غَلاطیان 6:3 - کتاب مقدس به زبان مازندرانی - گویش شرقی

³ چوون اگه یه نَفِر شه ره یه چی حِساب هاکانه که نییه، شه ره گول زَنده.

گیله ماز

³ چون اَگه یِنَفر خودِشِه یِچّی حساب هَکُنِه که نییِه، خودِشه گول زَنِه.

کتاب مقدس به زبان مازندرانی - گویش غربی

³ چون اگه یَنَفَر شِرِه یَچی حساب هاکِنِه گه نیِه، شِرِه گول زَنِّه.

غَلاطیان 6:3 Iomraidhean Croise

لوقا 18:11

فریسی اِیست هاکارده و شه هِمراه این طی دِعا هاکارده: ”خِدایا، تِ ره شکر کامبه که، دییهِ مَردِمِ واری دِز و ظالِم و زِنا کار نیمه، حَتّی این خراجگیرِ واری هم نیمه.

اعمال رَسولان 5:36

چَن وَخت پیش، یِتا مَردی که وه اسم تِئوداس بییه، بِلِند بَییه که اِدعا کارده شه وِسه کَسیه و حدود چهارصد نَفِرِ شه دور جَمع هاکارده. ولی وه ره بَکوشتِنه و تِمومِ وه دِمبالِروا هم پَخش و پِلا بَینه.

رومی ایشون 12:16

هَمدییهِ هِمراه مدارا هاکانین! مَغرور نَبوئین، بلکه کِسایی هِمراه که ساده و ضعیفِنه، رفت و آمد هاکانین. هیچ وَخت شه ره حَکیم نَدونین.

رومی ایشون 12:3

چوون اون فیضِ طَریقِ جِم که مِ ره هِدا بَییه، شِما هر کِدومِ گامبه که شه ره اونچی که هسینیِ جِم ویشتر، نَدونین، بلکه هر کِدوم اون ایمونِ اِندا که خِدا شِما ره هِدا، دِرِس قِضاوِت هاکانین.

اوّلین نامِه قُرنتیانی سِه 13:2

اگه نَبِوّت هاکاردِنِ قِدرَتِ دارِم و بَتونِم تِمومِ رازها و مَعرفتِ بِفَهمِم، و اگه اون طی ایمونی دارِم که کامل بوئه، جوری که بَتونِم کوهها ره جا‌به‌جا هاکانِم، ولی مِحَبَّت نِدارِم، هیچِمه.

اوّلین نامِه قُرنتیانی سِه 3:18

شه ره گول نَزِنین. اگه شِمه جِم کِسی فکر هاکانه، این زِمونه دِله حَکیمِ آدِمِ، اینِ وِسه که حکیم بَووه، وِنه نادون بَووه.

اوّلین نامِه قُرنتیانی سِه 8:2

اگه یه نَفِر گَمون کانده یه چی دونده، هَمتی اون چی که وِنه بَدونِ ره نَدونده.

دوّمین نامه قرنتیانِ وَسین 12:11

مِن یِتا نادون بیمه! شِما مِ ره مجبور هاکاردینی، چوون که وِنه مِ جِم تَعریف کاردینی. چوون هرچَن که هیچی نیمه ولی اون «گَتِ رَسولونِ» جِم هیچی کم نِدارمه.

دوّمین نامه قرنتیانِ وَسین 3:5

نا اون که شه لایقت داریم که اِدعا هاکانیم یه چی اَمه دَس بَر اِنه، بلکه اَمه لیاقت خِدائه جِم هَسه.

غَلاطیان 2:6

ولی اونایی که به نَظِر با نفوذ اِنِنه- هر کی بوئه مِ وِسه فرقی نَکانده، چوون که خِدا بیخودی هیچ کسِ جِم طَرِفداری نَکانده- وِشون هیچی مِ ره اضافه نَکاردِنه

غَلاطیان 2:9

وَختی که یَعقوب و کیفا و یوحنا که به نظر اییَمو کلیسائه سِتون بینه، اون فیضی که مِ نَصیب بَییه بییه ره بَدینه، مِن و بَرنابائه هِمراه دَس رفاقت هِدانه تا اِما غیریَهودیونِ پَلی بوریم و وِشون یَهودیون پَلی بورِن.

دوم تیموتائوس 3:13

ولی شَرورِ آدِمون و شیّادون بدیِ دِله بَدتِر بونِنه؛ گول زَندِنه و گول خوارنِنه.

یعقوبِ نامه 1:22

ولی خِدائه کِلامِ به جا بیارین، نا فِقَط اونِ بِشنُئین؛ شه ره گول نَزِنین!

یعقوبِ نامه 1:26

اگه کِسی گمون هاکانه که دیندارِ و شه زِوونِ دَمِ نَیره ولی شه دِلِ گول بَزِنه، وه دین ارزشی نِدارنه.

اوّل یوحنا 1:8

اگر باریم گِناه نِدارمی، شه ره گول بَزومی و اَمه دِله حَییقتی دَنیه.