نامِه مَسیحینی عبرانی نِژادی سِه 1:3 - کتاب مقدس به زبان مازندرانی - گویش شرقی

³ پَس وه، خِدائه جِلالِ نورِ و وه ذاتِ کاملِ نَخشِ، و وه همه چی ره شه کِلامِ قِوَّتِ هِمراه دارنه. وه بعد از این که گِناهونِ پاک هاکارده، اون کسِ راسِ دَس که با عظمت و عرشِ برینِ دِله دَره، هِنیشته.

گیله ماز

³ پس اون، خُدایِ جلالِ نورِ و اونه ذاتِ کامِلِ نِشانِئِه، و اون هَمِه چیرِه خودشه کلامِ قُوّتِ هَمرَه دارِه. اون بعد از اینکه گُناهانِ پاک هَکُردِه، اون کَسِ راسِ دَس که با عظمتِ و عرشِ برینِ دِلهِ دَرِه بِنیشتهِ.

کتاب مقدس به زبان مازندرانی - گویش غربی

³ پس وی، خِدایی جلالی نورِ و وی ذاتی کامِلِ نَخشِ، و وی هَمه چیرِه شی کلامی قِوّتی هَمرا دارنِه. وی بعد از هَینگه گِناهنِ پاک هاکردِه، هون کسی راسِ دَس گه با عظمت و عرشِ بَرینی دِلِه دَرِه هِنیشتِه.

نامِه مَسیحینی عبرانی نِژادی سِه 1:3 Iomraidhean Croise

اِنجیلِ مَتّی 22:24

«اِی اِسّا، موسیِ پِیغَمبِر بااوته بییه اَگه یِتا مَردی بی وَچه بَمیره، وه بِرار وِنه وه زِنائه هِمراه آروسی هاکانه تا وه جِم، شه بِرارِ وِسه نَسلی به جا بییِلّه.

مَرقُس 16:19

پَس عیسایِ خِداوند بعد از اون که این گَب ها ره وِشونِ بَزو، آسِمون بَورده بَییه و خِدائه راسِ دَسِ هِنیشته.

اِنجیلِ یوحنا 1:14

و کِلام، آدِم بَییه و اَمه میون مَنزل هاکارده. و اِما وه جِلالِ بَدیمی، جِلالی شایسه اون یِتا ریکا که پییِرِ طَرِفِ جِم بییَمو، که فِیض و حَییقتِ جِم پِرِ.

اِنجیلِ یوحنا 1:29

فِردائه اون روز، یحیی عیسی ره بَدیئه که وه سَمت اِنه، بااوته: «هارِشین» این خِدائه قِروونی وَرهِ که گِناهِ دِنیائه جِم گِرنه و وَرنه!

اِنجیلِ یوحنا 1:4

وه دِله زندگی دَییه و اون زندگی، آدِمونِ نُور بییه.

اعمال رَسولان 2:33

عیسی خِدائه راسِ دَسِ وَر بالا بُورده و آسِمونی پییِرِ جِم، روح‌القُدُسِ موعودِ بَییته و دَشِندیه، اینِ که اَلان ویندینی و اِشنُنِنی ره.

اعمال رَسولان 7:56

استیفان بااوته: «اَلان آسمونِ ویمبه که واز بَییه و اِنسانِ ریکا ره ویمبه که خِدائه راسِ دَس اِیست هاکارده.»

رومی ایشون 1:16

چوون مِن انجیلِ جِم خجالتی نِدارمه، چوون که اِنجیل، خِدائه قِوَّتِ، هر کسِ نِجاتِ وِسه که ایمون بیاره، اَوِّل یَهود و بعد غیرِ یَهود.

رومی ایشون 8:34

کیِ که وِشونِ مَحکوم هاکانه؟ مَسیحْ عیسی بَمِرده- از اون ویشتر، مِرده هائه جِم هم زنده بَییه و خِدائه راسِ دَس هِنیشته، وه هَسه که راس راسی اَمه وِسه شِفاعت کانده!

دوّمین نامه قرنتیانِ وَسین 4:4

این دِنیائه خِدا، بی ایمونونِ فکرها ره کور هاکارده تا مَسیحِ جِلالِ انجیلِ نورِ، که خِدائه دیمِ ره نَوینِن.

کولُسیان 3:1

پَس اگه شِما مَسیحِ هِمراه زنده بَینی، اونچی که بالا دَرهِ دِمبال بورین، اونجه که مَسیح خِدائه راسِ دَسِ پَلی نیشته.

تیتوس 2:14

که شه جانِ اَمه وِسه هِدا تا اِما ره هر شِرارتِ جِم آزاد هاکانه و پاکِ مَردِمی شه وِسه دِرِس هاکانه که فِقَط شه وه وِسه بوئِن که خوارِ کارِ وِسه غیرت دارنِنه.

نامِه مَسیحینی عبرانی نِژادی سِه 1:13

خِدا تا اَلان کِدوم یِتا از فرشته ها ره بااوته: «مِ ‌راس دَس هِنیش تا مووقه ای که تِ دِشمِنونِ تِ لینگِ بن دِم هادِم»

نامِه مَسیحینی عبرانی نِژادی سِه 10:12

ولی مَسیح بعد از اون که یِتا قِروونی گِناهونِ خاطِری همیشهِ وِسه پیشکَش هاکارده، خِدائه راسِ دَسِ وَر هِنیشته.

نامِه مَسیحینی عبرانی نِژادی سِه 12:2

و اَمه چِش فِقَط عیسی ره بوئه که اَمه ایمونِ پِی هَسه و اَمه ایمونِ کامل کانده و اون خِشالیِ خاطِری که وه پیش رو دَییه، صَلیبِ تِحَمُّل هاکارده، وه ننگ و عارِ نَدید بَییته و خِدائه راسِ دَسِ تَختِ وَر نیشته.

نامِه مَسیحینی عبرانی نِژادی سِه 4:14

از اونجه که اِما یِتا گَتِ کاهِن اَعظِم دارمی که آسمونونِ بالا بورده، یعنی عیسی خِدائه ریکا، بِئین شه ایمونِ اعترافِ قایم داریم.

نامِه مَسیحینی عبرانی نِژادی سِه 7:27

وه دییه کاهنونِ اَعظِم واری، نیاز نِدارنه که هر روز، اَوِّل شه گِناهونِ وِسه و بعد قومِ گِناهونِ وِسه، قِروونی هاکانه. چوون اَت کَش همیشه وِسه اینِ اِنجام هِدا، اون مووقه که شه ره قِروونی هاکارده.

نامِه مَسیحینی عبرانی نِژادی سِه 8:1

اِسا اَصل مطلبی که اِما دَره گامبی اینِ که: اِما این طی کاهِنِ اعظمی دارمی که خِدائه مِتعالِ تَختِ راسِ دَسِ طَرِف، آسِمونِ دِله نیشته

نامِه مَسیحینی عبرانی نِژادی سِه 9:16

چوون یه وَختی یِتا وصیت اِجرا بونه، که ثابت بَووه اونی که وصیت هاکارده، بَمِرده،

نامِه مَسیحینی عبرانی نِژادی سِه 9:26

چوون این طی، مَسیح وِنه، از وَختی که دِنیا خَلق بَییه، یه سَرِ عِذاب کَشی بییه. ولی این طی نَییه، وه اَلان اَت کَش همیشه وِسه، آخِرین زِمون هائه دِله بییَمو تا شه قِروونی هاکاردِنِ هِمراه، گِناه ره از بین بَوره.

اول پِطرُس 1:21

شِما که وه طریق، خِدا ره ایمون بیاردینی، اون خِدایی که وه ره مِرده هائه جِم زنده هاکارده و جِلال هِدا، تا شِمه ایمون و امید خِدا ره بوئه.

اول پِطرُس 3:22

هَمون عیسی مَسیح که آسِمون بورده و اِسا خِدائه راسِ دَس وَر دَره و فرشته ها و قِدرتها و قِوَّت ها وه مطیع بَینه.

پطرسی دِوّمین نامِه 1:16

چوون اون مووقه که اَمه خِداوند عیسی مَسیحِ قِوَّت و وه بییَموئِنِ شِما ره اِعلام هاکاردیمی، داستان هائه دِمبال که زرنگیِ هِمراه بِساته بَینه، نَشیمی، بلکه شه چِشِ هِمراه وه جِلالِ بَدیمی.

پطرسی دِوّمین نامِه 1:17

چوون اون مووقه که وه خِدائه پییِرِ جِم، جِلال و اِحترام بَییته، یِتا صدا اون شِکوه و جِلالِ جِم وه ره بَرِسیه که، «اینِ مِ عزیزِ ریکائه که وه جِم راضیمه.»

اوّل یوحنا 1:7

ولی اگه نورِ دِله زندگی هاکانیم، هَمون طی که وه نورِ دِله دَره، هَمدییهِ هِمراه رفاقت دارمی و وه ریکا عیسیِ خون، اِما ره تِمومِ گِناهونِ جِم پاک کانده.

اوّل یوحنا 3:5

شِما دوندِنی که وه ظِهور هاکارده تا گِناهونِ از بین بَوره. وه دِله هیچ گِناهی دَنیه.

یهودائه نامه 1:25

اون تنها خِدا و اَمه نجات‌دهنده، عیسی مَسیحِ طَریقِ جِم، جِلال و شکوه و سلطَنِت و اِقتدار بوئه، وه که از اَزل دَییه، اَلان دَره، و تا اَبد موندِنه! آمین.

یوحنایِ مکاشفه 3:21

«هر‌ کی پیروز بَووه، اینِ وه ره دِمبه که مِ هِمراه مِ تَختِ سَر هِنیشه، هَمون‌ طی که مِن پیروز بَیمه و شه پییِرِ هِمراه وه تَختِ سَر هِنیشتِمه.

یوحنایِ مکاشفه 4:11

«ای اَمه خِداوندْ، اِی اَمه خِدا، تِ لایقی که جِلال و حِرمت و قِوَّت تِ ره پیشکش بَووه، چوون که همه چی ره تِ خَلق هاکاردی و همه چی تِ خواسِ هِمراه به وجود بییَمو و خَلق بَییه.»