غَلاطیان 1:6 - کتاب مقدس به زبان مازندرانی - گویش شرقی

⁶ بِهت هاکاردِمه که شِما اَنده زود اونی که شِما ره مَسیحِ فیضِ هِمراه، دعوِت هاکارده ره وِل هاکاردینی و شه دیم یِتا دییه اِنجیلِ سَمت بَردِگاردِنینی.

گیله ماز

⁶ بُهت هَکوردَم که شُما اینقدر زود اونیکه شِمِرِه مَسیحِ فِیضِ همره دُخوانِسِّه رِه وِل هَکُردین، و شیمی دیمِ ایتا دیگَر اِنجیلِ سَمت وَگِرداندین.

کتاب مقدس به زبان مازندرانی - گویش غربی

⁶ بِهت هاکِردمِه گه شِما اَنّی زود اونیگه شِمارِ مَسیحی فیضی هَمرا بَخونِسِه رِه وِل هاکِردنی، و شی دیمِ یَت دییَر اِنجیلی سَمت دَگردانینی.

غَلاطیان 1:6 Iomraidhean Croise

مَرقُس 6:6

وه وِشونِ بی‌ایمونیِ جِم تَعجِّب هاکارده بییه. بعد، عیسی اون مَنطقهِ روستاهائه دِله گِردِسه و مَردِمِ تَعلیم دائه.

اِنجیلِ یوحنا 9:30

اون مَردی وِشونِ جِواب بااوته: «این دییه خَله عَجیبِ! با اینکه مِ چِشا ره واز هاکارده، هَمتی هم نَدوندِنی کِجه جِم بییَمو.

اعمال رَسولان 15:11

چوون اِما ایمون دارمی که عیسیِ خِداوندِ فیضِ هِمراه نِجات بَییتیمی، هَمون طی که وِشون هم بَییتِنه.»

رومی ایشون 10:3

چوون اون صالحیِ نَدونِسِنِ خاطِری که خِدائه جِم هَسه و اینِ وِسه که شه صالحیِ ثابت هاکاردِنِ دِمبال دَیینه، اون صالحیِ روب رو که خِدائه جِم هَسه، شه سَرِ جِر نیاردِنه.

رومی ایشون 5:2

اِما وه طَریقِ جِم، و ایمونِ راهِ جِم، این فیضی که اَلان وه دِله استواریمی ره به دَس بیاردیمی، و خِدائه جِلالِ امیدِ دِله خِشالی کامبی.

رومی ایشون 8:28

دومبی اونایی حَق، که خِدا ره دوس دارنِنه و طبقِ وه اِراده دَعوِت بَینه، همه چی با هم وِشونِ خیریتِ وِسه دَره کار کانده.

رومی ایشون 8:30

و اونایی ره که قبلتر تعیین هاکارده ره هم دَعوِت هاکارده؛ و اونایی که دعوت هاکارده ره هم، صالح بِشمارِسه؛ و اونایی که صالح بِشمارِسه ره هم، جِلال هِدا.

اوّلین نامِه قُرنتیانی سِه 4:15

چوون حَتّی اگه هِزارون مَلِّم مَسیح دِله دارین، ولی خَله پییِرون نِدارنِنی، چوون مِن اِنجیلِ طَریق، عیسی مَسیحِ دِله شِمه پییِر بَیمه.

دوّمین نامه قرنتیانِ وَسین 11:4

چوون اگه یه نَفِر شِمه پَلی بِیّه و شِما ره یِتا عیسی به جِز اون که اِما شِما ره اِعلام هاکاردیمی ره اِعلام هاکانه، یا اگه شِما یِتا روح، به جز روح القدس که بَییتینی ره بَیرین، یا اگه انجیلِ پِیغوم به جِز اون اِنجیلِ پِیغوم که قبول هاکاردینی ره قبول هاکانین، شِما راحت اونِ تِحَمُّل کاندینی.

دوّمین نامه قرنتیانِ وَسین 2:17

چوون که اِما اون آدِمونِ واری نیمی که منفِعتِ وِسه خِدائه کِلامِ روشِنِنه، بلکه اِما خِدائه چِشِ پَلی مَسیحِ دِله گَب زَمبی، اون آدِمونی واری که خالصِ نیّت دارنِنه و خِدائه طرِفِ جِم هَسِنه.

غَلاطیان 1:11

ای بِرارون، خوامبه بَدونین اِنجیلی که مِن اونِ اِعلام هاکاردِمه، آدِمِ اِنجیل نَییه،

غَلاطیان 1:15

ولی وَختی اون که مِ ره حَتَّی مِ مارِ اِشکمِ دِله، شه کارِ خاطری وَقف هاکارده بییه و شه فیضِ طریق مِ ره دَعوِت هاکرده، اونِ خِشالی اینِ دِله بییه

غَلاطیان 1:7

البته که یِتا دییه اِنجیل دَنییه، ولی کِسایی دَرِنه که شِما ره پریشون کاندِنه و خوانِنه مَسیحِ انجیلِ دَسکاری هاکانِن.

غَلاطیان 2:14

ولی هَمون طی که مِن بَدیمه وِشون اِنجیلِ حَییقَتِ راستیِ دِله قدم نَیرِنه، همهِ پَلی کیفا ره بااوتِمه: «اگه تِ که یَهودی هَسی، غیریَهودیونِ واری زندگی کاندی نا یَهودیونِ واری، چی طیِ که غیریَهودیونِ مجبور کاندی که یَهودیونِ واری رِفتار هاکانِن؟»

غَلاطیان 2:2

مِن یِتا مکاشِفهِ خاطری بییه که بوردِمه. و اِنجیلی که غیریَهودیونِ دِله موعظه کارده بیمه ره وِشونِ وِسه توضیح دامه؛ البته خلوتِ دِله، و فِقط وِشونی که مِ نَظِر با نفوذ بینه ره بااوتِمه، چوون نگرون بیمه که نَکِنه بی خودی دوو بَییته بوئِم.

غَلاطیان 2:5

ولی اِما یه لَحظه هم وِشونِ تَسلیم نَیمی تا اِنجیلِ حَییقت شِمه وِسه کاملاً مَحفوظ بَمونه.

غَلاطیان 2:7

بلکه برعکس، وِشون بِفَهمِسِنه که اِنجیلِ خَوِرِ خِشِ اِعلام هاکاردِن غیریَهودیونِ وِسه مِ ره بِسپارِسه بَییه، هَمون‌ طی که انجیلِ خَوِرِ خِش اِعلام هاکاردِن، یَهودیونِ وِسه، پِطرُسِ بِسپارِسه بَییه.

غَلاطیان 5:14

چوون تِمومِ شَریعَت، یِتا حِکمِ دِله خِلاصه بونه که «شه هَمساده ره شه واری دوس دار.»

غَلاطیان 5:4

شِما مَسیحِ جِم سیوا بَینی، شِمایی که شَریعتِ طَریقِ جِم خوانِنی صالح بِشمارِسه بَووین، شِما فیضِ جِم دور بَینی.

دوّم تِسالونیکیان 2:14

این طی بییه که وه شِما ره اَمه انجیلِ طَریقِ جِم دَعوت هاکارده تا اَمه خِداوند عیسی مَسیحِ جِلال شِمه نَصیب بَووه.

اول تیموتائوس 1:14

و اَمه خِداوندِ فِیض، اون ایمون و مِحبَّتِ هِمراه که مَسیحْ عیسیِ دِله دَره، فراوونیِ هِمراه مِ سَر دَشِندی بَییه.

اول تیموتائوس 1:3

هَمون طی که وَختی مقدونیهِ مَنطقه دَیی شیمه، تِ جِم خواهش هاکاردِمه، اَت کش دییه اَی تِ جِم خوامبه که اَفِسُسِ شَهرِ دِله بَمونی تا بَعضیا ره دَستور هادی که هیچ جورواجورِ تعلیمی نَدِن

دوم تیموتائوس 1:9

خِدایی که اِما ره نِجات هِدا و اِما ره مِقدَّسِ زندگیِ وِسه دَعوِت هاکارده. اینِ نا اَمه کارائه خاطِری، بلکه شه هدف و فیضِ وِسه، که مَسیحْ عیسیِ دِله از اَزل اِما ره هِدا،

دوم تیموتائوس 2:1

پَس تِ مِ وَچه، اون فیضی هِمراه که مَسیحْ عیسیِ دِله دَره قَوی بَواش،

اول پِطرُس 1:15

ولی هَمون که شِما ره دَعوت هاکارده قدوسِ، شِما هم تِمومِ شه رِفتار وکِردارِ دِله مِقَدَّس بوئین؛

پطرسی دِوّمین نامِه 1:3

وه الهی قِوَّتِ تِمومِ اونچی که زندگی و دینداریِ وِسه لازمِ ره اِما ره هِدا. وه بِشناسییَنِ خاطِریِ که اِما ره شه جِلال و خواریِ وِسه دَعوِت هاکارده.

یوحنایِ مکاشفه 22:21

خِداوندْ عیسیِ فِیض شِما همهِ هِمراه دَووه. آمین.