غَلاطیان 2:1 - کتاب مقدس به زبان مازندرانی - گویش شرقی

¹ بَعدِ چهارده سال، اَت کَش دییه بَرنابائه هِمراه اورشَلیم بوردِمه و تیتوسِ هم شه هِمراه بَوِردِمه.

گیله ماز

¹ بعدِ چهارده سال، یِدَفِه دیگه برنابایِ هَمرَه بَشَم اورشَلیم و تیتوس رِه هَم می هَمرَه بَبِردَم.

کتاب مقدس به زبان مازندرانی - گویش غربی

¹ بعدِ چارده سال، یَکَش دییَر بَرنابایی هَمرا اورشَلیمی سِه بوردِمِه و تیتوسِ هَم شی هَمرا بَوِردمِه.

غَلاطیان 2:1 Iomraidhean Croise

اعمال رَسولان 11:25

پَس بَرنابا تارسوسِ شَهر بُورده تا شائولِ پی دا هاکانه.

اعمال رَسولان 11:30

پَس این طی هاکاردِنه و اون پول هایی که جَمع هاکارده بینه ره بَرنابا و شائولِ هِدانه تا مَشایِخِ دَس بَرِسونِن.

اعمال رَسولان 12:25

وَختی بَرنابا و شائول شه مأموریتِ تِموم هاکاردِنه، اورشَلیمِ جِم بَردَگِردِسِنه و یوحنائه مَعروف به مَرقُسِ هَم شه هِمراه بیاردِنه.

اعمال رَسولان 13:2

مووقه ای که وِشون روزه بینه و دَینه خِداوندِ پرسِش کاردِنه، روح القدُس بااوته: «بَرنابا و شائولِ کاریِ که مِن وِشونِ اونِ وِسه دَعوت هاکاردِمه، سیوا هاکانین.»

اعمال رَسولان 13:50

ولی یَهودیون، متعصب و سَرشناس زَن ها و شَهرِ مَردا که رَهبِر بینه ره تحریک هاکاردِنه و وِشون، پولُس و بَرنابا ره آزار اذیّت هاکاردِنه. پَس پولُس و بَرنابا ره اون مَنطقهِ جِم بیرون هاکاردِنه.

اعمال رَسولان 14:12

وِشون بااوتِنه برنابا ’زِئوس‘ و پولس ’هِرمِسِ‘. چوون پولُس بییه که گَب زوئه.

اعمال رَسولان 15:25

پَس اِما یَک دِل این طی صِلاح بَدیمی که مردایی ره اِنتخاب هاکانیم و وِشونِ شه عزیزون، بَرنابا و پولُسِ هِمراه، شِمه پَلی بَفرِسیم،

اوّلین نامِه قُرنتیانی سِه 9:6

فِقَط مِن و برنابا هَسیمی که وِنه شه زندگیِ وِسه کار هاکانیم؟

دوّمین نامه قرنتیانِ وَسین 2:13

ولی اَی آروم و قِرار نِداشتِمه چوون شه بِرار تیتوسِ پی دا نَکاردِمه. پَس اونجهِ مَردِمِ هِمراه خِداحافظی هاکاردِمه، مقدونیهِ مَنطقه بوردِمه.

دوّمین نامه قرنتیانِ وَسین 8:16

ولی خِدا ره شِکر کامبه که اون غیرتی که مِن شِمه وِسه دارمه تیتوسِ دلِ دِله هم دَره.

دوّمین نامه قرنتیانِ وَسین 8:23

تیتوسِ خَوِری وِنه بارِم که شِمه اون خِدمِت هاکاردِنِ دِله مِ شَریک و همکارِ؛ اَمه برارونِ خَوِری هم وِنه بارِم که وِشون کلیساهائه بَفرِسیه و مَسیح جِلال‌ِنه.

غَلاطیان 1:18

بعد از سه سال اورشَلیم بوردِمه تا کیفا ره بَوینِم، و پونزده روز وه پَلی بَمونِسِمه.

غَلاطیان 2:13

دییه یَهودیون هم این دِروییِ دِله، وه هِمراه هَمدَس بَینه، جوری که حَتّی بَرنابا هم وِشونِ دِرویی خاطِری از راه به دَر بَییه.

غَلاطیان 2:3

ولی حَتّی تیتوس که مِ هِمراه دَییه، با اینکه یونانی بییه، وه ره مَجبور نَکاردِنه که خَتنه بَووه.

غَلاطیان 2:9

وَختی که یَعقوب و کیفا و یوحنا که به نظر اییَمو کلیسائه سِتون بینه، اون فیضی که مِ نَصیب بَییه بییه ره بَدینه، مِن و بَرنابائه هِمراه دَس رفاقت هِدانه تا اِما غیریَهودیونِ پَلی بوریم و وِشون یَهودیون پَلی بورِن.

کولُسیان 4:10

آریستارخوس که مِ هِمراه زِندونِ دِله دَره، شِمه وِسه سِلام رِسِندِنه؛ همین طی هم مَرقُس، بَرنابائه عمو پِسِر، شِمه وِسه سِلام دارنه. که قبلاً وه خَوِری شِما ره سفارش هاکاردِمه که هر وَخت شِمه پَلی بِیّه، گرمیِ هِمراه وه ره قبول هاکانین.

تیتوس 1:4

تیتوس وِسه، که طبقِ ایمونی که اِما همهِ نَصیب بَییه، مِ حَییقی وچه ئه: فِیض و صِلح و سِلامتی خِدائه پییِرِ و اَمه نِجات​دهنده مَسیحِ عیسیِ طَرِف جِم تِ وِسه بِیّه.