چوون شَریعَت، آدِمونِ وِشونِ ضعفائه دِله، کاهِنِ اَعظِم بَیِّنِ وِسه تعیین کانده، ولی اون قَسِمِ کلمه ها که بَعدِ شَریعَت بییَمو، اون ریکا ره تعیین هاکارده، که تا اَبد کامل بَییه.

نامِه مَسیحینی عبرانی نِژادی سِه 8:1

اِسا اَصل مطلبی که اِما دَره گامبی اینِ که: اِما این طی کاهِنِ اعظمی دارمی که خِدائه مِتعالِ تَختِ راسِ دَسِ طَرِف، آسِمونِ دِله نیشته

نامِه مَسیحینی عبرانی نِژادی سِه 8:3

چوون هر کاهِنِ اَعظم تعیین بونه تا هَدیه ها و قِروونی ها هاده. پَس این کاهِن هم وِنه یه چی پیشکَش هاکاردِنِ وِسه داره.

نامِه مَسیحینی عبرانی نِژادی سِه 9:11

ولی وَختی مَسیح، کاهِنِ اعظمِ مقامِ دِله خوارِ چیائه وِسه بییَمو که اَلان اَمه نَصیب بَییه، وه یِتا گَتتِر و کاملترِ خیمهِ دِله بییَمو که دَسِ هِمراه بِسات نَییه و این خِلقتِ وِسه نییه.