غَلاطیان 2:7 - کتاب مقدس به زبان مازندرانی - گویش شرقی

⁷ بلکه برعکس، وِشون بِفَهمِسِنه که اِنجیلِ خَوِرِ خِشِ اِعلام هاکاردِن غیریَهودیونِ وِسه مِ ره بِسپارِسه بَییه، هَمون‌ طی که انجیلِ خَوِرِ خِش اِعلام هاکاردِن، یَهودیونِ وِسه، پِطرُسِ بِسپارِسه بَییه.

گیله ماز

⁷ بلکه بر عکس، اوشان بِفَهمِسَّن که اِنجیلِ خَبَرِ خوشِ اعلام هَکُردن غیر یَهودیِانِ وَسین، مَرِه بِسپارِسِّه هَبا، هَمونجور که اِنجیلِ خَبَرِ خوشِ اعلام هَکُردن یَهودیانِ وَسین پِطرسِ بِسپارِسِّه هَبا.

کتاب مقدس به زبان مازندرانی - گویش غربی

⁷ بَلگی برعکس، وِشون بِفَهمِسِنِه گه اِنجیلی خَوَرِخِشی اعلام هاکَردن غیر یَهودیِنی سِه، مِنِه بِسپارِس بَوِه، هَمونجور گه اِنجیلی خَوَرِخِشی اعلام هاکِردن یَهودیِنی سِه پِطرسِ بِسپارِس بَوِه.

غَلاطیان 2:7 Iomraidhean Croise

اعمال رَسولان 15:12

بعد تِمومِ اونایی که اونجه جَمع بینه ساکت بَینه و بَرنابا و پولُسِ گَبِ گوش هِدانه. وِشون، نشونه ها و معجزاتی ره که خِدا‌ وِشونِ دَسِ هِمراه غیرِ یَهودیونِ میون هاکارده بییه ره گاتِنه.

اعمال رَسولان 18:6

ولی وَختی یَهودیون، پولُسِ هِمراه مِخالفت هاکاردِنه و عیسی ره ناسِزا بااوتِنه، پولُس اون شَهرِ گردِ خاکِ شه لِواسِ جِم بَتِکاندیه و وِشونِ بااوته: «شِمه خون شه شِمه گَردِن دَووه! مِن تقصیرکار نیمه. از این بعد، غیریهودیونِ پَلی شومبه.»

اعمال رَسولان 28:28

«پَس بَدونین که خِدائه نِجات، غیرِ یَهودیونِ پَلی بَفرِسی بَییه و وِشون گوش دِنِنه!» [

اعمال رَسولان 9:15

ولی خِداوند، حَنانیا ره بااوته: «بور، چوون این مَردی وسیله ایِ که مِن انتخاب هاکاردِمه، تا مِ اسمِ غیریهودیون و پادشاهون و یَهودِ مَردِمِ بَرِسونه.

رومی ایشون 1:5

خِدا مَسیحِ طریق، اِما ره فِیض هِدا تا وه رسولون بوئیم و تِموم قوم ها ره راهنِمایی هاکانیم که مَسیحِ اسمِ ایمون بیارِن و وه جِم اِطاعت هاکانِن.

رومی ایشون 11:13

اِسا، شِما غیر یَهودیونِ هِمراه گَب زَمبه. از اونجه که مِن غیر یَهودیونِ رَسولِمه، شه خِدمِت سَر خَله اِفتخار کامبه،

اوّلین نامِه قُرنتیانی سِه 9:17

چوون اگه این کارِ شه میلِ هِمراه اِنجام دامه، پاداش گِتِمه؛ ولی اگه مِ میلِ هِمراه نَبوئه، فِقَط شه وظیفه ره اِنجام دِمبه.

غَلاطیان 1:16

که شه ریکا ره مِ دِله ظاهر هاکانه تا اونِ غیریهودیونِ میون اِعلام هاکانِم، اون مووقه، جِسم و خونِ هِمراه مَشورت نَکاردِمه،

غَلاطیان 1:18

بعد از سه سال اورشَلیم بوردِمه تا کیفا ره بَوینِم، و پونزده روز وه پَلی بَمونِسِمه.

غَلاطیان 1:6

بِهت هاکاردِمه که شِما اَنده زود اونی که شِما ره مَسیحِ فیضِ هِمراه، دعوِت هاکارده ره وِل هاکاردینی و شه دیم یِتا دییه اِنجیلِ سَمت بَردِگاردِنینی.

غَلاطیان 2:11

ولی وَختی که کیفا اَنطاکیه بییَمو، وه روب رو اِیست هاکاردِمه، چوون وه حَق بییه.

غَلاطیان 2:14

ولی هَمون طی که مِن بَدیمه وِشون اِنجیلِ حَییقَتِ راستیِ دِله قدم نَیرِنه، همهِ پَلی کیفا ره بااوتِمه: «اگه تِ که یَهودی هَسی، غیریَهودیونِ واری زندگی کاندی نا یَهودیونِ واری، چی طیِ که غیریَهودیونِ مجبور کاندی که یَهودیونِ واری رِفتار هاکانِن؟»

غَلاطیان 2:9

وَختی که یَعقوب و کیفا و یوحنا که به نظر اییَمو کلیسائه سِتون بینه، اون فیضی که مِ نَصیب بَییه بییه ره بَدینه، مِن و بَرنابائه هِمراه دَس رفاقت هِدانه تا اِما غیریَهودیونِ پَلی بوریم و وِشون یَهودیون پَلی بورِن.

اوّل تِسالونیکیان 2:4

بلکه هَمون طی که خِدا اِما ره تأیید هاکارده تا اِنجیلِ کارِ اِنجام هادیم، پَس اَمه گَب بَزوئِن آدِمونِ راضی هاکاردِنِ وِسه نییه، بلکه خِدائه راضی هاکاردِنِ وِسه هَسه، که اَمه دلها ره آزمود کانده.

اول تیموتائوس 1:11

اون تعلیمی که مِوارکِ خِدائه پر جِلالِ اِنجیلِ مطابقِ، که مِ ره بِسپارِسه بَییه.

اول تیموتائوس 2:7

چوون مِن اینِ وِسه تعیین بَیمه تا غیرِ یَهودیونِ وِسه یِتا تَعلیم دَهنده و یِتا رسول و یِتا مَلِّم، ایمون و حَییقَتِ دِله بوئِم - حَییقَتِ دَره گامبه و دِراغ نَزِمبه.

دوم تیموتائوس 1:11

که مِن اونِ وِسه انتخاب بَیمه تا این انجیلِ رسول و مَلِّم بووِم و موعظه هاکانِم.

پطرسی دِوّمین نامِه 3:15

و اَمه خداوندِ صبرِ، نِجات بَدونین، هَمون‌ طی که اَمه عزیزِ بِرار پولُس هم طِبق اون حکمتی که وه ره هِدا بَییه، شِمه وِسه بَنوِشته.