غَلاطیان 6:1 - کتاب مقدس به زبان مازندرانی - گویش شرقی

¹ ای بِرارون، اگه یه نَفِر یِتا خِطا هاکانه، شِما که خِدائه روحِ دارنِنی وِنه مِلایمِ روحِ هِمراه وه ره راسِ راهِ سَمت بَردِگاردِنین. با این وجود، تِ حِواس شه ره بوئه که وَسوسهِ دِله نَکِفی.

گیله ماز

¹ اِی اَداشان، اَگه یِنَفر ایتا خَطایی هَکُنِه شُما که خُدایِ روحِ دارین، بایسّی مُلایمِ روحِ همره اونه راسِ راهِ سَمت وَگِردانین. با این وِجود، تی حَواس تِرِه هَبو که وَسوَسه یه دِلِه دَنِکی.

کتاب مقدس به زبان مازندرانی - گویش غربی

¹ اِی بِرارِن، اگه یَنَفَر یَتِه خطایی هاکِنِه شِما گه خِدایی روحِ دارِنی، وِنِه ملایمِ روحی هَمرا وِرِه راسِ راهی سَمت دَگِردانین. با هَین وِجود، تی حَواس شِخدِرِه ووئه گه وَسوَسه ای دِلِه نَکِفی.

غَلاطیان 6:1 Iomraidhean Croise

اِنجیلِ مَتّی 11:29

مِ یوغِ گَردِن بَیرین و مِ جِم تَعلیم بَیرین، چوون مِن آروم و فروتَنِمه و شِمه جان آرامش گِرنه،

اِنجیلِ مَتّی 26:69

ولی پِطرس سِرهِ بیرون، حیاط دِله نیشته بییه که یِتا کُلفِت وه پَلی بییَمو و بااوته: «تِ هم عیسیِ جلیلیِ هِمراه دَئی.»

اِنجیلِ مَتّی 26:75

اون وَخت پِطرس عیسیِ گَبِ یاد بیارده که گاته: «قبل اَز اون که تِلا وَنگ هاکانِه، تِ سه کَش مِ ره حاشا کاندی! بعد بیرون بُورده و زار زار بِرمه هاکارده.

اِنجیلِ مَتّی 9:13

بورین و خِدائه این کِلامِ مَعنی ره بِفَهمین: 'مِن رَحمِت خوامبه، نا قِروونی' چوون که مِن نییَمومه تا صالِحون دَعوِت هاکانِم، بلکه بییَمومه تا گِناهکارونِ دعوت هاکانِم.»

رومی ایشون 14:1

کسیِ که وه ایمون ضَعیفِ ره شه میون راه هادین، ولی نا اینکه وه عقیده هائه سَر وه هِمراه جرِّبحث هاکانین.

رومی ایشون 15:1

اِما که قَویمی، وِنه اونایی که ضَعیفِنه ره تِحَمُّل هاکانیم و شه خِشال هاکاردِنِ دمبال دَنی بوئیم.

رومی ایشون 8:6

چوون اون آدِمی که شه فِکرِ اون چیائه سَر که جِسمانیِ اییِلنه، مَرگِ، ولی اون فکری که خِدائه روحِ دِمبال دَره، زندگی و سِلامتیِ.

اوّلین نامِه قُرنتیانی سِه 10:12

پَس اونی که گمون کانده پابرجائه، هوشیار بوئه که نَکِفه!

اوّلین نامِه قُرنتیانی سِه 14:37

اگه یه نَفِر شه ره پِیغَمبِر یا آدِمی که خِدائه روحِ دارنه، دونده، وه وِنه تایید هاکانه که اونچی شِمه وِسه نِویسِمبه، یِتا حِکم، خِداوندِ جِم هَسه.

اوّلین نامِه قُرنتیانی سِه 2:15

آدِمی که خِدائه روحِ دارنه همه چیِ خَوِری داوِری کانده، ولی هیچ‌کی نَتونده وه خَوِری داوِری هاکانه.

اوّلین نامِه قُرنتیانی سِه 3:1

اِی بِرارون ولی مِن، نَتونِسِمه کِسایی واری که خِدائه روح، وِشونِ دِله دَره گَب بَزِنِم، بلکه کِسایی واری که هِوا و هوِسِ دِله دَرِنه گَب زَمبه، یعنی کِسایی واری که مَسیحِ دِله، کِچیکِ وَچه نه.

اوّلین نامِه قُرنتیانی سِه 4:21

کِدومتا ره خوانِنی؟ چوِ هِمراه شِمه پَلی بِیِّم یا یِتا آروومِ روح و مهروونیِ هِمراه؟

اوّلین نامِه قُرنتیانی سِه 7:5

هَمدییه ره بی نَصیب نییِلین، به جِز اینکه اَت کم و هَمدییهِ رضایتِ هِمراه بوئه تا شه وَختِ دِعائه وِسه بییِلین. ولی بعد اَی هم هَمدییه هِمراه دَووین، نَکِنه شِیطان شِما ره اینِ خاطِری که نَتوندِنی شه دَمِ دارین وَسوسهِ دِله دم هاده.

دوّمین نامه قرنتیانِ وَسین 10:1

مِن، پولُس شه، مَسیحِ نرمی و مهروونیِ هِمراه شِمه جِم خواهش کامبه- مِنی که شِمهِ جِم خَیلیا گانِنه وَختی شِمه پَلی دَرِمبه سَربِزیرِمه و اون مووقه که شِمه پَلی دَنیمه شجاعِمه!

دوّمین نامه قرنتیانِ وَسین 2:7

پَس دییه وِنه وه ره بِبَخشین و دلداری هادین، نَکِنه خَله غُصّه، وه ره از پا دربیاره.

دوّمین نامه قرنتیانِ وَسین 2:8

پَس، شِمه جِم خواهش کامبه وه ره شه مِحبّتِ جِم مِطمَئن هاکانین.

غَلاطیان 5:23

ملایمت و شه دَمِ بَییتِن. هیچ شریعتی اینائه ضِد نییه.

غَلاطیان 6:18

ای بِرارون، اَمه خِداوند عیسی مَسیحِ فِیض، شِمه روحِ هِمراه دَووه! آمین!

اوّل تِسالونیکیان 4:1

سَر آخِر پَس، ای بِرارون، اِما خِداوند عیسیِ دِله شِمه جِم خوامبی و اِلتماس کامبی هَمون طی که اَمه جِم شِما ره بَرِسیه که چی طی وِنه زندگی هاکانین و خِدا ره راضی هاکانین، همین طی هم که اِنجام دِنِنی، این کارِ ویشتر و ویشتر هاکانین.

دوّم تِسالونیکیان 3:15

ولی وه ره دِشمِن نَدونین، بلکه یِتا بِرارِ واری وه ره هِشدار هادین.

دوم تیموتائوس 2:25

وِنه اونایی که مخالفِنه ره نرمیِ هِمراه اِصلاح هاکانه، شاید خِدا وِشونِ تووبه عطا هاکانه تا حَییقَتِ بِشناسِن

نامِه مَسیحینی عبرانی نِژادی سِه 12:13

راه ها ره شه لینگائه وِسه هِموار هاکانین، تا شَلِ لینگ شه جائه سَر دَر نَشوئه، بلکه شِفا بَیره.

نامِه مَسیحینی عبرانی نِژادی سِه 13:3

اونایی ره که زِندونِ دِله دَرِنه ره شه‌یاد دارین، جوری که اِنگاری شِما هم وِشونِ هِمراه زِندونِ دِله دَرِنی؛ و اونایی که عِذاب کَشِنِنه ره شه یاد بیارین، چوون شِما هم تَنِ دِله عِذاب کَشِنِنی.

یعقوبِ نامه 3:13

شِمه میون کی حکیم و عقل دارِ؟ بییِلین اونِ، شه دِرِس زندگی هاکاردِنِ هِمراه سراغ هاده، اون اعمالی که فروتنیِ هِمرائه و حِکمتِ جِم سَرچشمه گِرنه.

یعقوبِ نامه 3:2

اِما خَله راه هائه دِله خِطا کامبی. اگه کِسی شه گَب بَزوئِنِ دِله خطا نَکِنه، کاملِ آدِمِ و تونده تِمومِ شه تَنِ دَمِ بَیره.

اول پِطرُس 3:15

بلکه شه دلِ دِله خِداوند مَسیحِ، قُدّوس بِشمارین و وه ره اِحترام بییِلین و هَمِش آماده بوئین تا هر کی اون امیدِ دلیلِ، که شِمه دِله دَره ره، بَپِرسه، وه ره جِواب هادین، البته اِحترام و نرمیِ هِمراه.

اوّل یوحنا 5:16

اگه یه نَفِر بَوینه وه بِرار گِناهی کانده که مَرگِ خَتم نَوونه، دعا هاکانه و خِدا وه ره زندگی دِنه. اینِ، اونی خَوِری گامبه که وه گِناه مَرگِ خَتم نَوونه. گِناهی دَره که مَرگِ خَتم بونه. مِن این طی گِناهِ خَوِری نارمه که وِنه دِعا هاکارد.