نامِه مَسیحینی عبرانی نِژادی سِه 11:28 - کتاب مقدس به زبان مازندرانی - گویش شرقی

²⁸ ایمونِ هِمراه بییه که موسی پِسَخ و خون دَپاشییَنِ به‌جا بیارده تا اون فرشته که اَوِّلین وَچونِ هِلاک کارده، اِسرائیلِ اَوِّلین وَچونِ سَر دَس نییِله.

گیله ماز

²⁸ ایمان هَمرَه با که موسی پِسَخ و خونِ بَپاشیَنِ بِجا بیاردِه تا اون فِرشته که اوَّلین وچه شان رِه هلاک کانِبا، اِسراییلِ اوّلین وَچِه هان سَر دَس نُزاره.

کتاب مقدس به زبان مازندرانی - گویش غربی

²⁸ ایمونی هَمرا وِه گه موسی پِسَخ و خونی بَپاشیَنِ بِجا بیاردِه تا هون فِرشته گه اوَّلین وچیلِه رِه هلاک کِردِه، اِسرائیلی اوّلین وَچیلِه ای سَر دَس نِلِه.

نامِه مَسیحینی عبرانی نِژادی سِه 11:28 Iomraidhean Croise

اوّلین نامِه قُرنتیانی سِه 10:10

و همین طی هم غُرغُر نَکِنین، هَمون طی که وِشونِ جِم بعضیا هاکاردِنه و هِلاک‌کُنِنده وِشونِ هِلاک هاکارده.

نامِه مَسیحینی عبرانی نِژادی سِه 12:24

و عیسی که یِتا جدیدِ عَهدِ واسطه ئه، و اون دَپاشیه خون که هابیلِ خونِ جِم بهتِرِ، گَب زَنده.

نامِه مَسیحینی عبرانی نِژادی سِه 9:19

چوون اون مووقه که تِمومِ شَریعتِ اَحکام، موسیِ طریق، همهِ قومِ وِسه اِعلام بَییه، وه گوگزهائه خون و بِزهائه خونِ بَییته، اوه و سِرخِ پَشم و زوفائه چله هائه هِمراه، هم طومارِ سَر و هم تِمومِ قومِ سَر دَپاشیه

اول پِطرُس 1:2

اونایی ره که طبقِ خِدائه پییِرِ پیشدانی، و خِدائه روحِ کارِ طریق که تَقدیس کانده، عیسی مَسیحِ اِطاعت هاکاردِنِ وِسه و وه خون که وِشونِ سَر دَپاشیه بَییه، انتخاب بَینه: فِیض و صِلح و سِلامتی فَت و فِراوون شِمه وِسه بِیّه.