غَلاطیان 5:17 - کتاب مقدس به زبان مازندرانی - گویش شرقی

¹⁷ چوون جِسمِ خواسه ها خِدائه روحِ ضِدِّ و خِدائه روحِ خواسه ها جِسمِ ضدِّ؛ چوون این دِتا هَمدییهِ ضِدِّنه، جوری که دییه نَتوندِنی هر چی که خوانِنی ره به‌جا بیارین.

گیله ماز

¹⁷ چون جسمِ خواسِّها خُدایِ روحِ ضِدِّ و خُدایِ روحِ خواسِّها جسمِ ضِدِّ؛ چونکه این دوتا هَمدیگر ضِدَّن، جوریکه دِ نَتَّنین هر چی که خَنید رِه، بِجا بیارین.

کتاب مقدس به زبان مازندرانی - گویش غربی

¹⁷ چون جسمی خواسِّها خِدایی روحی ضِدِّ و خِدایی روحی خواسِّها جسمی ضِدِّ؛ چونگه هَین دِتا هَمدیَری ضِدِّنِه، جوریگه دِ نَتِنِّنی هر چی گه خواینِنی رِه، بِجا بیارین.

غَلاطیان 5:17 Iomraidhean Croise

اِنجیلِ مَتّی 12:30

«هر کی مِ هِمراه دَنیه مِ علیهِ و هر کی مِ هِمراه جَمع نَکِنه تارِمار سازِنه.

اِنجیلِ مَتّی 16:17

عیسی، شَمعونِ جِواب بااوته: «اِی شمعون یونائه ریکا، خِش به حال تِ! چوون تِ اینِ آدِمِ جِم یاد نَییتی، بلکه مِ آسِمونی پییِر اونِ تِ وِسه دیار هاکارده.

اِنجیلِ مَتّی 16:23

عیسی بَردَگِردِسِه پطرسِ بااوته: «دور بَواش اِی شِیطان! تِ مِ راهِ دَمِ گِرنی، تِ فکر و خیال آدِمیِ جِم هَسه، نا خِدائه جِم.»

اِنجیلِ مَتّی 26:41

بیدار بوئین و دِعا هاکانین تا آزمودِ دِله نَکِفین. حَییقَتِن روح خوانه ولی تَن ناتِوونه

اِنجیلِ مَتّی 5:6

«خِش به حال اونایی که وِشنا و تِشنا اِنِنه، تا خِدائه جِم، صالِح بِشمارِسه بَووِن، چوون وِشون سیر بونِنه.

لوقا 22:33

پِطرس وه ره جِواب هِدا: «اِی آقا، مِن حاضِرِمه تِ هِمراه، هَم زِندونِ دِله دَکِفِم و هَم بَمیرِم.»

لوقا 22:46

وِشونِ بااوته: «چه بَخواتونی؟ پرِسین و دِعا هاکانین تا آزمودِ دِله نَکِفین.»

اِنجیلِ یوحنا 3:6

اون چی بَشر جِم دِنیا بِیّه، بَشریِ؛ ولی اون چی روحِ جِم دِنیا بِیّه، روحانیِ.

رومی ایشون 8:13

چوون اگه طبقِ جسم زندگی هاکانین، مییِرنِنی؛ ولی اگه خِدائه روحِ هِمراه، کارایی که تَن کانده ره بَکوشین، زندگی کاندینی.

غَلاطیان 3:21

پَس مَگه شَریعَت خِدائه وَعده‌هائه ضدِّ؟ اَصلاً! چوون اگه شریعتی هِدا بَییه بییه، که تونِسه زندگی هاده، پَس راس راسی صالحی هم شَریعتِ راهِ جِم به دَس اییَمو.

یعقوبِ نامه 3:2

اِما خَله راه هائه دِله خِطا کامبی. اگه کِسی شه گَب بَزوئِنِ دِله خطا نَکِنه، کاملِ آدِمِ و تونده تِمومِ شه تَنِ دَمِ بَیره.