نامِه مَسیحینی عبرانی نِژادی سِه 10:1 - کتاب مقدس به زبان مازندرانی - گویش شرقی

¹ چوون شَریعَت فِقَط آیندهِ خوارِ چیائه سایه ئه، نا اونائه واقعی شکل. اینِ وِسه، هیچ وَخت نَتونده اون قرونیهائه هِمراه که هر سال این طی پیشکش بونه، اونایی که پرسشِ وِسه نزیک اِنِنه ره کامل هاکانه.

گیله ماز

¹ چون شریعَت فقط آیندِه یه خُجیرِ چیزانِ سایه هیسِه، و نه اوشانه واقعی شِکل. اینه وَسین، هیچ وَخت نَتَّنِه اون قربانیشانِ هَمرَه که هر سال اینجور پیشکِش بونه، اوشانیکه پَرَسِّشِ وَسین نَزدیک هَنَن رِه، کامل هَکونه.

کتاب مقدس به زبان مازندرانی - گویش غربی

¹ چون شریعَت فقط آیندِه ای خِبِ چیایی سایئِه، و نا اونانی واقعی شِکل. هَینسِه، هیچ وَخت نَتِنِّه هون قِروونیایی هَمرا گه هر سال هینجور پیشکَش وونِه، اونانیگه پَرَسِشی سِه نَزیک اِنِنِه رِه، کامل هاکِنِه.

نامِه مَسیحینی عبرانی نِژادی سِه 10:1 Iomraidhean Croise

رومی ایشون 8:3

چوون که شَریعَت اونچی ره، اینِ وِسه که آدِمیِ جسم ضعیفِ، نَتونِسه اِنجام هاده، خِدا اِنجام هِدا. وه شه ریکا ره یِتا گناهکارِ جِسمِ واری بَفرِسیه تا ’گِناهِ قِروونی‘ بوئِه، وَ این طی جِسمِ دِله، گِناه ره مَحکوم هاکارده.

کولُسیان 2:17

اینا اون چیائه سایه هَسِنه که اِنه، ولی اصلِ اونا، مَسیحِ دِله پی دا بونِنه.

نامِه مَسیحینی عبرانی نِژادی سِه 10:22

بِئین یِتا راسِ دِل و کاملِ ایمونِ هِمراه، خِدا ره نزیک بَوویم و شه دلها ره بَدِ وجدانِ جِم پاک هاکانیم و شه تَن ها ره پاکِ اوهِ هِمراه بَشوریم.

نامِه مَسیحینی عبرانی نِژادی سِه 7:11

اِسا اگه کامل بَیِّن، لاویِ کاهنونِ رَدهِ طریق اِنجام بونِسه، دییه چه احتیاجی بییه یِتا دییه کاهِن مِلْکیصِدِق رَدهِ جِم بِیّه، عوض این که هارونِ رَده جِم بوئه؟ چوون لاویِ کهانتِ دورهِ دِله، شَریعَت، یَهودِ قومِ هِدا بَییه

نامِه مَسیحینی عبرانی نِژادی سِه 8:5

وِشون آسِمونی چیائه نمونه و سایه ره خِدمِت کاندِنه. چوون اون مووقه که موسی خواسه خیمه ره بَرپا هاکانه، خِدا وه ره دستور هِدا و بااوته: «تِ حِواس دَووه که همه چیِ طبقِ نمونه ای که کوه دِله تِ ره سِراغ هِدا بَییه، بَسازی.»

نامِه مَسیحینی عبرانی نِژادی سِه 9:11

ولی وَختی مَسیح، کاهِنِ اعظمِ مقامِ دِله خوارِ چیائه وِسه بییَمو که اَلان اَمه نَصیب بَییه، وه یِتا گَتتِر و کاملترِ خیمهِ دِله بییَمو که دَسِ هِمراه بِسات نَییه و این خِلقتِ وِسه نییه.

نامِه مَسیحینی عبرانی نِژادی سِه 9:23

پَس وِنه این چیا که یِتا نمونه آسِمونی چیائه جِم هَسه، این قِروونی هائه هِمراه پاک بَووه، ولی شه آسِمونی چیا اون قرونیهائه هِمراه که اونائه جِم بهتَرِ، پاک بونه .

نامِه مَسیحینی عبرانی نِژادی سِه 9:25

و این طی نییه که وه شه ره هَمِش قِروونی هاکانه، یِتا کاهِنِ اعظمِ واری که هر سال قُدس‌الاقداسِ دِله شونه، اونِم اون خونی هِمراه که شه وه خون نییه.