غَلاطیان 3:23 - کتاب مقدس به زبان مازندرانی - گویش شرقی

²³ اِما، قبل از ایمونِ بییَموئِن، شَریعتِ تسلّطِ بِن اَسیر بیمی و تا ایمونِ ظاهر بَیّن، زِندونِ دِله اِما ره داشتِنه.

گیله ماز

²³ اَما پیش از اینکه ایمان بییِه، شریعتِ تسلطِ جیر اَسیر بِیم و تا ایمان ظاهِر هَبوسَّن زِندانِ دِلهِ اَمَرِه داشتِن.

کتاب مقدس به زبان مازندرانی - گویش غربی

²³ اَما، پِش از ایمونی بیموئَن شریعتی تسلّطی بِن اسیر وِمی و تا ایمونی ظاهر بَووئن زیندونی دِلِه اَمارِه داشتِنِه.

غَلاطیان 3:23 Iomraidhean Croise

اِنجیلِ یوحنا 3:34

چوون اونی که خِدا وه ره بَفرِسیه، خِدائه کِلامِ گانه، چوون خِدا شه روحِ بی حَدّ و اِندازه دِنه.

رومی ایشون 11:32

چوون خِدا همه ره نافرمونیِ گرفتار هاکارده، تا همه ره رَحم هاکانه.

رومی ایشون 3:19

اِسا دومبی که اونچی شَریعَت گانه کِسایی وِسه ئه که شَریعتِ بِن دَرِنه تا هر دِهونی دَوِسه بَووه و تِمومِ دِنیا، خِدائه حِضور، جِوابگو بوئِن.

غَلاطیان 3:19

پَس مَنظور شَریعتِ جِم چی بییه؟ شَریعَت، تقصیراتِ خاطِری زیاد بَییه، اون هم فِقط تا مووقه ای که اون «نَسل» که وَعده اشاره کارده، بِیّه. شَریعَت فرشته هائه طریق و یِتا واسطه‌ گرِ دَسِ طریق، برقِرار بَییه.

غَلاطیان 4:21

شِما که خوانِنی شَریعَتِ بِن دَووین، مِ ره بارین، مگه اونچی که شَریعَت گانه ره گوش نَدِنِنی؟

غَلاطیان 5:18

ولی اگه خِدائه روحِ هِمراه هِدایت بَووین، شِما دییه شَریعتِ بِن دَنینی.

نامِه مَسیحینی عبرانی نِژادی سِه 11:13

وِشون همه ایمونِ دِله بَمِردِنه، بدون اینکه وعده‌ها ره بَیرِن، ولی اونا ره از دور بَدینه و سِلام بااوتِنه. و قبول هاکاردِنه که زِمینِ سَر غَریبِنه.

نامِه مَسیحینی عبرانی نِژادی سِه 12:2

و اَمه چِش فِقَط عیسی ره بوئه که اَمه ایمونِ پِی هَسه و اَمه ایمونِ کامل کانده و اون خِشالیِ خاطِری که وه پیش رو دَییه، صَلیبِ تِحَمُّل هاکارده، وه ننگ و عارِ نَدید بَییته و خِدائه راسِ دَسِ تَختِ وَر نیشته.