نامِه مَسیحینی عبرانی نِژادی سِه 13:16 - کتاب مقدس به زبان مازندرانی - گویش شرقی

¹⁶ خواری هاکاردِنِ جِم و بَقیه ره شَریک هاکاردِن، اونچیِ دِله که دارنِنیِ جِم کِتاهی نَکِنین، چوون خِدا این طی قِروونی هائه جِم راضیِ.

گیله ماز

¹⁶ خُوبی هَکُردَن جی و بَقیِه رِه شَریک هَکُردَن اونچه یه دِلِه که دارین جی کوتاهی نَکُنین، چون خُدا اینجور قربانیهایِ جی راضیه.

کتاب مقدس به زبان مازندرانی - گویش غربی

¹⁶ خِبی هاکِردَنی جا و بَقیِه رِه شَریک هاکِردَن اونچی ای دِلِه گه دارِنی ای جا کِتاهی نَکِنین، چون خِدا هَینجور قِروونیایی جا راضیه.

نامِه مَسیحینی عبرانی نِژادی سِه 13:16 Iomraidhean Croise

لوقا 18:22

عیسی وَختی اینِ بِشنُسه، بااوته: «هَمتی یه چی کم دارنی؛ تِمومِ اون چی دارنی ره بَروش و فقیرونِ میون رَسِد هاکان، که آسمونِ دِله گنج دارنی. بعد بِرو مِ ره پیروی هاکان.»

اعمال رَسولان 10:38

و خِدا چی طی عیسایِ ناصری ره روح القدُس و قِدرَتِ هِمراه مَسح هاکارده، جوری که همه جا گِردِسه و خوارِ کار کارده و تِمومِ اونایی که اِبلیسِ ظِلمِ بِن دَینه ره شِفا دائه، اینِ وِسه که خِدا وه هِمراه دَییه.

اعمال رَسولان 9:36

یافائه شَهرِ دِله یِتا شاگِرد که وه اسم طابیتا بییه زِندِگی کارده. یونانیونِ زِوون طابیتا ره دورکاس گاتِنه که وه مَعنی شوکا هَسه. این زنا شه ره خوارِ کارِ وَقف هاکارده بییه و فقیرونِ دَسِ گته.

رومی ایشون 12:13

مِقدّسینِ احتیاجاتِ برطَرِف هاکاردِنِ دِله شَریک بَووین و مهمون‌نِواز بوئین.

غَلاطیان 6:10

پَس تا فرصت دارمی، تِمومِ مَردِمِ خواری هاکانیم، مخصوصاً اونایی که مَسیحِ ایمون دارنِنه.

غَلاطیان 6:6

اونی که خِدائه کِلامِ جِم تَعلیم گِرنه، وِنه تِمومِ خوارِ چیا ره اونِ هِمراه که وه ره تَعلیم دِنه، شَریک بَووه.

اِفِسُسیان 4:28

دِز دییه دِزی نَکِنه، بلکه زَحمِت بَکِشه، و شه دَسائه هِمراه صداقتِ هِمراه کار هاکانه، تا بَتونه یه چی مِحتاجونِ هَم، هاده.

فیلیپیان 4:14

با این وجود، لطف هاکاردینی که مِ زحمِت هائه دِله شَریک بَینی.

فیلیپیان 4:18

شِمه کُمِک ها مِ دَس بَرِسیه و شه احتیاجِ جِم ویشتر دارمه. اِسا که شِمه کُمِک اِپافْرودیتوسِ طریق که مِ وِسه بَفرِسینه ره، بَییتِمه، همه چیِ جِم فِراوون دارمه. شِمه هَدیه، خِشبو عطر و قابلِ قبولِ قِروونی ای هَسه که خِدا ره راضی کانده.

اوّل تِسالونیکیان 5:15

شِمه حِواس دَووه، کِسی، بَدی ره بَدیِ هِمراه جِواب نَده، بلکه هَمِش اینِ دِمبال دَووین که هَمدییه و مَردِمِ خواری هاکانین.

دوّم تِسالونیکیان 3:13

و ولی شِما ای بِرارون، خواری هاکاردِنِ جِم خَسِّه نَووین.

اول تیموتائوس 6:18

وِشونِ دستور هاده که خواری هاکانِن و خوارِ کارائه دِله دولِتمند بَووِن، بَخشنده و دَس دِلواز بوئِن.

فیلیمون 1:6

دعا کامبه که تِ ایمونِ شَریک بَیِّن، کُمِک هاکانه که مَسیحِ خاطِری هر خوارِ چیِ خَوِری که اَمه دِله دَره، یِتا کاملِ شناختِ ثمر بیاره.

نامِه مَسیحینی عبرانی نِژادی سِه 6:10

چوون خِدا بی‌انصاف نییه که شِمه کار و مِحبَّتیِ که وه اسمِ خاطِری، مِقدّسینِ خِدمِتِ دِله سِراغ هِدانی ره یاد هاکانه، هَمون طی که هَمتی هم دَره کاندینی.

سوّم یوحنا 1:11

ای عزیز، بَدی ره شه سَرمخش نَکِن، بلکه خواریِ جِم سَرمخش بَیر؛ اونی که خوارِ کار کانده، خِدائه جِم هَسه، ولی اونی که بَدِ کار کانده، خِدا ره نَدیئه.