غَلاطیان 3:5 - کتاب مقدس به زبان مازندرانی - گویش شرقی

⁵ اونی که خِدائه روحِ شِما ره دِنه و شِمه میون معجزات کانده این کارِ شَریعتِ اَعمالِ هِمراه کانده، یا ایمون به اونچی که بِشنُسِنیِ هِمراه؟

گیله ماز

⁵ آیا خُدا اینِه وَسین روح رِه شِمِره دَنه و شِیمی میَن معجزها ظاهر کانه که شریعتِ اعمالِ بِجا هارنین، یا اینِه وَسین که اونچه بِشنَوِسّین رِه ایمان دارین؟

کتاب مقدس به زبان مازندرانی - گویش غربی

⁵ اونیگه خِدایی روحِ شِمارِ دِنِه، و شِمِه میِن معجزات کِنِّه هَین کارِ شریعتی اعمالی هَمرا کِنِّه، یا ایمون به اونچی گه بِشنُسِنی ای هَمرا؟

غَلاطیان 3:5 Iomraidhean Croise

اعمال رَسولان 14:3

پَس پولُس و بَرنابا خَله زِمون اونجه بمونِسِنه و جِرأتِ هِمراه خِداوندِ وِسه گَب بَزونه، خِداوندی که وِشونِ قِوَّت هِدا تا نشونه ها بیارِن و معجزات هاکانِن، این طی شه فِیض بَخشِ پیغومِ تأیید کارده.

رومی ایشون 10:17

پَس ایمون، پیغومِ بِشنُسِنِ جِم اِنه و پیغومِ بِشنُسِن، مَسیحِ کِلامِ راهِ جِم اِنه.

رومی ایشون 15:19

وه اینِ نشونه ها و معجِزاتِ قِوَّتِ هِمراه، یعنی خِدائه روحِ قِوَّتِ هِمراه اِنجام هِدا، اون طی که اورشَلیمِ جِم تا «ایلیریکوم» بوردِمه و کاملاً مَسیحِ اِنجیلِ خِدمتِ اِنجام هِدامه.

اوّلین نامِه قُرنتیانی سِه 12:10

یه نَفِرِ مُعجزاتِ اِنجام هِدائِنِ قِدرَت هِدا بونه و یه نَفِرِ دییه ره نَبِوَّت، و یه نَفرِ روح هائه تشخیص هِدائِنِ قِدرَت هِدا بونه. یه نَفِرِ، جورواجورِ زِوون ها، گَب بَزوئِنِ وِسه هِدا بونه و یه نَفِرِ دییه ره جورواجورِ زِوون ها، ترجمه هاکاردِنِ وِسه هِدا بونه.

دوّمین نامه قرنتیانِ وَسین 10:4

چوون که اَمه جنگِ اسلحه ها، جِسمِ جِم نییه بلکه خِدائه قِوَّتِ دارنه تا قلعه ها ره نابود هاکانه.

دوّمین نامه قرنتیانِ وَسین 12:12

یِتا واقعی رَسولِ نشونه‌ها، تِمومِ صبر و تِحَمّلِ هِمراه شِمه میون دیار بَییه، نشونه ها و معجِزات و کارهایی که قِوَّتِ هِمراهِ.

دوّمین نامه قرنتیانِ وَسین 13:3

چوون شِما یِتا دلیلِ دِمبال دَرِنی که ثابت هاکانین که مَسیح مِ طریق گَب زَنده. مَسیح شِمه پَلی ضعیف نییه، بلکه شِمه میون قِوَّت دارنه.

دوّمین نامه قرنتیانِ وَسین 3:8

چَنده ویشتر، اون خِدمِتی که خِدائه روحِ طَریقِ جِم هَسه، جِلالِ هِمراه هَسّه.

دوّمین نامه قرنتیانِ وَسین 9:10

اونی که تیمِ، کشاورزِ وِسه و نونِ بَخُردِنِ وِسه دِنه، شِمه تیمِ کِشت و کارِ وِسه آماده هاکارده، بَرکَت دِنه و شِمه صالحیِ محصولِ زیاد کانده.

غَلاطیان 3:2

فِقط خوامبه اینِ شِمه جِم بَدونِم: شَریعتِ اَعمالِ هِمراه خِدائه روحِ بَییتینی یا ایمون به اونچی که بِشنُسِنیِ هِمراه؟

فیلیپیان 1:19

چوون دومبه که شِمه دعاها و عیسی مَسیحِ روحِ کمکِ هِمراه، اینا مِ آزاد بَیّنِ وِسه خَتم بونه،