غَلاطیان 2:2 - کتاب مقدس به زبان مازندرانی - گویش شرقی

² مِن یِتا مکاشِفهِ خاطری بییه که بوردِمه. و اِنجیلی که غیریَهودیونِ دِله موعظه کارده بیمه ره وِشونِ وِسه توضیح دامه؛ البته خلوتِ دِله، و فِقط وِشونی که مِ نَظِر با نفوذ بینه ره بااوتِمه، چوون نگرون بیمه که نَکِنه بی خودی دوو بَییته بوئِم.

گیله ماز

² مَن ایتا مُکاشفه یه خاطری با که بَشَم. و اِنجیلی که غیرِ یَهودیِانِ دِلِه موعِظِه کانم رِه اوشانِ وَسین توضیح هَدَم. البتِه خَلوتِ دِلِه، وَ فقط اوشانی که می نظر با نفوذ بان رِه باگوتَم، چون نِگران بام که نَکُنِه بیخدی دُو هَکُردِه بوم.

کتاب مقدس به زبان مازندرانی - گویش غربی

² مِن یَتِه مکاشفه ای خاطری وِه گه بوردِمِه. و اِنجیلی گه غیرِیَهودیِنی دِلِه موعِظِه کِرد وِمِه رِه وِشونی سِه توضی داوِمِه. البتِه خَلوتی دِلِه، و فقط وِشونی گه می نظر با نفوذ وِنِه رِه بُتِمِه، چون نِگرون وِمِه گه نَکِنِه بیخدی دُو هاکِرد ووم.

غَلاطیان 2:2 Iomraidhean Croise

اِنجیلِ مَتّی 10:16

«گوش هادین، مِن شِما ره گُسفِنائه واری وِرگائه دِله فِرِسِندِمبه. شِما وِنه مَرِ واری با هوش و کوتِرِ واری بی آزار بوئین.

اعمال رَسولان 15:12

بعد تِمومِ اونایی که اونجه جَمع بینه ساکت بَینه و بَرنابا و پولُسِ گَبِ گوش هِدانه. وِشون، نشونه ها و معجزاتی ره که خِدا‌ وِشونِ دَسِ هِمراه غیرِ یَهودیونِ میون هاکارده بییه ره گاتِنه.

اعمال رَسولان 15:2

پَس وَختی پولُس و برنابا خَله وِشونِ هِمراه مِخالِفت و بَحث هاکاردِنه، این طی قِرار بییِشتِنه که اون دِ تا، چَن نَفِرِ دییهِ هِمراه که وِشونِ جِم بینه اورشَلیم بورِن و این قضیه ره رَسولون و مشایخِ هِمراه در میون بییِلِّن.

اعمال رَسولان 15:4

وَختی اورشَلیم بَرِسینه، کلیسا و رَسولون و مشایخ وِشونِ پیشواز بییَمونه. پولُس و بَرنابا هر اونچی خِدا وِشونِ دَسِ هِمراه هاکارده بییه ره وِشونِ بااوتِنه.

اعمال رَسولان 18:9

یِتا شو خِداوند رویائه دِله پولُسِ بااوته: «نَتِرس! گَب بَزِن و ساکت نَواش!

اعمال رَسولان 23:11

هَمون شو، خِداوند پولُسِ پَلی اِیست هاکارده و بااوته: «تِ دِل قِرص بوئه! همون‌طی که اورشَلیمِ دِله مِ ره شِهادِت هِدایی، رومِ دِله هم وِنه شِهادِت هادی.»

اعمال رَسولان 5:34

ولی عُلِمائه فِرقه فَریسیِ جِم، یه نَفِر که وه اسم گامالائیل و شَریعتِ مَلّم بییه و همه وه ره احترامِ اییِشتِنه، مجلسِ دِله بِلِند بَییه و دَستور هِدا چَن لَحظه رَسولونِ بیرون بَوِرِن.

رومی ایشون 9:16

پَس، آدِمیِ خواسه یا وه تَقِلّا ره ربطی نِدارنه، بلکه خِدایی ره مربوطه که رَحم کانده.

اوّلین نامِه قُرنتیانی سِه 1:23

ولی اِما مَصلوب بَییه مَسیحِ موعظه کامبی که یَهودیونِ وِسه یِتا سَنگِ واریِ که لغزِنه و غیر یَهودیون وِسه نادونیِ،

اوّلین نامِه قُرنتیانی سِه 2:2

چوون تَصمیم بَییته بیمه شِمه میون هیچی ره نَدونِم اِلّا عیسی مَسیح، اون هم مصلوب بَییه عیسی.

اوّلین نامِه قُرنتیانی سِه 9:24

مگه نَدوندِنی که دوِ مسابقهِ دِله، همه دو گِرنِنه، ولی فِقَط یه نَفِر جایزه ره وَرنه؟ پَس شِما جوری دوو بَیرین که بَوِرین.

اوّلین نامِه قُرنتیانی سِه 9:26

پَس مِن بی هدف دوو نَیرمبه، مِن اون آدِمِ واری که هِوا ره میس زَنده، میس نَزِمبه؛

دوّمین نامه قرنتیانِ وَسین 12:1

مِن وِنه همین طی اِفتخار هاکانِم؛ هرچن اونِ جِم منفعتی نَوِرمه، اَلان شه افتخارِ رؤیاها و خِداوندِ مکاشفاتِ بااوتِنِ هِمراه ادامه دِمبه.

غَلاطیان 1:12

چوون که مِن اونِ هیچ آدِمی جِم نَییتِمه، و هیچ کی هم اونِ مِ ره یاد نِدا؛ بلکه عیسی مَسیح اونِ مِ وِسه دیار هاکارده.

غَلاطیان 1:16

که شه ریکا ره مِ دِله ظاهر هاکانه تا اونِ غیریهودیونِ میون اِعلام هاکانِم، اون مووقه، جِسم و خونِ هِمراه مَشورت نَکاردِمه،

غَلاطیان 1:6

بِهت هاکاردِمه که شِما اَنده زود اونی که شِما ره مَسیحِ فیضِ هِمراه، دعوِت هاکارده ره وِل هاکاردینی و شه دیم یِتا دییه اِنجیلِ سَمت بَردِگاردِنینی.

غَلاطیان 2:6

ولی اونایی که به نَظِر با نفوذ اِنِنه- هر کی بوئه مِ وِسه فرقی نَکانده، چوون که خِدا بیخودی هیچ کسِ جِم طَرِفداری نَکانده- وِشون هیچی مِ ره اضافه نَکاردِنه

غَلاطیان 2:9

وَختی که یَعقوب و کیفا و یوحنا که به نظر اییَمو کلیسائه سِتون بینه، اون فیضی که مِ نَصیب بَییه بییه ره بَدینه، مِن و بَرنابائه هِمراه دَس رفاقت هِدانه تا اِما غیریَهودیونِ پَلی بوریم و وِشون یَهودیون پَلی بورِن.

غَلاطیان 5:7

خوار دوو گِتینی. کی شِمه دَمِ بَییته تا حَییقَتِ جِم اِطاعت نَکِنین؟

فیلیپیان 2:16

زندگی کِلامِ قایم دارین، تا مَسیحِ بَردَگِردِسِنِ روزِ دِله اِفتخار هاکانِم که بیخودی دوو نَییتِمه و بیخودی زحمِت نَکِشیمه.

فیلیپیان 2:29

پَس خِداوندِ دِله، وه ره، تِمومِ خِشالیِ هِمراه قَبول هاکانین و این طی آدِمونِ حِرمت بییِلین،

اوّل تِسالونیکیان 3:5

اینِ وِسه، چوون دییه نَتونِسِمه طاقت بیارِم، تیموتائوسِ راهی هاکاردِمه تا شِمه ایمونِ جِم باخَوِر بَووِم، چوون اونِ تَرسِ داشتِمه که اون وسوسه‌گر یعنی اِبلیس یه جوری شِما ره وَسوسه هاکارده بوئه، و اَمه زَحمِت ‌هَدِر بورده بوئه.

دوم تیموتائوس 4:7

مِن خوارِ جنگِ دِله بَجِنگِسِمه، شه مسابقه ره تِموم هاکاردِمه و شه ایمونِ حِفظ هاکاردِمه.

نامِه مَسیحینی عبرانی نِژادی سِه 12:1

پَس وَختی یِتا گَتِ اَبر شاهِدونِ جِم شه دور دارمی، بِئین اِما هم هر بار و هر گِناهی که سخت اَمه ‌دَس و لینگِ کَش پیچِنه ره شه جِم دور هاکانیم و پایداریِ هِمراه این مسابقه‌ِ دِله که اَمه پیش رو دَره، دوو بَیریم.