نامِه مَسیحینی عبرانی نِژادی سِه 11:16 - کتاب مقدس به زبان مازندرانی - گویش شرقی

¹⁶ ولی این طی که ویمبی وِشون یِتا بهترِ مِلکِ دِمبال دَینه، یعنی یِتا آسِمونی مملکت. اینِ وِسه، خِدا عار نِدارنه که وِشونِ خِدا، بااوته بَووه، چوون یِتا شَهر وِشونِ وِسه آماده هاکارده.

گیله ماز

¹⁶ وَلی اینجور که دینیم، اوشان ایتا خُجیرتَرِ مِلکِ دُمّال دَبان، یعنی ایتا آسِمانی مملکت. اینه وَسین، خُدا عار نِداره که اوشانه خُدا دُخوانده هَبو، چون ایتا شَهر اوشانِه وَسین آماده هَکُردِه.

کتاب مقدس به زبان مازندرانی - گویش غربی

¹⁶ ولی هینجور گه ویمّی، وِشون یَتِه بِهتَرِ مِلکی دِمال دَوِنِه، یَعنی یَتِه آسِمونی مملکت. هَینسِه، خِدا عار نارنِه گه وِشونی خِدا بَخونِس بَوو، چون یَتِه شَهر وِشونی سِه آماده هاکِردِه.

نامِه مَسیحینی عبرانی نِژادی سِه 11:16 Iomraidhean Croise

اِنجیلِ مَتّی 25:34

اون وَخت اونایی که وه راسِ وَر دَرِنه ره گانه: ”بِئین اِی کِسایی که مِ پییِر شِما ره بَركت هِدا، پادشاهی ای ره به اِرث بَیرین که از اَوِّلِ دِنیا شِمه وِسه آماده بَییه بییه.

مَرقُس 12:26

ولی مِرده هائه زِنده بَیِّنِ خَوِری، مگه موسیِ کتابِ دِله، بوتهِ جَریانِ سَر نَخوندِسِنی، خِدا چه طی وه ره بااوته: ”مِن ابراهیمِ خِدا و اِسحاقِ خِدا و یَعقوبِ خِدا هَسِمه“

مَرقُس 8:38

چوون هر کی این زِناکار و گِناهکارِ نَسلِ دِله مِ جِم و مِ گَبائه جِم عار داره، اِنسانِ ریکا هم وَختی که شه آسِمونی پییِرِ جِلالِ دِله، مِقدَّسِ فرشته هائه هِمراه بِیِّه، اون آدِمِ جِم عار داره.»

لوقا 12:32

«ای کِچیکِ گَلّه، نَتِرسین، چوون شِمه آسِمونی پییِرِ خِشالی، اینِ که پادشاهی ره شِما ره هاده.

لوقا 20:37

ولی این جریان که مِرده ها زنده بونِنه ره حَتَّی موسی هم تَش بَئیته بوتهِ دِله گانه، اونجه که موسی، خِداوندِ، ابراهیمِ خِدا و اِسحاقِ خِدا و یَعقوبِ خِدا گانه.

اِنجیلِ یوحنا 14:2

مِ پییِرِ سِره، خَله جا دَره، اگه این طی نَییه، شِما ره گاتِمه شومبه تا یِتا جا شِمه وِسه حاضر هاکانِم؟

اعمال رَسولان 7:32

”مِن تِ پییِرونِ خِدامه، اِبراهیم و اِسحاق و یَعقوبِ خِدا.“ موسی بَتِرسیه و جِرأت نَکارده هارِشه.

فیلیپیان 3:20

اِسا اون که اِما آسمونِ وِسه هَسیمی و خِداوند عیسی مَسیحِ اِنتِظارِ کَشِمبی، که یِتا نِجات دهنده ئه.

دوم تیموتائوس 4:18

خِداوند مِ ره هر بَدِ کارِ جِم آزاد کانده و مِ ره سِلامتیِ هِمراه شه آسِمونی پادشاهی یارنه. جِلال تا اَبد و تا اَبد وه وِسه بوئه. آمین!

نامِه مَسیحینی عبرانی نِژادی سِه 10:34

چوون شِما اونایی هِمراه که زِندونِ دِله دَینه، همدردی کاردینی و اون مووقه که شِمه مال و مِنالِ غارِت کاردِنه خِشالیِ هِمراه قبول کاردینی، چوون شِما شه دونِسِنی یِتا بهترِ مال و مِنالِ صاحابِنی که تا اَبد موندِنه.

نامِه مَسیحینی عبرانی نِژادی سِه 11:10

چوون اون شَهرِ چِش به راه بییه، که پِی ها دارنه که وه معمار و بنّا خِدائه.

نامِه مَسیحینی عبرانی نِژادی سِه 11:14

چوون اونایی که این طی گَب زندِنه، هم دوندِنه که شه وِسه یِتا وطنِ دِمبال دَرِنه.

نامِه مَسیحینی عبرانی نِژادی سِه 11:40

چوون خِدا یِتا بهترِ چی اَمه وِسه حاضر هاکارده بییه، تا بدون اِما وِشون کامل نَووِن.

نامِه مَسیحینی عبرانی نِژادی سِه 12:22

ولی شِما صَهیونِ کوهِ دِله زِنده خِدائه شَهر، یعنی آسِمونی اورشَلیمِ دِله بییَمونی. شِما هِزارون هزار فِرشتهِ جَمعِ دِله که خِشالی کاندِنه بییَمونی،

نامِه مَسیحینی عبرانی نِژادی سِه 13:14

چوون اِما اینجه یِتا شَهر نِدارمی که به جا بَمونه بلکه شوقِ هِمراه اون شَهرِ اِنتِظارِ کَشِمبی که اِنه.

نامِه مَسیحینی عبرانی نِژادی سِه 2:11

چوون وه که تَقدیس کانده و اونایی که تَقدیس بونِنه، همه یِتا سرچشمه دارنِنه. چوون عیسی عار نِدارنه که وِشونِ بِرار صدا هاکانه.

یوحنایِ مکاشفه 21:2

و مِقدَّسِ شَهر یعنی جدیدِ اورشَلیمِ بَدیمه که آسمونِ جِم خِدائه پلیِ جِم دَییه جِر اییَمو، یِتا آروسِ واری که شه ره شه شیِ وِسه بَزِک هاکارده بوئه، آماده بَییه.