نامِه مَسیحینی عبرانی نِژادی سِه 12:1 - کتاب مقدس به زبان مازندرانی - گویش شرقی

¹ پَس وَختی یِتا گَتِ اَبر شاهِدونِ جِم شه دور دارمی، بِئین اِما هم هر بار و هر گِناهی که سخت اَمه ‌دَس و لینگِ کَش پیچِنه ره شه جِم دور هاکانیم و پایداریِ هِمراه این مسابقه‌ِ دِله که اَمه پیش رو دَره، دوو بَیریم.

گیله ماز

¹ پَس وختی ایتا گَتِه اَبر شاهدانِ جی اَمی دُرِوَر داریم، بیئین اَما هم هر بار و هر گُناهی که سخت اَمیی دَس و لِنگِ کَشِ دِپیتِه بونه رِه، اَمی جی دور هَکُنیم و پایداری یه هَمرَه این مسابقه‌ یه دِلهِ که اَمیِ پِیش دَرِه، دو هَکُنیم.

کتاب مقدس به زبان مازندرانی - گویش غربی

¹ پَس وختی یَتِه گَتِه اَبر شاهدِنی جا شی دُور دارمی، بیئین اَما هَم هر بار و هر گِناهی گه سخت اَمِه دَس و لینگی کَش هَرَک وونِه رِه، شیجا دور هاکِنیم و پایداری ای هَمرا هَین مِسابقه‌ای دِلِه گه اَمِه پِش دَرِه، دُو هاکِنیم.

نامِه مَسیحینی عبرانی نِژادی سِه 12:1 Iomraidhean Croise

اِنجیلِ مَتّی 10:22

تِمومِ مَردِم مِ اسم خاطِری، شِمه جِم بیزار بونِنه، ولی هَر کی تا آخِر دَووم بیاره و بَمونه، نِجات گِرنه.

اِنجیلِ مَتّی 24:13

ولی هَر کس تا آخِر دَووم بیاره، نِجات پی دا کانده.

مَرقُس 10:50

بارتیمائوس شه قَوا ره یِتا گوشه دِم هدا، بَپِرِسه و عیسی پَلی بییَمو.

لوقا 12:15

عیسی مَردِمِ بااوته: «هوشیار بوئین و حرص و طِمَع جِم دُوری هاکانین، چوون آدِمیِ زندگی به این رَبط نِدارنه که وه دارایی چَنده زیاده.»

لوقا 16:28

چوون مِن پَنج تا بِرار دارمه. وه ره بَفرِس تا مِ بِرارونِ هِشدار هاده، نَکِنه وِشون هم اینجه دَکِفِن و عِذاب بَکِشِن.“

لوقا 21:34

«هوشیار بوئین، نَکِنه عیش و نوش و مَستی و زندگیِ نِگرونی، شِمه دِلِ سَخت هاکانه و اون روز یهویی تَله دَکِفین.

اِنجیلِ یوحنا 3:32

وه اونچیِ بَدیئه و بِشنُسه ره شِهادِت دِنه، ولی هیچ کی وه شِهادتِ قبول نَکانده.

اِنجیلِ یوحنا 4:39

اون زِنائه شِهادتِ خاطری که بااوته بییه «هر اون چی تا‌ اَلان هاکارده بیمه ره مِ ره بااوته» یَته خَله سامریون که اون شَهرِ دِله زندگی کاردِنه عیسی ره ایمون بیاردِنه.

اِنجیلِ یوحنا 4:44

چوون عیسی شه بااوته بییه که «پِیغَمبِر شه زادگاه دِله حِرمت نِدارنه.»

رومی ایشون 12:12

امیدِ دِله خِشال بوئین، مصیبت هائه دِله صَبور بوئین و هَمِش دِعا هاکانین.

رومی ایشون 2:7

خِدا، اَبدی زندگی ره اونایی ره دِنه که صبرِ هِمراه، خوارِ کارائه اِنجام هِدائِنِ دِله، جِلال و حِرمت و اَبدی زندگیِ دِمبال دَرِنه؛

دوّمین نامه قرنتیانِ وَسین 7:1

پَس ای عزیزون، اِسا که اِما این وعده‌ها ره دارمی، بِئین شه ره هر جسم و روحِ ناپاکیِ جِم پاک هاکانیم و خِدائه تَرسِ هِمراه، مِقَدّس بییَنِ کامل هاکانیم.

غَلاطیان 2:2

مِن یِتا مکاشِفهِ خاطری بییه که بوردِمه. و اِنجیلی که غیریَهودیونِ دِله موعظه کارده بیمه ره وِشونِ وِسه توضیح دامه؛ البته خلوتِ دِله، و فِقط وِشونی که مِ نَظِر با نفوذ بینه ره بااوتِمه، چوون نگرون بیمه که نَکِنه بی خودی دوو بَییته بوئِم.

غَلاطیان 5:7

خوار دوو گِتینی. کی شِمه دَمِ بَییته تا حَییقَتِ جِم اِطاعت نَکِنین؟

اِفِسُسیان 4:25

پَس، دِراغ نَزِنین، و هر کِدوم شه هَمسادهِ هِمراه راستیِ هِمراه گَب بَزِنه، چوون که اِما همه، هَمدییهِ هِمراه یِتا اَعضامی.

فیلیپیان 1:30

شِمه وِسه هم هَمون جنگیه که مِ ره اونِ دِله بَدینی و اَلان هم اِشنُنِنی که هَمتی هم اونِ هِمراه سَر و کلّه زَمبه.

فیلیپیان 2:16

زندگی کِلامِ قایم دارین، تا مَسیحِ بَردَگِردِسِنِ روزِ دِله اِفتخار هاکانِم که بیخودی دوو نَییتِمه و بیخودی زحمِت نَکِشیمه.

دوم تیموتائوس 2:4

هیچ‌ سربازی، شه خِدمِتِ مووقه، شه ره شه زندگیِ کارائه گرفتار نَکانده، چوون که خوانه اونی که وه ره خِدمِتِ سَر بییِشته ره راضی هاکانه.

دوم تیموتائوس 4:7

مِن خوارِ جنگِ دِله بَجِنگِسِمه، شه مسابقه ره تِموم هاکاردِمه و شه ایمونِ حِفظ هاکاردِمه.

نامِه مَسیحینی عبرانی نِژادی سِه 6:15

و این طی، اِبراهیم بعد از اون که صبرِ هِمراه اِنتِظار بَکِشیه، وَعده ره به دَس بیارده.

یعقوبِ نامه 1:3

چوون دوندِنی که وَختی شِمه ایمون آزمود بَووه، استقامت به بار یارنه.

اول پِطرُس 2:1

پَس هر جور بَدی، و هرجور حیله و دِرویی و حَسودی، و هر جور تِهمَتِ شه جِم دور هاکانین

اول پِطرُس 4:2

و بَقیهِ عمرِ جِسمِ دِله، نا آدِمی هِوا و هوسِ هِمراه، بلکه خِدائه ارادهِ دِله زندگی کانده.

اول پِطرُس 5:1

مِن که شه، یِتا از مشایخِمه و مَسیحِ رَنج هائه شاهد بیمه و اون جِلالی دِله که ظاهر بونه شریکِمه، مشایخی که شِمه میون دَرِنه ره سفارش کامبه:

اول پِطرُس 5:12

سیلاسِ طریق که وه ره یِتا وِفادارِ بِرار دومبه، شِمه وِسه خِلاصه بَنوِشتمه تا شِما ره سفارش هاکانِم و شِما ره اِعلام هاکانِم که خِدائه حَییقی فِیض اینِ. اونِ دِله پابرجا بَمونین.

پطرسی دِوّمین نامِه 1:6

و معرفتِ هِمراه، خویشتنداری و خویشتنداریِ هِمراه، پایداری و پایداریِ هِمراه، دینداری،

یوحنایِ مکاشفه 1:9

مِن یوحنا، شِمه بِرار، که عِذابِ دِله و پادشاهی و صبر و تِحَمُّلی که عیسیِ دِله ئه، شِمه هِمراه شریکِمه، خِدائه کِلام و عیسیِ شِهادتِ خاطِری یِتا جزیرهِ دِله دَیمه که اونِ پاتموس گاتِنه.

یوحنایِ مکاشفه 13:10

اگه قِرار بوئه یه نَفِر اسیر بَووه، اسیریِ وِسه شونه. اگه قِرار بوئه یه نَفِر شَمشیرِ هِمراه بَکوشته بَووه وِنه شَمشیرِ هِمراه بَکوشته بَووه و این مِقدّسینِ پایداری و وِشونِ ایمونِ خوانه.

یوحنایِ مکاشفه 22:16

«مِن، عیسی، شه فرشته ره شِمه پَلی بَفرِسیمه تا این چیا ره کلیساهائه وِسه شِهادت هاده. مِن داوودِ ریشه و صِواحیِ ستارِمه که تابِنه.»

یوحنایِ مکاشفه 3:10

چوون که تِ مِ کِلامِ صبر و تِحَمُّل خَوِری داشتی، مِنِم تِ ره اون آزمودِ ساعتِ دِله دارمه اون ساعت که تِمومِ دِنیائه سَر اِنه تا زِمینِ سَرِ مَردِمِ آزمود هاکانه.