نامِه مَسیحینی عبرانی نِژادی سِه 11:25 - کتاب مقدس به زبان مازندرانی - گویش شرقی

²⁵ وه حاضر بَییه که خِدائه قومِ هِمراه ذلیل بَووه، تا اینکه یه مدّت گِناهِ خِشی هائه جِم کیف هاکانه.

گیله ماز

²⁵ اون حاضر هَبا که خُدایِ قومِ هَمرَه آزار بِینِه، تا اینکه ایتا مُدَّت گُناه خُشیانِ جی کِیف هَکونه.

کتاب مقدس به زبان مازندرانی - گویش غربی

²⁵ وی حاضر بَوِه گه خِدایی قومی هَمرا ذلیل بَوو، تا هَینگه یَه مِدّت گِناهی خِشیایی جا کیف هاکِنِه.

نامِه مَسیحینی عبرانی نِژادی سِه 11:25 Iomraidhean Croise

اِنجیلِ مَتّی 13:21

ولی چوون بِنه نِدارنه فِقَط یه ذِرِه دَووم یارنه. وَختی کِلامِ خاطِری آزار اَذیَّت وینده، شه ایمونِ جِم بَرگِردِنه.

لوقا 16:25

ولی اِبراهیم بااوته: ”وَچه، شه یاد بیار که شه زندگیِ دِله، خوارِ چیا ره بَییتی، و ایلعازَر هم بَدِ چیا ره. ولی اَلان وه اینجه آسایشِ دِله دَره و تِ عِذابِ دِله دَری.

اعمال رَسولان 7:34

یقیناً مِن شه قومِ مصیبتِ مصرِ دِله بَدیمه و وِشونِ ناله ره بُشنُسِمه، و بییَمومه تا وِشونِ بیرون بیارِم. وِشونِ نِجاتِ وِسه بییَمومه. اِسا بِرو تا تِ ره مِصر بَفرِسِم.“

رومی ایشون 5:3

نا فِقَط این، بلکه سختیهائه دِله هم خِشالی کامبی، چوون دومبی که سختیها صبر ‌به بار یارنه

دوّمین نامه قرنتیانِ وَسین 5:17

پَس اگه یه نَفِر مَسیحِ دِله دَووه، تازهِ خلقتِ. هر چی که کهنه بییه دییه تِموم بَییه؛ اِسا، همه چی تازه بَییه!

کولُسیان 1:24

اِسا اون زجرهایی که شِمه خاطِری کَشِمبهِ وِسه خِشالِمه، و وه تَنِ خاطِری که کلیسائه، اونچی که مَسیحِ عِذاب هائه دِله کم هَسه ره شه جِسمِ دِله تلافی کامبه.

دوم تیموتائوس 1:8

پَس، از اینکه اَمه خِداوندِ شِهادت هادی یا مِن که وه خاطِری زِندونِ دِله دَکِتِمه عار نِدار، بلکه تِ هم خِدائه قِوَّتِ هِمراه، انجیلِ خاطِری عِذابِ بَکِشیِنِ دِله شَریک باش.

نامِه مَسیحینی عبرانی نِژادی سِه 10:32

ولی اون قدیمِ روزا ره ‌شه یاد بیارین، اون مووقه که تازه نورانی بَییه بینی؛ شِما یِتا سختِ مبارزهِ دِله، عِذابِ هِمراه طاقت بیاردینی.

نامِه مَسیحینی عبرانی نِژادی سِه 11:37

وِشون سَنگسار بَینه، اَرّهِ هِمراه دِ تیکه بَینه و شَمشیرِ هِمراه بَکوشته بَینه. گَسفِن و بِزِ پوسِ دَپوشی بینه، فقیر و مصیبت بَکِشی و ذلیل و آواره بَینه.

نامِه مَسیحینی عبرانی نِژادی سِه 4:9

پَس خِدائه قومِ وِسه مِقَدَّسِ شنبهِ آسایش، به جا موندِنه؛

یعقوبِ نامه 1:20

چوون آدِمیِ خَشم، اون صالحی ای که خِدا خوانه ره بار نیارنه.

یعقوبِ نامه 5:5

شما زِمینِ سَر ناز و نعمت و و عیشِ نوشِ دِله زندگی هاکاردینی، و شه دلها ره کُشتارِ روزِ وِسه پَروار هاکاردینی!

اول پِطرُس 2:10

قبلتر قومی نَبینی، ولی اَلان خِدائه قومِنی؛ یه مووقه خِدائه رحمِتِ جِم محروم بینی، ولی اَلان خِدائه رَحمِتِ بَییتینی.

یوحنایِ مکاشفه 18:7

هَمون اِندا که شه ره جِلال هِدا و تِجَمّلاتِ دِله زندگی هاکارده هَمون اِندا وه ره عِذاب و شیون هادین. چوون شه دلِ دِله گانه، ”مِن این طی یِتا مَلِکهِ واری نیشتِمه. بیوه نیمه و هیچ وَخت شیون نَکامبه.“