غَلاطیان 4:31 - کتاب مقدس به زبان مازندرانی - گویش شرقی

³¹ پَس ای بِرارون، اِما کُلفِتِ وَچون نیمی، بلکه آزادِ زِنائه جِم هَسیمی.

گیله ماز

³¹ پَس اِی اَداشان، اَما کُلفتِ وَچِه هان نییَم، بلکه آزادِ زِنایِ جی هیسیم.

کتاب مقدس به زبان مازندرانی - گویش غربی

³¹ پَس، اِی بِرارِن، اَما کِلفتی وَچیلِه نیمی، بَلگی آزادِ زَنایی جامی.

غَلاطیان 4:31 Iomraidhean Croise

اِنجیلِ یوحنا 8:36

پَس اگه ریکا شِما ره آزاد هاکانه، حَییقَتاً آزاد بونِنی.

غَلاطیان 4:22

چوون توراتِ کتابِ دِله بَنوِشته بَییه که اِبراهیم دِتا ریکا داشته، یِتا کُلفِتِ جِم و یِتا دییه آزادِ زِنائه جِم.

غَلاطیان 4:30

ولی تورات چی گانه؟ «کُلفِت و وه ریکا ره بیرون هاکان، چوون کُلفِتِ ریکا، آزادِ زِنائه ریکائه واری اِرث نَوِرنه.»

غَلاطیان 5:1

آزادیِ وِسه بییه که مَسیح اِما ره آزاد هاکارده تا آزاد بوئیم. پَس قایم هِرِسین و اَت کَش دییه نوکریِ یوغِ شه گَردِن نییِلین.

غَلاطیان 5:13

چوون که اِی بِرارون، شِما آزادیِ وِسه دَعوِت بَینی، فِقَط شه آزادی ره یِتا فرصتِ واری جِسمِ وِسه استفاده نَکِنین، بلکه مِحبّتِ هِمراه، هَمدییه ره خِدمِت هاکانین.