نامِه مَسیحینی عبرانی نِژادی سِه 12:25 - کتاب مقدس به زبان مازندرانی - گویش شرقی

²⁵ شِمه حِواس دَووه، اون کسِ صِدائه جِم که گَب زَنده، شه دیمِ بَرنِگاردِنین. اونایی که، اون کسِ گَب هائه بِشنُسَنِ جِم که زِمینِ سَر گَب زوئه شه دیمِ بَردِگاردِنینه، نَتونِسِنه مجازات بَیّنِ جِم دَر بورِن. پَس اَگه اِما اون کسِ جِم که آسمونِ جِم گَب زَنده شه دیمِ بَردِگاردِنیم، چی طی مجازاتِ جِم دَر بوریم؟!

گیله ماز

²⁵ شِیمی حَواس دَبو، اون کسِ آوازِ جی که گَب زَنه شیمی دیمِ وَنِگِردانین. اوشانیکه اون کسِ گَبانِ بِشنَوِسَّنِ جی که زَمینِ سَر گَب زنه با خودِشانِه دیمِ وَگِرداندِن، نَتَّنِسَّن مُجازات هَبوسَّنِ جی دَربوشون. پَس اگه اَما اون کسِ جی که آسمانِ جی گَب زَنه اَمی دیمِ وَگِردانیم چِطور مُجازاتِ جی دَربیشیم؟!

کتاب مقدس به زبان مازندرانی - گویش غربی

²⁵ شِمِه حَواس دَوو، هون کسی اَوازی جا گه گَب زَنِّه شی دیمِ نَگِردانین. اونانیگه هون کسی گَبایی بِشنُسنی جا گه زَمینی سَر گَب زووِه شی دیمِ دَگردانینِه، نَتِنِّسِنِه مِجازات بَووئنی جا دَربورِن. پَس اگه اَما هون کسی جا گه آسمونی جا گَب زَنِّه شی دیمِ دَگردانیم چِتی مِجازاتی جا دَربوریم؟!

نامِه مَسیحینی عبرانی نِژادی سِه 12:25 Iomraidhean Croise

اِنجیلِ مَتّی 17:5

هَمتی پِطرسِ گَب تِموم نَییه بییه، یِتا پِر نورِ اَبر وِشونِ سَرِ ور سایه دِم هِدا و یِتا صِدا اَبرِ جِم بِشنُسه بَییه که گاته: «این مِ عَزیزِ ریکائه که وه جِم راضیمه، وهِ گَبِ گوش هاکانین.»

اِنجیلِ مَتّی 8:4

بعد عیسی وه ره بااوته: «هیچ کَسِ پَلی هیچی نار، بلکه بور و شه ره مَعبِدِ كاهِنِ سِراغ هاده و شه شِفائه خاطِری قِروونی ای كه موسی حِکم هاکارده بییه ره هاده تا وِشونِ ثابت بَووه که تِ شِفا بَییتی»

اعمال رَسولان 7:35

«همین موسی که اَمه قوم وه ره رَد هاکاردِنه و بااوتِنه: ”کی تِ ره اَمه رئیس و داوِر هاکارده؟“ خِدا این مَردی ره بَفرِسیه تا شِمه وِسه نِجات دَهِنده و رئیس بوئه. اون فرشته طریق که بوتهِ دِله وه ره ظاهر بَییه.

اوّل تِسالونیکیان 5:15

شِمه حِواس دَووه، کِسی، بَدی ره بَدیِ هِمراه جِواب نَده، بلکه هَمِش اینِ دِمبال دَووین که هَمدییه و مَردِمِ خواری هاکانین.

دوم تیموتائوس 4:4

و وِشون شه دیمِ حَییقَتِ گوش هِدائِنِ جِم دَگاردِنینه و داستان هائه سَمت گمراه بونِنه.

نامِه مَسیحینی عبرانی نِژادی سِه 1:1

قدیما، خِدا خَله وختا، جورواجورِ راههائه دِله، پِیغَمبِرونِ طریق اَمه پییِرونِ هِمراه گَب بَزو،

نامِه مَسیحینی عبرانی نِژادی سِه 11:7

ایمونِ هِمراه بییه که نوح اون مووقه که اون چیائه خَوِری که هَمتی هیچ کَس نَدی بییه، خِدائه طَرِفِ جِم هِشدار بَییته، خِداترسیِ هِمراه، شه خانِوادهِ نِجاتِ وِسه یِتا کَشتی بِساته. و این طی دِنیا ره مَحکوم هاکارده و اون صالحیِ وارث بَییه که ایمونِ راهِ جِم به دَس اِنه.

نامِه مَسیحینی عبرانی نِژادی سِه 12:19

و نا شِیپورِ صِدائه هِمراه و نا اون صدائه هِمراه، که اونایی که اِشنُنِنه خواهش هاکاردِنه که دییه وِشونِ هِمراه گَب نَزِنه

نامِه مَسیحینی عبرانی نِژادی سِه 3:12

بِرارون، شِمه حواس دَووه، نَکِنه که شِمه جِم کِسی شَرور و بی‌ایمونِ دِل داره که شِما ره زنده خِدائه جِم دور هاکانه.

نامِه مَسیحینی عبرانی نِژادی سِه 3:17

و چه کِسائه سَر چهل سال غیظ هاکارده؟ مگه اونایی نَبینه که گِناه هاکاردِنه و وِشونِ جِنازه ها صَحرائه دِله دَکِته؟

نامِه مَسیحینی عبرانی نِژادی سِه 8:5

وِشون آسِمونی چیائه نمونه و سایه ره خِدمِت کاندِنه. چوون اون مووقه که موسی خواسه خیمه ره بَرپا هاکانه، خِدا وه ره دستور هِدا و بااوته: «تِ حِواس دَووه که همه چیِ طبقِ نمونه ای که کوه دِله تِ ره سِراغ هِدا بَییه، بَسازی.»

اول پِطرُس 1:22

اِسا که حَییقَتِ اِطاعت هاکاردِن هِمراه، شه جانها ره پاک هاکاردینی تا بی‌ریائه بِرارونه مِحَبَّت دارین، هَمدییه ره خالص و پاکِ دِلِ هِمراه دوس دارین.

یوحنایِ مکاشفه 19:10

بعد وه لینگ دَکِتِمه تا وه ره پَرَسِش هاکانِم. ولی وه مِ ره بااوته: «این طی نَکِن! چوون مِن هم تِ واری و تِ بِرارونِ واری که عیسیِ شِهادتِ قایم بَچِسبِسِنه، هم خِدمِتِمه. خِدا ره پَرَسِش هاکان! چوون عیسیِ شِهادت، نبِوّتِ روحِ.»

یوحنایِ مکاشفه 22:9

ولی اون مِ ره بااوته: « این طی نَکِن! مِنِم تِ و تِ بِرارونِ واری، یعنی پِیغَمبِرون، و اونایی که این کتابِ کِلامِ به جا یارنِنه، هم خِدمتِمه. خِدا ره پَرَسِش هاکان.»