غَلاطیان 5:11 - کتاب مقدس به زبان مازندرانی - گویش شرقی

¹¹ ولی ِای بِرارون، اَگه هَمتی مِن خَتنه هاکاردِنِ موعظه کاردِمه، دییه چه آزار اذیّت ویندِسِمه؟ پَس اگه این طی کاردِمه، دییه صلیبِ پیغوم، هیچ کسِ بَرنَخُرده .

گیله ماز

¹¹ ولی اِی اَداشان، اَگه هَلَه مَن خَتنِه هَکُردنِ موعظه کانه بام، دِ چِرا اذیت و آزار دینه بام؟ پس اگه اینجور کانه بام، دِ صلیبِ پیغام هیچکسِ بَر نُخارنه با.

کتاب مقدس به زبان مازندرانی - گویش غربی

¹¹ ولی اِی بِرارِن، اگه حَلا مِن خَتنِه هاکِردنِ موعظه کِردِمِه، دِ چه اذیت و آزار وینِسِمِه؟ پس اگه هینجور کِردِمِه، دِ صلیبی پیغِم هیچکسِ وَر نَخاردِه.

غَلاطیان 5:11 Iomraidhean Croise

اعمال رَسولان 16:3

پولُس چوون خواسه وه سَفِرِ دِله وه ره هِمراهی هاکانه، یَهودیونِ خاطِری که اون مَنطقهِ دِله زندگی کاردِنه، وه ره خَتِنه هاکارده، چوون همه دونِسِنه وه پییِر یونانیه.

اعمال رَسولان 21:21

وِشونِ میون این طی شایع بَییه که تِ تِمومِ یَهودیونی که غیرِیَهودیونِ دِله زندگی کاندنه ره تَعلیم دِنی که موسیِ پِیغَمبِرِ شَریعتِ جِم بَردَگِردِن، و وِشونِ گانی نَوِسه شه وَچونِ خَتِنِه هاکانِن و طِبق رَسم و رُسوم رِفتار هاکانِن.

اعمال رَسولان 21:28

شونگ کَشینه: «ای یَهودیون، کُمِک هاکانین؛ این هَمونِ که تِمومِ مَردِمِ همه جا اَمه قوم و اَمه شَریعتِ علیه و این مَکانِ علیه تَعلیم دِنه. قبل از این، یونانیونِ مَعبِدِ دِله بیارده و این مقدّسِ جا ره نَجس هاکارده.»

اوّلین نامِه قُرنتیانی سِه 1:18

چوون صَلیبِ پِیغوم، اونایی وِسه که هِلاک بونِنه، نادونیِ، ولی اَمه وِسه که نِجات گِرمی، خِدائه قِوَّتِ.

اوّلین نامِه قُرنتیانی سِه 1:23

ولی اِما مَصلوب بَییه مَسیحِ موعظه کامبی که یَهودیونِ وِسه یِتا سَنگِ واریِ که لغزِنه و غیر یَهودیون وِسه نادونیِ،

اوّلین نامِه قُرنتیانی سِه 15:30

چه هر ساعت اِما شه جانِ خَطِر دِم دِمبی؟

غَلاطیان 2:3

ولی حَتّی تیتوس که مِ هِمراه دَییه، با اینکه یونانی بییه، وه ره مَجبور نَکاردِنه که خَتنه بَووه.

غَلاطیان 3:1

ای نادونِ غَلاطیون، کی شِما ره جادو هاکارده؟ عیسی مَسیحِ بَمِردِن اَنده آشکار شِما ره بااوته بَییه که اِنگاری وه شِمه چِشِ پَلی، مَصلوب بَییه.

غَلاطیان 4:29

ولی هَمون طی که اون مووقه، ریکایی که طبقِ جسم دِنیا بییَمو بییه، کِسی که طبقِ خِدائه روح دِنیا بییَمو ره، آزار اَذیّت کارده. اَلانِم این طیِ.

غَلاطیان 6:12

اونایی که خوانِنه به‌ظاهر شه ره خوار سِراغ هادِن، شِما ره مجبور کاندِنه که خَتنه بَووین، فِقَط اینِ وِسه که مَسیحِ صَلیبِ خاطِری عِذاب نَکِشِن.

غَلاطیان 6:17

بعد از این دییه کِسی مِ ره عِذاب نَده، چوون داغ هایی شه تَنِ دِله دارمه که نِشون دِنه مِن عیسیِ نوکِرِمه.