نامِه مَسیحینی عبرانی نِژادی سِه 13:7 - کتاب مقدس به زبان مازندرانی - گویش شرقی

⁷ شه رهبرونِ شه‌یاد دارین. وِشون که خِدائه کِلامِ شِمه وِسه بااوتِنه، وِشونِ آخِر عاقبتِ زندگیِ روشِ هارِشین و وِشونِ ایمونِ جِم سَرمَخش بَیرین.

گیله ماز

⁷ شیمی رَهبَرانِ شیمی یاد بِدارین، اوشان که خُدایِ کلامِ شِمِرِه باگُوتَن. اوشانه آخر عاقبتِ زِندگی یه رَوِشِ بَییشین و اوشانه ایمان جی سَرمَخش هَگیرین.

کتاب مقدس به زبان مازندرانی - گویش غربی

⁷ شی رَهبَرِنِ شی یاد دارین، وِشون گه خِدایی کلامِ شِمِنِه بُتِنِه. وِشونی آخر عاقبتی زِندگی ای رَوِشِ هارشین و وِشونی ایمونی جا سَرمَخش بَیرین.

نامِه مَسیحینی عبرانی نِژادی سِه 13:7 Iomraidhean Croise

اِنجیلِ مَتّی 24:45

«پَس اون اَمین و عَقلدارِ نوکِر کیِ که وه اَرباب وه ره شه سِره سَرپَرَس کانده تا وِشونِ خِراکِ سَرِ وَخت هاده

لوقا 12:42

عیسیِ خِداوند جِواب هِدا: «پَس اون دانا و وِفادارِ مِواشِر کیِ که اَرباب، شه سِرهِ نوکِرونِ سَرپَرسی ره، وه ره هِدا، تا اونائه سهمیهِ خِراکِ، ‌به مووقه وِشونِ هاده؟

لوقا 5:1

یِتا روز که عیسی جِنیسارِتِ دریائه پَلی اِیست هاکارده بییه، مَردِم هر طَرِفِ جِم وه ره هجوم یاردِنه تا خِدائه کِلامِ بِشنُئِن،

لوقا 8:11

«مَثِلِ مَعنی اینِ: تیم، خِدائه کِلامِ.

اعمال رَسولان 13:46

اون وَخت پولُس و بَرنابا جرأتِ هِمراه بااوتِنه: «لازم بییه خِدائه کِلام قبل از همه شِمه وِسه بااوته بَووه. ولی وَختی اونِ رد هاکاردینی و شه ره اَبدی زندگیِ لایق نَدونِسینی، پَس اَلان اِما غیریهودیونِ سَمت شومبی.

اعمال رَسولان 14:23

وِشون هر کلیسائه دِله مَشایخی ره ایموندارونِ وِسه بییشتِنه و دِعا و روزهِ هِمراه وِشونِ خِداوندی که وه ره ایمون بیارده بینهِ دَس بِسپارِسِنه.

اعمال رَسولان 4:31

بعد از وِشونِ دِعا، جایی که اونجه جَمع بینه ‌لَرزه دَکِته و همه روح‌القُدُسِ جِم پِر بَینه، و خِدائه کِلامِ جِرأتِ هِمراه گاتِنه.

رومی ایشون 10:17

پَس ایمون، پیغومِ بِشنُسِنِ جِم اِنه و پیغومِ بِشنُسِن، مَسیحِ کِلامِ راهِ جِم اِنه.

اوّلین نامِه قُرنتیانی سِه 10:13

هیچ آزمودی شِمه وِسه نییَمو که بَقیه آدِمونِ وِسه نییَمو بوئه. خِدا وِفادارِ؛ وه نییِلنه شه تِوانِ جِم ویشتر، آزمود بَووین، ولی آزمودِ دِله، یِتا راه فِرار هم اییِلنه تا شِما بَتونین طاقِت بیارین.

اوّلین نامِه قُرنتیانی سِه 11:1

پَس، مِ جِم سَرمَخش بَیرین، هَمون طی که مِن مَسیحِ جِم سَرمَخش گِرمه.

اوّلین نامِه قُرنتیانی سِه 4:16

پَس شِمه جِم خواهش کامبه مِ جِم سَرمخش بَیرین.

فیلیپیان 3:17

ای بِرارون، مِ جِم سرمَخش بَیرین، و شِمه چِش اونایی ره بوئه که طبقِ اونچی که اَمه جِم سِراغ دارنِنی، رِفتار کاندِنه.

اوّل تِسالونیکیان 1:6

شِما اَمه جِم و خِداوندِ جِم سَرمخش بَییتِنی، چوون خَله مِصیبتِ دِله، خِدائه کلامِ اون خِشالیِ هِمراه که روح‌القدس دِنه، قَبول هاکاردینی.

اوّل تِسالونیکیان 2:13

اِما هم هَمِش خِدا ره اینِ خاطِری شِکر کامبی، که اون مووقه که خِدائه کِلامِ قبول هاکاردینی، اون کِلام که اَمه جِم بِشنُسینی، اونِ نا آدِمیِ کِلامِ واری، بلکه خِدائه کِلامِ واری قبول هاکاردینی، هَمون طی که حَییقَتاً هم هَسه؛ که شِما ایموندارونِ میون کار کانده.

دوّم تِسالونیکیان 3:7

چوون شِما شه دوندِنی که چی طی وِنه اَمه جِم سرمخش بَیرین. چوون اون مووقه ای که اِما شِمه هِمراه دَیمی، تَنبِل نَبیمی

دوّم تِسالونیکیان 3:9

نا اینِ خاطِری که اِما این حَقِّ نِدارمی، بلکه تا شه جِم یِتا نمونه سرمخشِ وِسه شِمه وِسه بییِلیم.

اول تیموتائوس 3:5

چوون اگه کِسی نَدونه که چی طی وِنه شه خانِواده ره بَچِرخونه، چی طی تونده خِدائه کلیسائه مِراقب بوئه؟

نامِه مَسیحینی عبرانی نِژادی سِه 13:17

شه رَهبرونِ جِم اِطاعت هاکانین و وِشونِ تَسلیم بوئین؛ چوون وِشون شِمه جانهائه جِم محافظت کاندِنه و وِنه حِساب پَس هادِن. بییِلین این کارِ، خِشالیِ هِمراه هاکانِن نا آه و نالهِ هِمراه، چوون این شِمه نفع نییه.

نامِه مَسیحینی عبرانی نِژادی سِه 13:24

تِمومِ شه رهبرون و تِمومِ مِقدّسینِ سِلام بَرِسونین. وِشونی که ایتالیائه جِم هَسِنه، شِمه وِسه سِلام رِسِندِنِنه.

نامِه مَسیحینی عبرانی نِژادی سِه 6:12

تا تمبِل نَبوئین، بلکه شِمه سَرمخش اونایی بوئِن که ایمون و صبرِ هِمراه وعده‌هائه وارث بونِنه.

اول پِطرُس 4:11

هر کس گَب زَنده، خِداوندِ واری گَب بَزِنه؛ و هر کس که خِدمِت کانده، اون قِوَّتِ هِمراه که خِدا دِنه خِدمِت هاکانه، تا همه چیِ دِله، خِدا عیسی مَسیحِ طَریقِ جِم جِلال بَیره. جِلال و سلطَنِت تا اَبد و تا اَبد وه هِمراه دَووه. آمین.

یوحنایِ مکاشفه 1:9

مِن یوحنا، شِمه بِرار، که عِذابِ دِله و پادشاهی و صبر و تِحَمُّلی که عیسیِ دِله ئه، شِمه هِمراه شریکِمه، خِدائه کِلام و عیسیِ شِهادتِ خاطِری یِتا جزیرهِ دِله دَیمه که اونِ پاتموس گاتِنه.

یوحنایِ مکاشفه 20:4

بعد تختهایی ره بَدیمه که اونائه سَر کِسایی نیشته بینه که وِشونِ داوِریِ اِقتدار، هِدا بَییه بییه. و آدِمونِ جان ها ره بَدیمه که عیسی مَسیحِ شهادت هِدائِنِ خاطِری و خِدائه کِلامِ خاطِری، وِشونِ کلّه ها وِشونِ تَنِ جِم سیوا بَییه بییه. و کِسایی ره بَدیمه که اون وحشی جانِوَر و وه مِجسمه ره پرسش نَکارده بینه و وه علامِتِ شه پیشونی و دَسِ سَر قبول نَکارده بینه. وِشون اَت کَش دییه زنده بَینه و مَسیحِ هِمراه هزار سال سلطَنِت هاکاردِنه.

یوحنایِ مکاشفه 6:9

وَختی که وَره پنجمین مهرِ بِشکِسه، مِن قِروونگاهِ بِن، اون آدِمائه جانِ بَدیمه که خِدائه کِلامِ خاطِری و اون شِهادتایی که هِدا بینه، بَکُشته بَییه بینه.