نامِه مَسیحینی عبرانی نِژادی سِه 10:35 - کتاب مقدس به زبان مازندرانی - گویش شرقی

³⁵ پَس شه اطمینانِ جِم دَس نَکِشین، چوون یِتا گَتِ پاداش شه دِمبال دارنه.

گیله ماز

³⁵ پَس شیمی اطمینانِ جی دَس نَکِشین، که ایتا گَتِه پاداش خودشه دُمّال دارِه.

کتاب مقدس به زبان مازندرانی - گویش غربی

³⁵ پَس شی اطمینانی جا دَس نَکِشین، گه یَتِه گَتِه پاداش شی دِمال دارنِه.

نامِه مَسیحینی عبرانی نِژادی سِه 10:35 Iomraidhean Croise

اِنجیلِ مَتّی 10:32

«پَس هر کی مَردِمِ پَلی، شه ره مِ جِم دونده مِن هَم شه آسِمونی پییِرِ پَلی وه ره شه جِم دومبه.

اِنجیلِ مَتّی 10:42

و هر کی یِتا اَزین کِچیکونِ اینِ خاطری که مِ شاگردِ، حَتَّی یِتا پیالِه بِچا اوه هاده، به هیچ وَجه شه اَجرِ از دَس نَدِنه.»

اِنجیلِ مَتّی 5:12

خِشال بوئین و خَله شادی هاکانین، چوون آسِمونِ دِله شِمه اَجر زیادِ، چوون پِیغَمبِرونی که شِمه جِم قبلتر دَیینه ره هَم همین طی ظِلم رِسِندینه.

لوقا 14:14

که تِ بَرکَت گِرنی؛ چوون وِشون هیچی نِدارنِنه که در عَوِض تِ ره هادِن، و شه اَجرِ، دِرِسکارونِ قیامِتِ دِله گِرنی.»

اوّلین نامِه قُرنتیانی سِه 15:58

پَس، مِ عزیزِ بِرارون، پابرجا و پایدار بوئین، هَمش خِداوندِ کارِ ویشتر و ویشتر اِنجام هادین، چوون دوندِنی شِمه زَحمِت خِداوندِ دِله بیخودی نییه.

اِفِسُسیان 3:12

اِما مَسیحِ دِله و اون ایمونِ طریق که وه ره دارمی، تومبی جِرأت و اطمینانِ هِمراه خِدا ره نَزدیک بَوویم.

نامِه مَسیحینی عبرانی نِژادی سِه 10:19

پَس ای بِرارون، از اونجه که خاطِر جمع هَسیمی که عیسیِ خونِ طریق تومبی قدس الاقداسِ دِله بوریم،

نامِه مَسیحینی عبرانی نِژادی سِه 11:26

و اون سرکوفت که مَسیحِ خاطِری بییه ره یِتا گنج، مصرِ گنجهائه جِم گتتِر بِشمارِسه، چوون وه اون پاداشِ دِمبال دَییه.

نامِه مَسیحینی عبرانی نِژادی سِه 2:2

چوون از اونجه که اون پِیغومی که فرشته هائه طریق اِعلام بَییه، ثابت بَییه که قابلِ اطمینانِ، و هر تقصیر و نااِطاعتی، به حَق جَزا گِته،

نامِه مَسیحینی عبرانی نِژادی سِه 3:14

چوون اِما مَسیحِ دِله شَریک بَیمی، اگه راس راسی اطمینانی ره که از اَوِّل داشتمی ره تا آخِر قایم داریم.

نامِه مَسیحینی عبرانی نِژادی سِه 3:6

ولی مَسیح، یِتا ریکائه واری خِدائه سِره سَر وِفادارِ، و اِما وه سِره هَسیمی، اگه راس راسی شه اِطمینان و افتخارِ شه امیدِ دِله قایم داریم.

نامِه مَسیحینی عبرانی نِژادی سِه 4:14

از اونجه که اِما یِتا گَتِ کاهِن اَعظِم دارمی که آسمونونِ بالا بورده، یعنی عیسی خِدائه ریکا، بِئین شه ایمونِ اعترافِ قایم داریم.

دوم یوحنا 1:8

هوشیار بوئین تا اون کارِ ثَمِره که اِما هاکاردیمی ره به باد نَدین، بلکه یِتا کامل پاداش بَیرین.