غَلاطیان 5:26 - کتاب مقدس به زبان مازندرانی - گویش شرقی

²⁶ بیخودی مَغرور نَبوئیم تا هَمدییه غیظِ بالا بیاریم و هَمدییه ره حَسودی نَکِنیم.

گیله ماز

²⁶ بیخدی مغرور نَبیم و هَمدیگَر خشمِ جآر بیاردَنِ جی و هَمدیگَرِ حَسودی هَکُردَنِ جی دَس بَکِشیم.

کتاب مقدس به زبان مازندرانی - گویش غربی

²⁶ بیخدی مغرور نَووئیم تا هَمدیَری غیظِ لُو بیاریم، و هَمدیرِ حَسودی نَکِنیم.

غَلاطیان 5:26 Iomraidhean Croise

لوقا 14:10

ولی هر وَخت کِسی تِ ره دَعوِت کانده، بور و تَهِ مجلس هِنیش، تا وَختی صاحاب مجلس بِیّه، تِ ره باره: ”مِ رَفِق، بَفِرمی بالاتَر هِنیش.“ اون وَخت، دییه مِهمونون پَلی که سِفرهِ سَر نیشتِنه سَر بِلِند بونی.

اوّلین نامِه قُرنتیانی سِه 3:7

پَس نا اونی که کارِنه حِساب اِنه و نا اونی که اوه دِنه، بلکه فِقَط خِدائه که اونِ سبز کانده.

غَلاطیان 5:15

ولی اگه هَمدییه ره گاز بَیرین و بِبَلعین، مِواظب بوئین که هَمدییه دَسِ هِمراه از بین نَشوئین.

فیلیپیان 4:15

ای فیلیپیِ آدِمون، شِما هم خوار دوندِنی که انجیلِ کارِ شِروعِ جِم، بعد از اون که مقدونیهِ مَنطقهِ جِم بوردِمه، اِلّا شِما، هیچ کلیسایی، دخلِ خرج دِله مِ هِمراه شَریک نَییه.

یعقوبِ نامه 4:16

اِسا اون که شِما غرورِ دِله دَره فخر کاندینی. این طی فخر هاکاردِن، بَدِ!

اول پِطرُس 5:5

همین طی شِما هم ای جوونون، مشایخِ جِم اِطاعت هاکانین. شِما همه شه رفتارِ دِله هَمدییهِ هِمراه فروتنی ره دَپوشین، چوون، «خِدا مغرورونِ روب رو اِیست کانده، ولی فروتنونِ فِیض دِنه»