غَلاطیان 1:7 - کتاب مقدس به زبان مازندرانی - گویش شرقی

⁷ البته که یِتا دییه اِنجیل دَنییه، ولی کِسایی دَرِنه که شِما ره پریشون کاندِنه و خوانِنه مَسیحِ انجیلِ دَسکاری هاکانِن.

گیله ماز

⁷ البَتر که ایتا دیگه اِنجیل دَنیِه، وَلی کَسایی دَرِن که شِمِرِه پریشان کانَن وخَنِن مَسیح اِنجیلِ دسکاری هَکُنَن.

کتاب مقدس به زبان مازندرانی - گویش غربی

⁷ البَته گه یَت دییَر اِنجیل دَنیِه، ولی کَسایی دَرِنِه گه شِمارِ پریشون کِنِنِه و خواینِنِه مَسیحی اِنجیلِ دَسکاری هاکِنِن.

غَلاطیان 1:7 Iomraidhean Croise

اِنجیلِ مَتّی 24:24

چوون که خَیلیا اِنِنه و دِراغی اِدعا کاندِنه که اِما مَسیحِ موعود و پِیغَمبَرِمی و گَت گَتِ معجِزه و کارائه عجیب هم کاندِنه تا اگه بَووه حَتَّی اِنتخاب بَییه ها ره هم گُمراه هاکانِن.

اعمال رَسولان 13:10

«تِ ای ابلیسِ وَچه، تِ ای تِمومِ خواری هائه دِشمِن، ای که مَکر و فریبِ جِم پِری! اینِ جِم که خِداوندِ راستِ راه ها ره وَل هاکانی، دَس نَکِشِنی؟

اعمال رَسولان 15:24

از اونجه که بِشنُسیمی که کِسایی اَمه میونِ جِم، بی این که اَمه جِم دَستوری دارِن، بییَمونه و شِما ره شه گَب هائه هِمراه نارِحَت هاکاردِنه و باعث بَینه شِمه فِکر پریشون بَووه.

اعمال رَسولان 20:30

حَتَّی شه شِمه میون کِسایی هِرِسِنِنه که حَییقَتِ عَوِض کاندِنه تا شاگردونِ شه دِمبال بَکِشونِن و از راه به دَر هاکانِن.

دوّمین نامه قرنتیانِ وَسین 11:13

چوون این طی آدِمون، دِراغی رَسولون و حِقّه بازِ کارِگرونِنه که شه ره مَسیحِ رَسولونِ واری دَر یارنِنه.

دوّمین نامه قرنتیانِ وَسین 2:17

چوون که اِما اون آدِمونِ واری نیمی که منفِعتِ وِسه خِدائه کِلامِ روشِنِنه، بلکه اِما خِدائه چِشِ پَلی مَسیحِ دِله گَب زَمبی، اون آدِمونی واری که خالصِ نیّت دارنِنه و خِدائه طرِفِ جِم هَسِنه.

دوّمین نامه قرنتیانِ وَسین 4:2

بلکه جا هِدا و شرم آور راه هائه جِم دوری هاکاردیمی و حِقّه بازیِ هِمراه رِفتار نَکامبی و خِدائه کِلامِ دَسکاری نَکامبی، بلکه حَییقتِ، آشکارا گامبی و تَقِلّا کامبی خِدائه حِضور، همهِ وجدانِ پَلی، تایید بَوویم.

غَلاطیان 1:6

بِهت هاکاردِمه که شِما اَنده زود اونی که شِما ره مَسیحِ فیضِ هِمراه، دعوِت هاکارده ره وِل هاکاردینی و شه دیم یِتا دییه اِنجیلِ سَمت بَردِگاردِنینی.

غَلاطیان 2:4

این، نگرونی اون دِراغی برارونِ خاطِری بییه، که بِن بِنکی اَمه جَمع دِله بیَمونه، تا اون آزادی ای که مَسیحْ عیسیِ دِله دارمی ره جاسوسی هاکانِن و ِاِما ره بَردگیِ وِسه بَیرِن.

غَلاطیان 4:17

اونایی که شِمه وِسه غیرت دارنِنه، ولی نا خوارِ نیّتِ هِمراه. وِشون خوانِنه شِما ره سیوا هاکانِن تا وِشونِ وِسه غیرت دارین.

غَلاطیان 5:10

مِن خِداوندِ دِله شِمه جِم مطمئِنِمه که شِما یِتا دییه نَظِری ره قبول نَکاندینی، و اونی که شِما ره پریشون کانده، هر کی بوئه، شه سِزا ره وینده.

غَلاطیان 5:12

کاش اونایی که شِما ره پریشون کاندِنه، شه ره اَخته کاردِنه!

غَلاطیان 6:17

بعد از این دییه کِسی مِ ره عِذاب نَده، چوون داغ هایی شه تَنِ دِله دارمه که نِشون دِنه مِن عیسیِ نوکِرِمه.

دوم تیموتائوس 2:18

که حَییقَتِ جِم بَردَگِردِسِنه و گاننه اون روز که مِرده ها زنده بونِنه همین اَلانِ، و این طی بَعضیائه ایمونِ از بین وَرنِنه.

اوّل یوحنا 2:26

مِن اونایی خَوِری شِمه وِسه اینا ره بَنوِشتمه که تَقِلّا کاندِنه شِما ره گمراه هاکانِن.

اوّل یوحنا 4:1

ای عزیزون، هر روحی ره باوِر نَکِنین، بلکه روح ها ره آزمود هاکانین که خِدا جِم هَسِنه یا نا. چوون دِنیائه دِله خَله دِراغی پِیغَمبِرون دَرِنه.

دوم یوحنا 1:10

اگه کِسی شِمه پَلی بِیّه و این تعلیمِ نیاره، وه ره شه سِره راه نَدین و وه ره خِش بییَموئی، نارین؛

دوم یوحنا 1:7

چوون دِنیائه دِله خَله حِقِّه بازِ آدِمون دَرنه، که وِشون اِعتراف نَکاندِنه عیسی مَسیح آدِمِ جِسمِ دِله بییَمو. این‌طی آدِم، هَمون حِقِّه باز و ضدِّ مَسیحِ.

یهودائه نامه 1:4

چوون مَردِمی که وِشونِ مَحکومیت از قدیم تعیین بَییه، یواشِکی شِمه میون نفوذ هاکاردِنه. اینا بی دینونی هَسِنه که اَمه خِدائه فیضِ، به عیاشی تبدیل کاندِنه و عیسی مَسیح تنها اَرباب و اَمه خِداوندِ اِنکار کاندِنه.

یوحنایِ مکاشفه 12:9

و گَتِ اژدها جِر دِم هِدا بَییه، یعنی اون قدیمی مَر که اِبلیس یا شیطان بااوته بونه که تِمومِ دِنیا ره گُمراه کانده. وه زِمین سَر دِم هِدا بَییه و وه فرشته ها هم وه هِمراه جِر دِم هِدا بَینه.

یوحنایِ مکاشفه 13:14

و اون نشونه ها و معجزاتِ خاطِری که اِجازه داشته اون اَوِّلین وحشی جانورِ عَوِض به کار بَیره، اونایی که زِمینِ سَر دَینه ره گول بَزو و وِشونِ بااوته یِتا مجسمه اون وحشی جانورِ جِم بَسازِن که شَمشیرِ هِمراه زَخمی بَییه، ولی با این وجود زنده بَمونِسه.

یوحنایِ مکاشفه 19:20

اون وحشی جانور گرفتار بَییه و وه هِمراه اون دِراغی پِیغَمبِر که اون وحشی جانورِ پیش نشونه ها و معجزات اِنجام دائه تا اونا ره گول بَزِنه که اون وحشی جانورِ علامتِ قبول هاکارده بینه و وه مِجَسمه ره پَرِسش کاردِنه. وِشون هر دِتا، زِنده زِنده تَش دریاچهِ دِله که گوگردِ هِمراه سوزِنه، دِم هِدا بَینه.

یوحنایِ مکاشفه 2:2

تِ کارا ره دومبه و تِ صبر و تِحَمُّل و عِذاب هائه جِم خوِر دارِمه. و دومبه که شَرورِ آدِمونِ نَتوندی تِحَمُّل هاکانی بلکه کِسایی که شه ره رسول دوندِنه ولی نینه، وِشونِ آزمود هاکاردی و بِفَهمِسی که دِراغ زَن هَسِنه.

یوحنایِ مکاشفه 2:20

ولی این شکایتِ تِ جِم دارمه، اون زِنا که وه اسم ایزابلِ و شه ره نبیه دونده ره آسون گِرنی. وه که مِ نوکِرونِ تَعلیم دِنه و از راه به دَر کانده تا بی عفتی هاکانِن و اون غِذاهائه جِم که بِتهائه پیشکش بَییه بَخُرِن.

یوحنایِ مکاشفه 2:6

ولی یِتا خواری دارنی که نیکولاییانِ دار و دَسه ئه کارائه جِم بیزاری، که مِنِم بیزارِمه.

یوحنایِ مکاشفه 20:3

و وه ره هاویهِ چاه دِله دِم هِدا و وه درِ دَوِسه و مُهرِ موم هاکارده تا دییه ملّت ها ره گول نَزِنه تا اون هزار سال تِموم بَووه. بعد وه وِنه یه مدّتِ وِسه آزاد بَووه.